আল্লু অৰ্জুনৰ ছবি পুষ্পা ২ আজি ছবিগৃহত মুক্তি লাভ কৰিছে। চলচ্চিত্ৰখনে দৰ্শকৰ পৰা বহুত ভাল সঁহাৰি লাভ কৰিছে। ইফালে, হায়দৰাবাদৰ চিক্কাডপল্লীত আল্লু অৰ্জুনৰ বিৰুদ্ধে এটা গোচৰ ৰুজু কৰা হৈছে।
দৰাচলতে ৪ ডিচেম্বৰত ‘পুষ্পা ২’ৰ প্ৰিমিয়াৰ চিক্কাডপাল্লিৰ ৭০ মিমি থিয়েটাৰত অনুষ্ঠিত হৈছিল। এই সময়ছোৱাত বহু সংখ্যক লোক ছবিখনৰ প্ৰিমিয়াৰ চাবলৈ গৈছিল।
সেই সময়ত দিলসুখ নগৰৰ বাসিন্দা ৰেৱতীয়ে তেওঁৰ স্বামী ভাস্কৰ আৰু দুই সন্তান শ্ৰীতেজ আৰু সঞ্জিকাৰ সৈতে পুষ্পাৰ প্ৰিমিয়াৰ চাবলৈ গৈছিল।
প্ৰিমিয়াৰৰ সময়ত হলটোত যথেষ্ট ভিৰ আছিল। কিন্তু নিশা প্ৰায় ৯.৩০ মান বজাত আল্লু অৰ্জুন তেওঁৰ ব্যক্তিগত নিৰাপত্তাৰ সৈতে থিয়েটাৰলৈ আহিছিল।
এই সময়ছোৱাত, তাত উপস্থিত লোকসকলে তেওঁৰ সৈতে থিয়েটাৰত প্ৰৱেশ কৰিবলৈ চেষ্টা কৰিছিল। যাৰ বাবে তাত পৰিস্থিতিৰ যথেষ্ট অৱনতি ঘটাইছিল।
সেই হতাহতিৰ ফলত ৰেৱতী আৰু তেওঁৰ পুত্ৰ শ্ৰীতেজ ভিৰৰ তলত পৰি যায়। যাৰ ফলত পদপৃস্থ হৈ থিতাতে প্ৰাণ হেৰুৱাই ৰেৱতীয়ে। পিছত সংকটজনক অৱস্থাত পুত্ৰ শ্ৰীতেজক চিকিৎসালয়ত ভৰ্তি কৰোৱা হয়।
সেই ঘটনাৰ পিছতে বিভিন্ন সংগঠনৰ নেতা, মৃত মহিলাগৰাকীৰ পৰিয়াল আৰু উকীলসকলেও আল্লু অৰ্জুন আৰু তেওঁৰ দলৰ বিৰুদ্ধে গোচৰ ৰুজু কৰিবলৈ দাবী জনাই।
আৰক্ষীয়ে ইতিমধ্যে আল্লু অৰ্জুন, সুকুমাৰ আৰু তেওঁলোকৰ দলৰ বিৰুদ্ধে বিএনএছ আইনৰ ১০৫, ১০৮ ধাৰাৰ অধীনত এটা গোচৰ ৰুজু কৰিছে।
জানিব পৰা মতে থিয়েটাৰৰ মালিক পক্ষয়েও কোনো সাৱধানতা অৱলম্বন কৰা নাছিল। যাৰ বাবে এনে ঘটনা সংঘটিত হবলা পালে।
