জুবিন গাৰ্গৰ ঘটনাক লৈ কঠোৰ কেন্দ্ৰীয় মন্ত্ৰী পৱিত্ৰ মাৰ্ঘেৰিটা
জুবিন গাৰ্গৰ ঘটনাক লৈ কঠোৰ কেন্দ্ৰীয় মন্ত্ৰী তথা জুবিনৰ কলেজীয়া দিনৰ বন্ধু পৱিত্ৰ মাৰ্ঘেৰিটা । তেওঁ টুকুৰা টুকুৰকৈ কিয় ভিডিঅ’বোৰ ওলাইছে এয়া ৰহস্যৰ আৱৰ্তত বুলি মন্তব্য কৰে । লগতে টুকুৰা টুকুৰকৈ কিয় ছিংগাপুৰৰ ভিজুৱেলবোৰ দিয়া হৈছে বুলি প্ৰশ্ন উত্থাপন কৰে কেন্দ্ৰীয় মন্ত্ৰীগৰাকীয়ে ?
কেন্দ্ৰীয় মন্ত্ৰী পৱিত্ৰ মাৰ্ঘেৰিটাই কয় যে, ভিডিঅবোৰ কিয় টুকুৰা টুকুৰকৈ ওলাইছে সেয়া ৰহস্যৰ বিষয় । এই সকলোবোৰ তদন্তৰ আওতালৈ আহিব । ছিৰিয়েলৰ নিচিনাকে টুকুৰা টুকুৰকৈ দি কি বুজাব বিচাৰিছে, কোনে দিছে বুলি প্ৰশ্ন উত্থাপন কৰে তেওঁ ।
পৱিত্ৰ মাৰ্ঘেৰিয়াই পুনৰ কয় যে, ‘জুবিনৰ বন্ধু হিচাবে আস্থা আছে যি হয় সকলো স্পষ্ট হ’ব । সকলোৱে যেনেদৰে এই বিষয়ত তদন্ত বিচাৰিছে তেনেদৰে সাধাৰণ নাগৰিক হিচাবে ময়ো তদন্ত বিচাৰিছো আৰু এই সকলো ৰহস্য ফাদিল হওক ।‘
আনহাতে জুবিন গাৰ্গৰ মৃত্যুৰ ঘটনাত নাম সাঙোৰ খোৱা শ্যামকাণু মহন্তক ৰাজ্য চৰকাৰে ব্লেক লিষ্টেড কৰাৰ সিদ্ধান্তক আদৰণি জনাই কেন্দ্ৰীয় মন্ত্ৰী পৱিত্ৰ মাৰ্ঘেৰিটাই ।
লগতে পঢ়ক : জুবিন গাৰ্গৰ মৃত্যুৰ তদন্ত কৰিবলৈ এছ আই টি গঠন ৰাজ্য চৰকাৰৰ…
