শুভমান গিল ভাৰতীয় ক্ৰিকেটৰ ভৱিষ্যত বুলি বিবেচিত হৈছে।সেইবাবেই তেওঁক টি-২০ দলৰ পৰা আঁতৰাই ৰখা হৈছে আৰু ডব্লিউ টি চি আৰু ২০২৭ চনৰ এদিনীয়া বিশ্বকাপৰ বাবে প্ৰস্তুতি কৰোৱা হৈছে।

আই পি এল ২০২৬ ত বেটেৰে ধুমুহা সৃষ্টি কৰা শুভমান গিলে আয়াৰলেণ্ড আৰু ইংলেণ্ড ভ্ৰমণৰ বাবে ভাৰতীয় টি-২০ দলত স্থান লাভ নকৰিলে। গুজৰাট টাইটান্সৰ অধিনায়কগৰাকীয়ে শেহতীয়া আইপিএল ছিজনত ৭৩২ ৰান সংগ্ৰহ কৰি নিজক প্ৰতিযোগিতাখনৰ অন্যতম সফল বেটছমেন হিচাপে প্ৰতিষ্ঠা কৰিছিল। তেনে পৰিপ্ৰেক্ষিতত টি-২০ দললৈ তেওঁৰ প্ৰত্যাৱৰ্তন নিশ্চিত বুলি ভবা হৈছিল, কিন্তু নিৰ্বাচকসকলে এক সুকীয়া পথ বাছি ল’লে।

এতিয়া এই সিদ্ধান্তৰ আঁৰৰ এক ডাঙৰ কাৰণ পোহৰলৈ আহিছে।জানিব পৰা মতে,  ভাৰতীয় ক্ৰিকেট নিয়ন্ত্ৰণ ব’ৰ্ড (BCCI) আৰু নিৰ্বাচন সমিতিয়ে শুভমন গিলৰ বাবে এক দীৰ্ঘম্যাদী ৰণনীতি প্ৰস্তুত কৰিছে, যাৰ অধীনত তেওঁক বৰ্তমান টি-২০ ক্ৰিকেটৰ পৰা আঁতৰাই ৰাখি টেষ্ট আৰু এদিনীয়া (ODI) ক্ৰিকেটত সম্পূৰ্ণ মনোনিৱেশ কৰিবলৈ কোৱা হৈছে।

শুভমান গিল বৰ্তমান ভাৰতীয় টেষ্ট আৰু এদিনীয়া দলৰ অধিনায়ক।অহা ডেৰ বছৰত ভাৰতে বিশ্ব টেষ্ট চেম্পিয়নশ্বিপ (WTC)ৰ অধীনত ৯খন গুৰুত্বপূৰ্ণ মেচ খেলিব লাগিব, আনহাতে ২০২৭ চনৰ এদিনীয়া বিশ্বকাপৰ পূৰ্বে দলটোৱে প্ৰায় ৩৫খন এদিনীয়া মেচো খেলিব। তেনে ক্ষেত্ৰত নিৰ্বাচকসকলে নিবিচাৰে গিলে তিনিওটা ফৰ্মেট একেলগে খেলি শাৰীৰিক আৰু মানসিক ক্লান্তিৰ চিকাৰ হওক।দল পৰিচালনা সমিতিৰ মতে, ভাৰতৰ ভৱিষ্যতৰ পৰিকল্পনাৰ বাবে গিল ফিট আৰু ফ্ৰেছ হৈ থকাটো অত্যন্ত জৰুৰী।

জানিব পৰা মতে, “নিৰ্বাচকসকলে নিবিচাৰে শুভমান গিলৰ ওপৰত প্ৰয়োজনতকৈ অধিক ক্ৰিকেটৰ বোজা পৰক। তেওঁ টেষ্ট আৰু এদিনীয়া দলৰ নেতৃত্ব দিব লাগিব। অহা দুবছৰত ভাৰতৰ সন্মুখত দুটা ডাঙৰ লক্ষ্য আছে— ডব্লিউটিচি (WTC) ফাইনেল আৰু ২০২৭ চনৰ এদিনীয়া বিশ্বকাপ। গতিকে গিলৰ ফিটনেছ আৰু ফৰ্মক অগ্ৰাধিকাৰ দিয়া হৈছে।”

ভাৰতীয় দলৰ বাবে বিশ্ব টেষ্ট চেম্পিয়নশ্বিপ (WTC) 2025-27 ৰ চক্ৰটো অত্যন্ত গুৰুত্বপূৰ্ণ বুলি বিবেচিত হৈছে। ফাইনেলৰ দৌৰত টিকি থাকিবলৈ ভাৰতে বাকী থকা ৯খন টেষ্ট মেচৰ ভিতৰত অন্ততঃ ৭খন মেচত জয়লাভ কৰিব লাগিব। অৰ্থাৎ, অনাগত মাহবোৰত শুভমান গিলৰ ওপৰত কেৱল এজন বেটছমেন হিচাপেই নহয়, এজন অধিনায়ক হিচাপেও ডাঙৰ দায়িত্ব থাকিব। এই কাৰণেই নিৰ্বাচকসকলে বিচাৰে তেওঁৰ সম্পূৰ্ণ মনোযোগ বৰ্তমান ৰেড বল (Red-ball) ক্ৰিকেটতে থাকক।

লগতে পঢ়ক: আফগানিস্তান শৃংখলাৰ পৰা বাহিৰ বিৰাট! ৰোহিত-হাৰ্দিকক লৈও ওলমিছে প্ৰশ্নবোধক

আই পি এল ২০২৬ৰ আটাইতকৈ ডাঙৰ আৰু নকআউট সপ্তাহ আজিৰ পৰা আৰম্ভ হ’ব। ধৰ্মশালাৰ হিমাচল প্ৰদেশ ক্ৰিকেট এছ’চিয়েশ্যন ষ্টেডিয়ামত কোৱালিফায়াৰ ১ত মুখামুখি হ’ব পইণ্ট টেবুলৰ শীৰ্ষ দুটা দল ৰয়েল চেলেঞ্জাৰ্ছ বেংগালুৰু আৰু গুজৰাট টাইটানছ।

সামৰণি পৰিল আই পি এল ২০২৬ৰ লীগ পৰ্যায়। এতিয়া সকলোৰে দৃষ্টি কোৱালিফায়াৰ মেচবোৰৰ ওপৰত নিবদ্ধ হৈ আছে ।২৬ মে’ মঙলবাৰে ধৰ্মশালাৰ এইচ পি চি এ ষ্টেডিয়ামত ৰয়েল চেলেঞ্জাৰছ বেংগালুৰু আৰু গুজৰাট টাইটানছৰ মাজত অনুষ্ঠিত হ’ব আই পি এল কোৱালিফায়াৰ ১ৰ খেলখন।পইণ্ট টেবুলৰ শীৰ্ষ দুটা স্থান দখল কৰা ৰয়েল চেলেঞ্জাৰছ বেংগালুৰু আৰু গুজৰাট টাইটানছ কোৱালিফায়াৰ ১ৰ মেচত মুখামুখি হ’ব।

আমোদজনক কথাটো হ’ল দুয়োটা দলে ১৮ পইণ্টকৈ লীগ পৰ্যায়ত অন্ত পেলায়।পইণ্ট তালিকাত ১৮ পইণ্টেৰে প্ৰথম স্থানত আছে ৰয়েল চেলেঞ্জাৰছ বাংগালুৰু আৰু ১৮ পইণ্টেৰে দ্বিতীয় স্থানত আছে গুজৰাট টাইটানছ। পাৰ্থক্য  মাথোঁ নেট ৰাণ ৰেটৰ আছিল, যিয়ে আৰ চি বিক শীৰ্ষ স্থানলৈ নিয়ে। কিন্তু এতিয়া পইণ্ট টেবুলৰ কোনো তাৎপৰ্য্য নাই।এতিয়া মাত্ৰ ৪০ অভাৰতে সিদ্ধান্ত ল’ব কোনে আই পি এল ২০২৬ৰ ফাইনেলৰ প্ৰথম টিকট লাভ কৰিব।

কোৱালিফায়াৰ প্ৰথম মেচখন সন্ধিয়া ৭:৩০ বজাৰ পৰা আৰম্ভ হ’ব। ৰয়েল চেলেঞ্জাৰছ বেংগালুৰুৰ অধিনায়ক ৰজত পাটিদাৰ আৰু গুজৰাট টাইটানছৰ অধিনায়ক শুভমীন গিল সন্ধিয়া ৭:০০ বজাত টছৰ বাবে খেলপথাৰলৈ আহিব। কোৱালিফায়াৰ ১ মেচৰ পূৰ্বে ডিফেণ্ডিং চেম্পিয়ন আৰচিবিৰ বাবে খেলুৱৈৰ আঘাত এক ডাঙৰ মূৰৰ কামোৰণি হৈ পৰিছে।ইংলেণ্ডৰ অল ৰাউণ্ডাৰ জেকব বেথেলে আঙুলিৰ আঘাতৰ বাবে সমগ্ৰ প্ৰতিযোগিতাখনৰ পৰা আঁতৰি আছে।যিটো আৰচিবিৰ বাবে এক বৃহৎ আঘাত বুলি বিবেচনা কৰা হৈছে।

টি-২০ বিশ্বকাপত ভাৰতীয় দলৰ পৰা বাহিৰ হ’ল শুভমান গিল। তেওঁ বাহিৰ হোৱাক লৈ এতিয়া সুনীল গাভাস্কৰে প্ৰতিক্ৰিয়া প্ৰকাশ কৰিছে।

টি-২০ বিশ্বকাপৰ বাবে শনিবাৰে ঘোষণা কৰা হ’ল ভাৰতীয় দল আৰু ৰাষ্ট্ৰীয় বাছনি সমিতিয়ে ঘৰুৱা টি-২০ বিশ্বকাপৰ বাবে নিৰ্বাচন কৰা ১৫ জনীয়া ভাৰতীয় দলৰ পৰা দুৰ্বল ফৰ্মৰ বাবে উপ অধিনায়ক শুভমান গিল বাহিৰ হৈছে।

এই সিদ্ধান্ত সন্দৰ্ভত সুনীল গাভাস্কৰে কয় যে, “শুভমান গিলক বাহিৰ কৰি দিয়াটো আচৰিত। ‘ক্লাছ এক্ট, গুণগত মান ভাল’।কিন্তু শেষত ক্লাছ সদায় কামত আহে।

গাভাস্কৰে লগতে কয়, “তেওঁ দীঘলীয়া বিৰতিৰ পিছত আহি আছিল আৰু ছন্দত নাছিল।আমি আই পি এলত দেখিছো যে তেওঁ বহুত ভাল।”

“সেই কাৰণে টছৰ অভাৱ হয়টো তেওঁৰ বিৰুদ্ধে গৈছিল।আশাকৰোঁ শুভমানে সঠিক মনোভাৱেৰে ল’ব।মই তেওঁৰ বাবে সৰ্বোত্তম বিচাৰো। তেওঁৰ কিছুমান আঘাত অদ্ভুত হৈ পৰিছে।”

লগতে পঢ়ক: টি-২০ বিশ্বকাপ ২০২৬ৰ বাবে বি চি চি আইৰ ৫টা ডাঙৰ সিদ্ধান্ত… যিয়ে আচৰিত কৰিছে সকলোকে

শৃংখলা দখল কৰাৰ উদ্দেশ্যেৰে আজি খেলপথাৰত নামিব টীম ইণ্ডিয়া।শুভমান গিলৰ স্থানত সঞ্জু চেমছনে কৰিব নেকি অ’পেনিং?

দক্ষিণ আফ্ৰিকাৰ বিৰুদ্ধে ৫খন মেচৰ শৃংখলা দখল কৰাৰ উদ্দেশ্যেৰে আজি খেলপথাৰত নামিব ভাৰতীয় দলটোৱে।

লক্ষ্ণৌত হোৱা হতাশাৰ পিছত শুকুৰবাৰে দুয়োটা দলে ছিৰিজৰ ডিচাইডাৰৰ বিৰুদ্ধে খেলিব।ভাৰতে ২-১ ত শৃংখলাখনত আগবাঢ়ি আছে। ইফালে ঘন কুঁৱলীৰ বাবে বাতিল কৰা হয় চতুৰ্থ টি-২০।

প্ৰতিখন মেচৰ লগে লগে ভাৰতে ফেব্ৰুৱাৰী আৰু মাৰ্চ মাহত ঘৰুৱা ক্ষেত্ৰত অনুষ্ঠিত হ’বলগীয়া টি-২০ বিশ্বকাপৰ ওচৰ চাপিছে।ভাৰতে নিজৰ ট্ৰফী ৰক্ষাৰ বাবে খেলপথাৰত নামিবলৈ মাত্ৰ ৬ খন মেচ বাকী আছে।

আহমেদাবাদত অনুষ্ঠিত হোৱা টি-২০ত ভাৰতৰ বাবে এক নতুন প্ৰত্যাহ্বান কঢ়িয়াই আনিছে।উপ অধিনায়ক শুভমান গিলৰ ভৰিত আঘাত পোৱাৰ বাবে শুকুৰবাৰে খেলিব নোৱাৰিবও পাৰে। দলৰ সৈতে আহমেদাবাদত উপস্থিত হৈছে যদিও তেওঁৰ খেলাক লৈ প্ৰশ্ন উত্থাপন হৈছে।

দলটোত কোনো বেকআপ অ’পেনাৰ নাই, গতিকে পঞ্চম টি-২০ত গিলৰ ঠাইত সঞ্জু চেমছনে অ’পেনাৰ কৰাটো সম্ভৱ।অভিষেক শৰ্মাই তেওঁৰ সৈতে অ’পেনিং কৰিব, আনহাতে সূৰ্যকুমাৰ যাদৱে তিনি নম্বৰত বেটিং কৰিব।

ভাৰতীয় অধিনায়কগৰাকীয়ে কয় যে তেওঁ ফৰ্মৰ বাহিৰত নহয়,মাত্ৰ ৰান কৰিব পৰা নাই।আশাকৰোঁ এই শেষৰখন মেচ তেওঁৰ বাবে পুনৰ ফৰ্মলৈ ঘূৰি অহাৰ সুযোগ হ’ব।

তিলক ভাৰ্মাই চতুৰ্থ নম্বৰত নিজৰ স্থান সুদৃঢ় কৰিছে আৰু এই পজিচনত যিমানেই খেলিব সিমানেই তেওঁ আত্মবিশ্বাসী হ’ব।

লগতে পঢ়ক: আহমেদাবাদত উপস্থিত শুভমান গিল; দক্ষিণ আফ্ৰিকাৰ বিৰুদ্ধে অন্তিমখন টি-২০ ত নামিব নেকি খেলপথাৰত?