অলি পোপেৰ ইতিকিং টীম ইণ্ডিয়াক
ভাৰত আৰু ইংলেণ্ডৰ মাজত পাঁচখন টেষ্টৰ ডাঙৰ শৃংখলা ২০২৫ চনৰ ২০ জুনৰ পৰা লিডছত আৰম্ভ হ’ব। মেচখনৰ পূর্বে ইংলেণ্ডৰ ভাইচ অধিনায়ক অলি পোপে ভাৰতীয় দলটোক মানসিক চাপ প্রদান কৰিবলৈ আৰম্ভ কৰিছে৷
তেওঁ কয় যে ভাৰতীয় দলত নিশ্চিতভাৱে যুৱ প্ৰতিভা আছে, কিন্তু এইবাৰ বিৰাট কোহলীৰ অনুপস্থিতিয়ে দলটোৰ আত্মবিশ্বাস আৰু খেলপথাৰত আক্ৰমণাত্মক শৈলী সীমিত কৰিব পাৰে।
শচীন-এণ্ডাৰছন ছিৰিজৰ পূৰ্বে অলি পোপে এক সাক্ষাৎকাৰত কৈছিল, ‘বৰ্তমানৰ ভাৰতীয় দলটো যুৱক আৰু তেওঁলোকৰ মাজত প্ৰতিভাৰ অভাৱ নাই।
তেওঁলোকৰ ডাঙৰ খেলুৱৈ আছে আৰু শুভমান গীল এজন ডাঙৰ অধিনায়ক, কিন্তু তেওঁ নিশ্চিতভাৱে বিৰাট কোহলী অনুপস্থিতি অনুভৱ কৰিব। স্লিপত থিয় হৈ কোহলীয়ে নিজৰ আক্ৰমণাত্মক আৰু হাস্যৰসময়ী শৈলীৰে এক বেলেগ পৰিৱেশৰ সৃষ্টি কৰে।
টেষ্ট ক্ৰিকেটত ইংৰাজী বেটিং শক্তিশালী কৰা পোপেও এই কথা কয় ভাৰতীয় দলটোত যদিও যুৱ প্ৰতিভাৰ অন্ত নাই আৰু খেলুৱৈসকল আত্মবিশ্বাসেৰে ভৰি আছে, কিন্তু ইংলেণ্ড দলৰ খেলুৱৈসকলো এই প্ৰত্যাহ্বানৰ বাবে সম্পূৰ্ণ সাজু।
সাক্ষাৎকাৰটোত আৰু অধিক কথা কোৱা অলি পোপে এই ধাৰাবাহিকখনক আগন্তুক এছেছৰ বাবে ইংলেণ্ডৰ প্ৰস্তুতিৰ এক গুৰুত্বপূৰ্ণ অংশ বুলি অভিহিত কৰে।
তেওঁ লগতে কয় যে, ‘ভাৰতৰ বিৰুদ্ধে এই টেষ্ট শৃংখলা খেলিবলৈ আমাৰ বাবে এটা সুন্দৰ সময়। যোৱা বছৰ আমি ৱেষ্ট ইণ্ডিজ আৰু শ্ৰীলংকাৰ বিৰুদ্ধে মেচ খেলিছিলো, কিন্তু ভাৰতৰ দৰে দলৰ বিৰুদ্ধে খেলিলে আমাৰ প্ৰস্তুতি আৰু অধিক শক্তিশালী হ’ব।
এশেজও আহি আছে আৰু তাৰ আগতে এইটো এটা ডাঙৰ পৰীক্ষা হ’ব। ইংলেণ্ড ভ্ৰমণৰ বাবে ভাৰতে নিৰ্বাচিত কৰিছে এটা যুৱ দল। ভাৰতৰ প্ৰবীণ খেলুৱৈ বিৰাট আৰু ৰোহিত শৰ্মা এইবাৰ দলৰ অংশ নহয়।
লগতে পঢ়ক: আহমেদাবাদৰ বিমান দুৰ্ঘটনাত নাবাচিল এজনো যাত্ৰী; ৫ জন মেডিকেলৰ ছাত্ৰৰো মৃত্যু
