অসম চৰকাৰে ৯ জুলাই বৃহস্পতিবাৰে বিধানসভাক অৱগত কৰে যে সোণাপুৰত ‘জুবিন ক্ষেত্ৰ’ৰ উন্নয়নকে ধৰি জুবিন গাৰ্গৰ উত্তৰাধিকাৰ ৰক্ষাৰ বাবে একাধিক ব্যৱস্থাৰ প্ৰস্তাৱ ।

অসম চৰকাৰে বৃহস্পতিবাৰে, ৯ জুলাইত বিধানসভাক অৱগত কৰে যে হাৰ্টথ্ৰব জুবিন গাৰ্গৰ উত্তৰাধিকাৰ সংৰক্ষণৰ বাবে চৰকাৰে একাধিক পদক্ষেপ হাতত লৈছে, যাৰ ভিতৰত সোণাপুৰত ‘জুবিন ক্ষেত্ৰ’ গঢ়ি তোলাৰ সিদ্ধান্তও অন্তৰ্ভুক্ত। চৰকাৰে লগতে জনায় যে জুবিন গাৰ্গৰ স্মৃতিত প্ৰতিটো বিধানসভা সমষ্টিত একোটাকৈ অত্যাধুনিক প্ৰেক্ষাগৃহযুক্ত আধুনিক সাংস্কৃতিক কেন্দ্ৰ স্থাপনৰ প্ৰস্তাৱটো পুঁজিৰ উপলব্ধতাৰ ওপৰত নিৰ্ভৰ কৰি বিবেচনা কৰা হ’ব।

অসম বিধানসভাৰ বাজেট অধিৱেশনত বিধায়িকা বেবী বেগমৰ এক প্ৰশ্নৰ উত্তৰ দি সাংস্কৃতিক পৰিক্ৰমা মন্ত্ৰী বিমল বৰাই কয় যে ২০২৫ চনৰ ১৬ অক্টোবৰত অনুষ্ঠিত কেবিনেট বৈঠকত ৰাজ্য চৰকাৰে জুবিন গাৰ্গৰ শেষ কৃত্য সম্পন্ন কৰা স্থানখনৰ পৰিকল্পনা আৰু উন্নয়নৰ তদাৰক কৰিবলৈ বিভিন্ন ক্ষেত্ৰৰ বিশিষ্ট ব্যক্তিসকলক লৈ এখন কমিটি গঠনৰ অনুমোদন জনাইছিল। এই কমিটিখনত গৰিমা গাৰ্গ, পালমি বৰঠাকুৰ, পাৰ্থ সাৰথি মহন্ত, অনুৰাধা শৰ্মা পূজাৰী, বীৰেন সিং, পুলক বেনাৰ্জী, তৰালী শৰ্মা, শ্যামন্তক গৌতম, প্ৰাঞ্জল শইকীয়া, দুলাল মালকী আৰু সুদৰ্শন ঠাকুৰ অন্তৰ্ভুক্ত হৈ আছে।

মন্ত্ৰী বৰাই সদনক জনায় যে কমিটিয়ে ইতিমধ্যে ক্ষেত্ৰভিত্তিক মূল্যায়ন আৰম্ভ কৰিছে আৰু প্ৰস্তাৱিত স্মৃতিসৌধৰ ধাৰণা আৰু আন্তঃগাঁথনি পৰিকল্পনা চূড়ান্ত কৰাৰ বাবে ২০২৬ চনৰ ৬ মাৰ্চত এখন বৈঠক অনুষ্ঠিত কৰিছিল।

তেওঁ কয় যে ৰাজহ আৰু দুৰ্যোগ ব্যৱস্থাপনা বিভাগে ‘জুবিন ক্ষেত্ৰ’ নিৰ্মাণৰ বাবে সোণাপুৰত ১০ বিঘা ১ কথা চৰকাৰী ভূমি সাংস্কৃতিক পৰিক্ৰমা সঞ্চালকালয়লৈ হস্তান্তৰ কৰিছে।

মন্ত্ৰীগৰাকীয়ে আৰু কয় যে উক্ত স্থানত স্থায়ী ৱাল নিৰ্মাণৰ বাবে চৰকাৰে ২০২৫-২৬ বিত্তীয় বৰ্ষত ৩.১৯৭৫ কোটি টকা মঞ্জুৰ কৰিছে। ইয়াৰ নিৰ্মাণ কাৰ্য ইতিমধ্যে আৰম্ভ হৈছে আৰু প্ৰকল্পটোৰ প্ৰায় ৩০ শতাংশ কাম সম্পূৰ্ণ হৈছে।

জুবিন গাৰ্গৰ স্মৃতিত প্ৰতিটো বিধানসভা সমষ্টিত একোটাকৈ উন্নত মানৰ প্ৰেক্ষাগৃহযুক্ত আধুনিক সাংস্কৃতিক কেন্দ্ৰ স্থাপনৰ প্ৰস্তাৱ সন্দৰ্ভত বৰাই কয় যে চৰকাৰে পুঁজিৰ উপলব্ধতাৰ ওপৰত নিৰ্ভৰ কৰি উপযুক্ত সময়ত এই বিষয়টো বিবেচনা কৰিব। তেওঁ লগতে কয় যে এই কেন্দ্ৰসমূহৰ জৰিয়তে সংগীত, নৃত্য, থিয়েটাৰ আৰু অন্যান্য সাংস্কৃতিক শাখাত বিনামূলীয়া প্ৰশিক্ষণ প্ৰদানৰ প্ৰস্তাৱো ইয়াত অন্তৰ্ভুক্ত আছে।

মন্ত্ৰীগৰাকীয়ে কয় যে চৰকাৰে বিশ্বাস কৰে জুবিন গাৰ্গৰ প্ৰতি আটাইতকৈ অৰ্থপূৰ্ণ শ্ৰদ্ধাঞ্জলি হ’ল অসমৰ বৈচিত্ৰ্যময় সাংস্কৃতিক পৰম্পৰাক শক্তিশালী আৰু প্ৰসাৰিত কৰা।

লগতে পঢ়ক: ৩৬ হাজাৰ ‘বিদেশী’ চিনাক্ত, কিন্তু ঘূৰাই পঠালে মাত্ৰ ১৯৬ জনক! বিধানসভাত বিস্ফোৰক তথ্য

মুকলি আকাশৰ তললৈ অহাৰ সপোন পূৰণ নহ’ল জুবিন গাৰ্গ হত্যাৰ মূল অভিযুক্ত সিদ্ধাৰ্থ শৰ্মাৰ। গুৱাহাটী উচ্চ ন্যায়ালয়ে শুকুৰবাৰে নাকচ কৰিলে জামিন আৱেদন।

গুৱাহাটী উচ্চ ন্যায়ালয়ে জুবিন গাৰ্গৰ মৃত্যুৰ গোচৰত অভিযুক্ত সিদ্ধাৰ্থ শৰ্মাৰ জামিন আৱেদন পুনৰ খাৰিজ কৰিছে। ন্যায়াধীশ মিতালী ঠাকুৰীয়াই এই আদেশ প্ৰদান কৰি সিদ্ধাৰ্থ শৰ্মাৰ জামিন আৱেদন নাকচ কৰে। সিদ্ধাৰ্থ শৰ্মাৰ জামিন আৱেদন নাকচ হোৱাৰ এয়া দ্বিতীয়টো ঘটনা।

ইয়াৰ পূৰ্বে ফাষ্ট ট্ৰেক আদালতেও তেওঁৰ জামিন আৱেদন খাৰিজ কৰিছিল।সিদ্ধাৰ্থৰ মহাবীৰ একুৱা আৰু বেংক একাউণ্ট খুলি দিয়াৰ সন্দৰ্ভত ২৪ জুলাইত পৰৱৰ্তী শুনানিৰ দিন ধাৰ্য কৰা হৈছে। বৰ্তমানৰ এই আদেশৰ পাছত, গোচৰটোৰ তদন্ত আৰু আইনী প্ৰক্ৰিয়া অব্যাহত থকাৰ পৰিপ্ৰেক্ষিতত সিদ্ধাৰ্থ শৰ্মা ন্যায়িক জিম্মাতে থাকিব লাগিব।

উল্লেখ্য যে, ১৯ ছেপ্টেম্বৰ, ২০২৫ তাৰিখে জুবিন গাৰ্গৰ মৃত্যু হোৱাৰ পাছত ১ অক্টোবৰ, ২০২৫ তাৰিখে সিদ্ধাৰ্থ শৰ্মাক গ্ৰেপ্তাৰ কৰা হৈছিল।

লগতে পঢ়ক: অসমত হ’ব বৃহৎ বিনিয়োগ! মুখ্যমন্ত্ৰী হিমন্ত বিশ্ব শৰ্মালৈ জাপানৰ ৰাষ্ট্ৰদূতৰ ফোন

আজি মুকলি আকাশৰ তললৈ আহিব নেকি সন্দীপন গাৰ্গ, অমৃতপ্ৰভা মহন্ত, নন্দেশ্বৰ বৰা আৰু পৰেশ বৈশ্য। এই ৪ গৰাকী অভিযুক্তই দাখিল কৰা জামিন আবেদনৰ ওপৰত আদালতে ৰায় প্ৰদান কৰিব।

সমগ্ৰ ৰাজ্যজুৰি চাঞ্চল্য সৃষ্টি কৰা হাৰ্টথ্ৰব জুবিন গাৰ্গৰ হত্যাকাণ্ডৰ গোচৰৰ বিচাৰ প্ৰক্ৰিয়া অব্যাহত আছে। বিশেষ ফাষ্ট-ট্ৰেক আদালতে এই গোচৰৰ চাৰিজন অভিযুক্তৰ জামিন আবেদনৰ সন্দৰ্ভত সোমবাৰে গুৰুত্বপূৰ্ণ ৰায় প্ৰদান কৰাৰ সম্ভাৱনা আছে। আজি আদালতে সন্দীপন গাৰ্গ, অমৃতপ্ৰভা মহন্ত, নন্দেশ্বৰ বৰা আৰু পৰেশ বৈশ্যই দাখিল কৰা জামিন আবেদনৰ ওপৰত নিজৰ ৰায়দান কৰিব।

উল্লেখ্য যে, অভিযুক্তকেইজনৰ জামিন আবেদনৰ শুনানি ইতিমধ্যে সম্পূৰ্ণ হৈছিল আৰু আদালতে ইয়াৰ ৰায়দান স্থগিত ৰাখিছিল। তেওঁলোকৰ জামিন আবেদনৰ শুনানি ইতিমধ্যে সম্পূৰ্ণ হৈছিল, আৰু আদালতে ইয়াৰ ৰায়দান সংৰক্ষণ কৰি ৰাখিছিল।বৰ্তমান গোচৰৰ শুনানি অসমৰ বিশেষ ফাষ্ট ট্ৰেক আদালতত চলি আছে, য’ত মূল বিচাৰ প্ৰক্ৰিয়া চলি আছে। এই গোচৰটো ২০২৫ চনৰ ছেপ্টেম্বৰ মাহত জুবিন গাৰ্গৰ মৃত্যুৰ সৈতে জড়িত, যিটোক পিছত তদন্তকাৰীয়ে হত্যা আৰু অপৰাধমূলক ষড়যন্ত্ৰৰ গোচৰ হিচাপে গণ্য কৰে।

লগতে পঢ়ক: বিশেষ ফাষ্টট্ৰেক আদালতত আৰম্ভ হ’ব জুবিন গাৰ্গৰ হত্যাৰ মূল বিচাৰ প্ৰক্ৰিয়া

জুবিন গাৰ্গৰ হত্যাৰ মূল বিচাৰ প্ৰক্ৰিয়া আজিৰে পৰা বিশেষ ফাষ্টট্ৰেক আদালতত আৰম্ভ হ’ব।

আজিৰে পৰা বিশেষ ফাষ্টট্ৰেক আদালতত আৰম্ভ হ’ব জুবিন গাৰ্গৰ হত্যাৰ মূল বিচাৰ প্ৰক্ৰিয়া।৪ জনকৈ সাক্ষীক তলবৰ নিৰ্দেশ দিছে ফাষ্টট্ৰেক আদালতে। মৰিগাঁৱৰ প্ৰাক্তন SP, OC-সহ ৪ জনক হাজিৰ হোৱাৰ চমন জাৰি কৰা হৈছে।

জুবিন গাৰ্গৰ গোচৰ খৰতকীয়াভাৱে নিষ্পত্তি কৰাৰ নিৰ্দেশ আদালতৰ।আজি ফাষ্টট্ৰেক আদালতত ৪ গুৰুত্বপূৰ্ণ সাক্ষীৰ সাক্ষ্য মূল্যায়ন কৰিব। জুবিন কাণ্ডৰ বিচাৰ প্ৰক্ৰিয়াৰ বাবে মৰিগাঁৱৰ প্ৰাক্তন SP হেমন্ত কুমাৰ দাস মৰিগাঁও থানাৰ তদানীন্তন OC প্ৰণৱ শইকীয়া আৰু SI ভাস্কৰ বৰ্মন আৰু এজাহাৰকাৰী ৰাতুল বৰাক তলব কৰা হৈছে।

লগতে পঢ়ক: ৰাজ্যত ভূমিকম্পৰ জোকাৰণি…