ODI টো দায়িত্ব ল’ব নেকি শুভমান গিলে?
টি-২০ আন্তঃৰাষ্ট্ৰীয় আৰু টেষ্ট ফৰ্মেটৰ পৰা অৱসৰ লোৱাৰ পিছত ৰোহিত শৰ্মা এদিনীয়া ফৰ্মেটত টিম ইণ্ডিয়াৰ অধিনায়ক হৈ আছে।
টেষ্টৰ পৰা অৱসৰ লোৱাৰ পিছত শুভমান গিলক এই ফৰ্মেটৰ অধিনায়ক হিচাপে নিযুক্তি দিয়া হৈছে।এতিয়া এটা চাঞ্চল্যকৰ প্ৰতিবেদন ওলাইছে যিয়ে অনুৰাগীক আচৰিত কৰিছে।
দৰাচলতে ভাৰতীয় টেষ্ট দলৰ নৱনিযুক্ত অধিনায়ক শুভমান গিল আগন্তুক এছিয়া কাপত উপ-অধিনায়ক হ’ব পাৰে।
কেৱল এয়াই নহয়, এদিনীয়া ফৰ্মেটতো তেওঁক অতি সোনকালে টিম ইণ্ডিয়াৰ অধিনায়ক হিচাপে নিযুক্তি দিয়া হ’ব। ২০২৭ চনৰ এদিনীয়া বিশ্বকাপত ৰোহিত শৰ্মা নহয়, শুভমান গিলক হে ঘৰুৱা দলটোৰ অধিনায়কত্ব দিয়াৰ সম্ভাৱনা আছে ।
ভাৰতৰ টেষ্ট অধিনায়ক হিচাপে ইংলেণ্ড ভ্ৰমণৰ সফলতাৰ পিছত গিলক আগন্তুক এছিয়া কাপ ২০২৫ৰ বাবে ভাৰতৰ টি-২০ দলৰ উপ-অধিনায়ক হিচাপে নিযুক্তি দিব পাৰে।
৯ ছেপ্টেম্বৰৰ পৰা ইউ এ ইত আৰম্ভ হ’ব এছিয়া কাপ, য’ত ভাৰতীয় দলটোৱে ১০ ছেপ্টেম্বৰৰ পৰা অভিযান আৰম্ভ কৰিব।
টি-২০ ফৰ্মেটত খেলা সূৰ্যকুমাৰ যাদৱ এছিয়া কাপৰ বাবে সুস্থ হৈ যাব আৰু দায়িত্ব ল’ব।একে সময়তে গিলক ডেপুটি হিচাপে নিযুক্তি দিয়াৰ সম্ভাৱনা আছে।
এক প্ৰতিবেদন অনুসৰি আগন্তুক সময়ত ভাৰতৰ এদিনীয়া অধিনায়ক হ’ব গিল।কেৱল এয়াই নহয়, দক্ষিণ আফ্ৰিকাত অনুষ্ঠিত হ’বলগীয়া ২০২৭ চনৰ এদিনীয়া বিশ্বকাপতো তেওঁক দলটোৰ নেতৃত্ব দিব বুলিও কোৱা হৈছে।
উল্লেখ্য যে গিল এতিয়া এদিনীয়া খেলত ভাৰতৰ ভাইচ অধিনায়ক হৈ আছে। বৰ্তমানৰ এদিনীয়া অধিনায়ক ৰোহিত শৰ্মা, যিয়ে মাত্ৰ এটা ফৰ্মেট আৰু আই পি এল খেলে।
কিন্তু গিল সন্দৰ্ভত এই পৰিৱৰ্তন তৎক্ষণাত হ’ব নে নহয় সেয়া হ’ব লক্ষ্যণীয়। আই পি এলৰ পাছত ২০১৮ চনৰ অক্টোবৰ-নৱেম্বৰত ভাৰতৰ সীমিত অভাৰৰ অষ্ট্ৰেলিয়া ভ্ৰমণত প্ৰথমবাৰৰ বাবে ৰোহিত শৰ্মাক একচনত দেখা যাব, য’ত তেওঁ এদিনীয়া শৃংখলাত দলৰ অধিনায়কত্ব কৰিব।
লগতে পঢ়ক: ভাৰতীয় দলৰ পৰৱৰ্তী মেচ কেতিয়া ? জানক ২০২৬ৰ টি-২০ বিশ্বকাপলৈ সম্পূৰ্ণ সময়সূচী
