উকীল হ’বলৈ কি অধ্যয়ন কৰিব লাগিব ?
উকীল বা অধিবক্তা হোৱাটো বহু ছাত্ৰ-ছাত্ৰীৰ সপোন । আইজীৱী হিচাবে নিজৰ কেৰিয়াৰ গঢ়িবলৈ বহু ছাত্ৰ-ছাত্ৰীয়ে ইচ্ছা প্ৰকাশ কৰে । ইয়াৰ বাবে অধ্যয়ন আৰু কষ্ট কৰিব লাগে । ইয়াৰ উপৰিও এই পাঠ্যক্ৰমত নামভৰ্তি কৰিবলৈ প্ৰৱেশ পৰীক্ষাতো উত্তীৰ্ণ হ’ব লাগিব । যেনে ডাক্তৰ বা অভিযন্তা হ’বলৈ হ’লে দ্বাদশৰ পিছত সেই ক্ষেত্ৰখনৰ লগত জড়িত পাঠ্যক্ৰম সম্পূৰ্ণ কৰিব লাগে ঠিক তেনেদৰে উকীল হ’বলৈ হ’লে আইন অধ্যয়ন কৰিব লাগিব ।
এই পাঠ্যক্ৰম কৰক-
উকীল হ’বলৈ হ’লে প্ৰথমে দ্বাদশ শ্ৰেণী উত্তীৰ্ণ হ’ব লাগিব । ইয়াৰ পিছত আপুনি বি এ (এল এল বি) বা এল এল বিত স্নাতক ডিগ্ৰী ল’ব লাগিব । BA LLB হৈছে ৫ বছৰীয়া এক সংহত পাঠ্যক্ৰম, য’ত আইনৰ লগতে ইতিহাস, ভূগোল, অৰ্থনীতি, সমাজবিজ্ঞান, ৰাজনীতি বিজ্ঞান আদি বিষয়ৰ শিক্ষা দিয়া হয় । এই পাঠ্যক্ৰমত নামভৰ্তিৰ বাবে CLAT, LSAT India, AILET বা SET আদি প্ৰৱেশ পৰীক্ষাত উতীৰ্ণ হ’ব লাগিব ।
এই পৰীক্ষাত উত্তীৰ্ণ হ’ব লাগিব-
আনহাতে এল এল বি মানে আইনত স্নাতক, যিটো তিনি বছৰীয়া পাঠ্যক্ৰম । যিকোনো শাখাৰ পৰা অধ্যয়ন কৰা ছাত্ৰ-ছাত্ৰীয়ে এই পাঠ্যক্ৰম সম্পূৰ্ণ কৰিব পাৰে । যদি আপুনি ভাৰতৰ কোনো শীৰ্ষ বিশ্ববিদ্যালয়ৰ পৰা LLB কৰিব বিচাৰে তেন্তে ইয়াৰ বাবে আপুনি Common Law Admission Test (CLAT) পৰীক্ষাত উত্তীৰ্ণ হ’ব লাগিব । একে সময়তে স্নাতক হোৱাৰ পিছত সৰ্বভাৰতীয় বাৰ পৰীক্ষাত (AIBE) উত্তীৰ্ণ হ’ব লাগিব । ইয়াৰ পিছত আপোনাক আইন চৰ্চা কৰাৰ বাবে যোগ্য বুলি গণ্য কৰা হ’ব ।
অল ইণ্ডিয়া বাৰ পৰীক্ষাত উত্তীৰ্ণ হোৱাৰ পিছত আইন প্ৰেকটিছ কৰিব পাৰি । AIBE পৰীক্ষা ভাৰতীয় বাৰ কাউন্সিলৰ দ্বাৰা আয়োজন কৰা হয় । ইচ্ছা কৰিলে LLB ৰ পিছত আইন বিষয়ত পোষ্ট গ্ৰেজুৱেচনো কৰিব পাৰে ।
কেৰিয়াৰ বিকল্প-
-উকীল
-আইনী উপদেষ্টা
-কৰ্পৰেট উকীল
-চৰকাৰী অধিবক্তা
-ন্যায়িক পদবী
-আইনৰ শিক্ষক
-বিচাৰক বা জাজ
লগতে পঢ়ক : দশম শ্ৰেণীৰ পিছত কি ? বিজ্ঞান, কলা নে বাণিজ্য… কোনটো শখাত অধ্যয়ন কৰিব ?
