জীৱনত আগবাঢ়ি যাবলৈ এই পাঁচটা দক্ষতা প্ৰয়োজনীয়

প্ৰতিজন ব্যক্তিয়ে নিজৰ জীৱন আৰু কেৰিয়াৰত সফল হ’ব বিচাৰে । বৰ্তমানৰ আধুনিক যুগত ইয়াৰ গুৰুত্ব আৰু অধিক বৃদ্ধি পাইছে । এতিয়া সফলতাৰ সংজ্ঞা বহুত সলনি হৈছে । কেৱল উচ্চ শিক্ষা, নম্বৰৰ উৎকৃষ্টতা বা কাৰিকৰী জ্ঞান এতিয়া যথেষ্ট নহয় । দ্ৰুতগতিত সলনি হোৱা আৰু প্ৰতিযোগিতামূলক পৃথিৱীখনত সাধাৰণ দক্ষতাৰ মজবুত ভেটি থকাসকলেহে আগবাঢ়িব পাৰে ।

বিশ্বৰ বিভিন্ন প্ৰান্তত কৰা গৱেষণাই নিশ্চিত কৰিছে যে কিছুমান বিশেষ দক্ষতাই নতুন প্ৰজন্মৰ যুৱক-যুৱতী, ছাত্ৰ-ছাত্ৰী আৰু পেছাদাৰীসকলক বিশ্বৰ মঞ্চত আত্মবিশ্বাসেৰে থিয় দিবলৈ সক্ষম কৰে । এই মূল দক্ষতাবোৰ কি জানক ।

যোগাযোগ-

বৰ্তমান ভাৱৰ ফলপ্ৰসূ আদান-প্ৰদানৰ যুগ । সাক্ষাৎকাৰ দিয়াই হওক, দলৰ সৈতে কাম কৰাই হওক বা মানুহৰ সৈতে সামাজিকভাৱে মত বিনিময় কৰাই হওক– স্পষ্ট, নিখুঁত আৰু ভদ্ৰ ভাষাত নিজৰ মতামত প্ৰকাশ কৰাটোৱেই সফলতাৰ চাবিকাঠি । যোগাযোগ হৈছে সেই দলং যিয়ে আপোনাৰ জ্ঞানক সুযোগৰ সৈতে সংযোগ কৰে । মনত ৰাখিব, আপুনি যি ভাষাতেই কওক কিয়, তাত দক্ষতা অবিহনে আপুনি ফলপ্ৰসূভাৱে যোগাযোগ কৰিব নোৱাৰে ।

সময় ব্যৱস্থাপনাৰ কলা-

ডিজিটেল যন্ত্ৰই আমাৰ জীৱনৰ গভীৰতালৈ সোমাই গৈছে । ইয়াৰ আকৰ্ষণে আমাৰ দৈনন্দিন জীৱনত বহু পৰিমাণে প্ৰভাৱ পেলাইছে । এনে পৰিস্থিতিত একাগ্ৰতাৰ অভাৱ এটা ডাঙৰ প্ৰত্যাহ্বান হিচাপে আত্মপ্ৰকাশ কৰিছে । গতিকে সময়ৰ গুৰুত্ব বুজা আৰু সংগঠিতভাৱে ব্যৱহাৰ কৰাটো এটা কলা । এজন সফল ব্যক্তি হ’ল সেইজন যিয়ে নিজৰ অগ্ৰাধিকাৰ চিনাক্ত কৰিব পাৰে আৰু সময়ক কৌশলগতভাৱে ব্যৱহাৰ কৰিব পাৰে । এই দক্ষতা ছাত্ৰ-ছাত্ৰী, যুৱক-যুৱতী আৰু পেছাদাৰীসকলৰ বাবে অগ্ৰাধিকাৰ হ’ব লাগে ।

মানসিক চাপৰ পৰিস্থিতিত ভাৰসাম্য ৰক্ষা কৰা-

কেৱল বুদ্ধিমান হোৱাটোৱেই সফলতাৰ নিশ্চয়তা নহয় । আজিৰ সময়ত আৱেগিক বুজাবুজি, সহানুভূতি আৰু সামাজিক সচেতনতা আৰু অধিক গুৰুত্বপূৰ্ণ হৈ পৰিছে । এই দক্ষতাসমূহে কেৱল সম্পৰ্ক শক্তিশালী কৰাই নহয়, মানসিক চাপৰ পৰিস্থিতিত ভাৰসাম্য ৰক্ষা কৰাত সহায় কৰে । এইটো গুৰুত্বপূৰ্ণ কাৰণ এনে পৰিস্থিতিত মানুহ প্ৰায়ে পৰাজিত হয় ।

উপলব্ধ বিকল্পসমূহৰ পৰা সঠিক বিকল্প বাছনি কৰা-

দ্ৰুত পৰিৱৰ্তিত পৰিবেশত প্ৰতিদিনে বহু সৰু-বৰ সিদ্ধান্ত ল’ব লগা হয় । উপলব্ধ বিকল্পৰ পৰা সঠিক বাছনি কৰি সৃষ্টিশীল পদ্ধতিৰে সমস্যা সমাধান কৰাটো যুৱক-যুৱতীসকলৰ আটাইতকৈ ডাঙৰ সম্পদ হৈ উঠিব পাৰে । এই দক্ষতাই আপোনাৰ কেৰিয়াৰ উন্নত কৰাই নহয় নেতৃত্বৰ দিশতো লৈ যায় ।

দলীয় কাম আৰু ডিজিটেল সাক্ষৰতা-

ব্যক্তিগত প্ৰতিভা তেতিয়াহে জিলিকি উঠে যেতিয়া ই গোটৰ সৈতে মিলিবলৈ সক্ষম হয় । এজন ভাল শ্ৰোতা হোৱা, দলত কাম কৰা আৰু প্ৰয়োজনৰ সময়ত নেতৃত্ব দিয়াটো আজিৰ পেছাদাৰী জীৱনৰ অপৰিহাৰ্য দক্ষতা । লগতে ডিজিটেল সাক্ষৰতা বিকল্প নহয় বৰঞ্চ এক প্ৰয়োজনীয়তা ।

লগতে পঢ়ক : ফটোগ্ৰাফীৰ চখ আছে নেকি আপোনাৰ ? দ্বাদশ শ্ৰেণীৰ পিছত কৰক এই পাঠ্যক্ৰম

ফটোগ্ৰাফীৰ চখ আছে নেকি আপোনাৰ ?

আজি ১৯ আগষ্ট তাৰিখে সমগ্ৰ বিশ্বই ফটোগ্ৰাফী দিৱস উদযাপন কৰিছে । এই দিৱসৰ উদ্দেশ্য কেৱল ফটোগ্ৰাফৰ সৌন্দৰ্য্যক উদযাপন কৰাই নহয়, ফটোগ্ৰাফাৰসকলৰ কঠোৰ পৰিশ্ৰম আৰু কলাক প্ৰণাম জনোৱাও ইয়াৰ উদ্দেশ্য । যদি আপুনিও কেমেৰাৰ সৈতে খেলি ভাল পায় আৰু ফটো তোলাটো আপোনাৰ চখ অথবা হবি, তেন্তে ইয়াক পেছালৈ ৰূপান্তৰিত নকৰে কিয় । দ্বাদশ শ্ৰেণীৰ পিছত কেনেধৰণৰ পাঠ্যক্ৰম কৰিব পাৰি আৰু এই ক্ষেত্ৰত কেৰিয়াৰৰ বিকল্প কি কি জানক ।

বিশ্ব ফটোগ্ৰাফী দিৱস ২০২৫ কিয় বিশেষ –

ফটোগ্ৰাফী মানে কেৱল ফটো তোলা নহয়, ই স্মৃতি, কাহিনী আৰু আৱেগক ধৰি ৰখাৰ এক উপায় । আজি ছ’চিয়েল মিডিয়া আৰু ডিজিটেল প্লেটফৰ্মে এই বৃত্তিৰ চাহিদা আৰু অধিক বৃদ্ধি কৰিছে । বিয়া হওক, ফেশ্বন হওক, সাংবাদিকতা হওক, বন্যপ্ৰাণী হওক বা বিজ্ঞাপনত হওক সকলোতে পেছাদাৰী ফটোগ্ৰাফাৰৰ প্ৰয়োজন । সেইবাবেই এই দিনটো অধিক বিশেষ হৈ পৰে ।

ফটোগ্রাফীৰ বাবে অৰ্হতা আৰু পাঠ্যক্ৰম –

ফটোগ্ৰাফীক কেৰিয়াৰ হিচাপে গঢ়ি তুলিবলৈ কোনো বিশেষ শৈক্ষিক অৰ্হতাৰ প্ৰয়োজন নাই । দ্বাদশ উত্তীৰ্ণ হোৱাৰ পিছত বিভিন্ন ফটোগ্ৰাফী পাঠ্যক্ৰমত নামভৰ্তি কৰিব পাৰিব আৰু তাৰ প্ৰশিক্ষণ ল’ব পাৰিব । দ্বাদশৰ পিছত ফটোগ্ৰাফীৰ ডিগ্ৰী, ডিপ্লমা আৰু চাৰ্টিফিকেট পাঠ্যক্ৰমৰ কৰিব পাৰে । ইয়াৰ লগতে ফটোশ্বপ আৰু অন্যান্য সম্পাদনা চফফ্টৱেৰ শিকিব পৰাটোও গুৰুত্বপূৰ্ণ, কাৰণ ই আপোনাৰ ফটোগ্ৰাফী দক্ষতাক অধিক পেছাদাৰী আৰু উন্নত কৰি তোলে ।

দ্বাদশৰ পিছত এইসমূহ ফটোগ্ৰাফী পাঠ্যক্ৰম কৰিব পাৰিব-

-ফটোগ্ৰাফীত ডিপ্লমা (৬ মাহৰ পৰা ১ বছৰ)

-ফটোগ্ৰাফীৰ চাৰ্টিফিকেট পাঠ্যক্ৰম (৩-৬ মাহ)

-বেচেলৰ অব্ ফাইন আৰ্টছ ইন ফটোগ্ৰাফী (বি এফ এ) (৩-৪ বছৰ)

-মাষ্টাৰ কোৰ্চ বা এডভান্স ডিপ্লমা স্পেচিয়েলাইজেচন যেনে ফেশ্বন, ৱাইল্ডলাইফ, প্ৰডাক্ট ফটোগ্ৰাফী

ফটোগ্রাফী পাঠ্যক্রম প্রদান প্রতিষ্ঠান –

-দিল্লী স্কুল অৱ ফটোগ্ৰাফী, দিল্লী

-এছিয়ান একাডেমী অৱ ফিল্ম এণ্ড টেলিভিছন, দিল্লী

-জামিয়া মিলিয়া ইনষ্টিটিউট অৱ মাছ কমিউনিকেচন ৰিচাৰ্চ চেণ্টাৰ, নতুন দিল্লী

-ফিল্ম এণ্ড টেলিভিছন ইনষ্টিটিউট (এফ টি আই), পুনে

-জে জে স্কুল অৱ এপ্লাইড আৰ্ট, মুম্বাই

-মুম্বাইৰ ছেইণ্ট জেভিয়াৰ কলেজ

-নেচনেল ইনষ্টিটিউট অৱ ফটোগ্ৰাফী, মুম্বাই

ফটোগ্রাফি কেৰিয়াৰৰ সুযোগ-

-বিয়া আৰু অনুষ্ঠানৰ ফটোগ্ৰাফী

-ফেশ্বন আৰু মডেলিং উদ্যোগ

-চলচ্চিত্ৰ আৰু মিডিয়া হাউচ

-সংবাদ সংস্থা আৰু ডিজিটেল মাধ্যম

-ই-কমাৰ্চ প্ৰডাক্ট শ্বুট

ফটোগ্রাফিত কেৰিয়াৰ আৰু উপাৰ্জন-

ফটোগ্ৰাফীত কেৰিয়াৰ গঢ়ি তোলাটো এতিয়া কেৱল চখ নহয় । ইয়াৰ যোগেদি আৰম্ভণিতে মাহে ২০,০০০ – ৪০,০০০ টকা উপাৰ্জন কৰিব পাৰি । অভিজ্ঞতা আৰু পৰ্টফলিঅ’ বৃদ্ধিৰ লগে লগে আয় লাখ লাখলৈ বৃদ্ধি পাব পাৰে ।

ৱেডিং ফটোগ্ৰাফাৰ- প্ৰতিটো অনুষ্ঠানত ৫০ হাজাৰৰ পৰা প্ৰায় ২ লাখ টকা

ফেশ্বন ফটোগ্ৰাফাৰ- মাহিলী ১ৰ পৰা ৫ লাখ টকা

ফ্ৰীলান্স ফটোগ্ৰাফাৰ- প্ৰকল্পৰ ওপৰত নিৰ্ভৰ কৰি উচ্চ মাচুল

ফটোগ্ৰাফীত কিয় কেৰিয়াৰ গঢ়িব-

-চখ আৰু পেছাৰ সংমিশ্ৰণৰ সুযোগ

-সৃষ্টিশীল ক্ষেত্ৰত সীমাহীন বৃদ্ধি

-ছ’চিয়েল মিডিয়াৰ পৰা তাৎক্ষণিক জনপ্ৰিয়তা আৰু ক্লায়েণ্ট

-ফ্ৰীলান্সিং আৰু ষ্টাৰ্টআপৰ ৰূপত ব্যৱসায়িক সুযোগ

লগতে পঢ়ক : কেনেকৈ হ’ব ডাটা বিজ্ঞানী ? দ্বাদশৰ পিছত অধ্যয়নটো কৰিব লাগিব এই পাঠ্যক্ৰম

সফলতা আহে পৰিৱৰ্তন আৰু শিক্ষণৰ অভ্যাসৰ পৰা

বৰ্তমান সময়ত নেতৃত্বৰ স্বৰূপ সম্পূৰ্ণৰূপে পৰিৱৰ্তিত হৈছে । এতিয়া ই কেৱল অভিজ্ঞতা আৰু পৰম্পৰাগত পৰিচালনা শৈলীৰ ওপৰত ভিত্তি কৰি কৰা হোৱা নাই । বৰ্তমান ফলপ্ৰসূ নেতৃত্ব, প্ৰত্যাহ্বানৰ সন্মুখীন হোৱাৰ ক্ষমতা আৰু সংস্থাটোক নতুন উচ্চতালৈ লৈ যোৱাৰ বাবে প্ৰযুক্তি, ব্যৱসায়িক চঞ্চলতা আৰু দৃষ্টিশক্তিৰ মাজত ভাৰসাম্য ৰক্ষা কৰাটো অতি গুৰুত্বপূৰ্ণ হৈ পৰিছে । ইয়াৰ বাবে পেছাদাৰীসকলে নতুন প্ৰযুক্তি শিকিব আৰু বুজিব লাগিব, কৌশলগত সিদ্ধান্তত ইয়াক উন্নতভাৱে ব্যৱহাৰ কৰিব লাগিব ।

ইয়াৰ উপৰিও দলটোক একেলগে ৰাখিবলৈ, তেওঁলোকক প্ৰেৰণা যোগাবলৈ আৰু লক্ষ্যত উপনীত হ’বলৈ ফলপ্ৰসূ যোগাযোগ আৰু উপস্থাপন দক্ষতা অতি গুৰুত্বপূৰ্ণ । সেইবাবেই বৰ্তমানৰ কৰ্পৰেট জগতত নমনীয়তা, নতুন দক্ষতা শিকা আৰু ব্যৱসায়িক চঞ্চলতা গ্ৰহণ কৰাটো নেতৃত্বৰ ভিত্তি হিচাপে গণ্য কৰা হয় । যদি আপুনিও নিজৰ মাজত নেতৃত্বৰ গুণ বিকশিত কৰিব বিচাৰে, তেন্তে কিছুমান গুৰুত্বপূৰ্ণ কথাত মনোযোগ দি সফলতা অৰ্জন কৰিব পাৰে ।

পৰিৱৰ্তনক আকোৱালি লওক-

গ্লোবেল লিডাৰশ্বিপ পেছাদাৰীসকলে তেওঁলোকৰ অগ্ৰাধিকাৰত প্ৰয়োজনীয় পৰিৱৰ্তনক অধিক গুৰুত্ব দিয়ে । এনে পৰিস্থিতিত আপুনি আপোনাৰ উৎপাদনশীলতা বৃদ্ধিৰ বাবে আপোনাৰ কামত অটোমেচন, ৰবটিক্স আৰু জেনেৰেটিভ এ আইৰ দৰে পৰিৱৰ্তন অন্তৰ্ভুক্ত কৰিব লাগিব । ইয়াৰ উপৰিও আপোনাৰ সংস্থাৰ কৰ্ম সংস্কৃতি শক্তিশালী কৰা, উচ্চ প্ৰদৰ্শনক উৎসাহিত কৰা আৰু দলৰ উদ্ভাৱন ক্ষমতা বিকাশৰ ওপৰতো গুৰুত্ব দিব লাগিব ।

শিকাৰ নতুন দিশ-

এজন ফলপ্ৰসূ নেতাই পৰিৱৰ্তিত সময়ৰ লগে লগে নিজৰ দৃষ্টিভংগীও বিস্তাৰ কৰে । এনে পৰিৱৰ্তিত পৰিবেশত আপুনিও অহৰহ নতুন নতুন দক্ষতা শিকিব লাগিব । ইয়াৰ বাবে ব্যক্তিগতকৃত শিক্ষণৰ সুবিধা বৃদ্ধি কৰক, য’ত আপুনি আপোনাৰ মতে শিক্ষণ অভিজ্ঞতা আৰু সময় বাছি লোৱাৰ সুযোগ পাব, যাতে কৰ্ম আৰু জীৱনৰ মাজত ভাৰসাম্যতা থাকে ।

নেতৃত্বৰ দক্ষতা শক্তিশালী কৰা-

নেতা হ’বলৈ কেৱল কাৰিকৰী বা পৰিচালনাৰ দক্ষতাই যথেষ্ট নহয় । ইয়াৰ উপৰিও মানসিক নমনীয়তা, অভিযোজন ক্ষমতা আৰু জটিলতা বুজিব পৰা ক্ষমতাও গঢ়ি তুলিব লাগিব । অৱশ্যে ইয়াৰ বাবে সময় লাগিব পাৰে, কিন্তু ই আপোনাক প্ৰতিটো পৰিস্থিতিত আপোনাৰ দক্ষতাক ফলপ্ৰসূভাৱে ব্যৱহাৰ কৰিবলৈ সক্ষম কৰে ।

নেতৃত্বৰ মূল্যায়ন-

শেষত, আপুনি আপোনাৰ নেতৃত্বৰ ক্ষমতাৰ মূল্যায়নতো গুৰুত্ব দিব লাগিব । ইয়াৰ বাবে আপুনি এনে এটা স্কেল গ্ৰহণ কৰিব লাগে যিয়ে সাংগঠনিক সংস্কৃতি, সামূহিক দলৰ কৰ্মক্ষমতা আৰু কৰ্মচাৰীৰ দায়বদ্ধতাৰ ওপৰত আপুনি কিমান প্ৰভাৱ পেলাইছে জুখিব পাৰে । ইয়াৰ ফলত যিকোনো পৰিৱৰ্তন সহজে গ্ৰহণ কৰিব পৰা পৰিৱেশৰ সৃষ্টি হয় ।

লগতে পঢ়ক : চাকৰি আৰু পঢ়াৰ মাজত বজাই ৰাখক ভাৰসাম্য… মানি চলক এই ৫ টা টিপছ

চাকৰি আৰু পঢ়াৰ মাজত বজাই ৰাখক ভাৰসাম্য

বহুতে পঢ়ি থকাৰ সমান্তৰালকৈ অংশকালীন কাম বা চাকৰি কৰে আৰু বহুতে পঢ়ি থকাৰ সময়তে পূৰ্ণকালীনভাৱে কোনো কাম কৰি থাকে । এনে পৰিস্থিতিত পঢ়া-শুনা আৰু চাকৰিৰ মাজত ভাৰসাম্য ৰক্ষা কৰাত দুয়োটা প্ৰকাৰৰ লোকেই অসুবিধাৰ সন্মুখীন হয় । বহু সমস্যাৰ সন্মুখীন হ’বলগীয়া হয় তেওঁলোক । যাৰ বাবে এজন ব্যক্তিৰ চাকৰিৰ লগতে পঢ়া-শুনাও প্ৰভাৱিত হয় । যদি আপুনিও এই পৰিস্থিতিৰ বলি হয়, তেন্তে পঢ়া-শুনা আৰু কামৰ মাজত কেনেকৈ ভাৰসাম্য ৰক্ষা কৰিব পাৰি তাৰ কিছু টিপছ জানি লওক ।

সাপ্তাহিক পৰিকল্পনা বনাওক-

কাম আৰু পঢ়াৰ মাজত ভাৰসাম্য বজাই ৰাখিবলৈ সাপ্তাহিক পৰিকল্পনা বনাওক আৰু তাৰ ওপৰত ভিত্তি কৰি পঢ়াৰ লগত আপোনাৰ কামৰ ভাৰসাম্য ৰক্ষা কৰক ।

আপোনাৰ অগ্ৰাধিকাৰ নিৰ্ধাৰণ কৰক-

চাকৰি আৰু পঢ়াৰ মাজত ভাৰসাম্য ৰক্ষা কৰিবলৈ প্ৰথমে কি কৰিব লাগিব আৰু পিছত কি কৰিব পাৰি সেই বিষয়ে অগ্ৰাধিকাৰ নিৰ্ধাৰণ কৰক । ইয়াৰ ফলত আপোনাৰ গুৰুত্বপূৰ্ণ কাম সময়মতে সম্পন্ন হোৱাটো নিশ্চিত হ’ব ।

লক্ষ্য নিৰ্ধাৰণ কৰক-

চাকৰি আৰু পঢ়াৰ মাজত ভাৰসাম্য ৰক্ষাৰ বাবে লক্ষ্য নিৰ্ধাৰণ কৰাটো অতি প্ৰয়োজনীয় । গতিকে প্ৰথমে নিজৰ লক্ষ্য নিৰ্ধাৰণ কৰক আৰু সেই অনুসৰি কাম কৰক ।

সৰু সৰু বিৰতি লওক-

মনটোক সতেজ আৰু মনোনিৱেশ কৰি ৰাখিবলৈ নিজৰ বাবে সময় উলিওৱাটো অতি প্ৰয়োজনীয় । গতিকে কাম আৰু পঢ়াৰ মাজত নিজৰ বাবে সৰু সৰু বিৰতি লওক ।

স্বাস্থ্য আৰু টোপনিৰ যত্ন লওক-

যিকোনো কামত ভাল প্ৰদৰ্শন কৰিবলৈ হ’লে এজন ব্যক্তিৰ বাবে শাৰীৰিক আৰু মানসিকভাৱে সুস্থ হোৱাটো অতি প্ৰয়োজনীয় । সেয়ে পুষ্টিকৰ খাদ্য খোৱা, পৰ্যাপ্ত টোপনি লোৱা আৰু লগতে দৈনিক শাৰীৰিক ব্যায়াম কৰাটো প্ৰয়োজনীয় হৈ পৰে । সুস্থ জীৱনশৈলীয়ে কাম তথা চাকৰি আৰু পঢ়াৰ মাজত ভাৰসাম্য ৰক্ষা কৰাত সহায় কৰিব ।

লগতে পঢ়ক : কেনেকৈ হ’ব ডাটা বিজ্ঞানী ? দ্বাদশৰ পিছত অধ্যয়নটো কৰিব লাগিব এই পাঠ্যক্ৰম

কেনেকৈ হ’ব ডাটা বিজ্ঞানী ?

বিগত কেইবছৰমানৰ পৰা ডাটা বিজ্ঞানী তথা ডাটা চাইন্টিষ্টৰ চাহিদা দ্ৰুতগতিত বৃদ্ধি পাইছে আৰু অহা কেইবছৰমানৰ ভিতৰত ই আৰু অধিক দ্ৰুতগতিত বৃদ্ধি পাব । যদি আপুনিও এনেধৰণৰ পাঠ্যক্ৰম সম্পূৰ্ণ কৰিব বিচাৰে যিয়ে আপোনাক এটা কামৰ লগতে এটা ভাল পেকেজ দিয়ে, তেন্তে আপুনি এজন ডাটা বিজ্ঞানী হোৱাৰ কথা ভাবিব পাৰে । দ্বাদশ উত্তীৰ্ণ হোৱাৰ পিছত কিছুমান স্নাতক পাঠ্যক্ৰম উপলব্ধ, যিবোৰ সম্পূৰ্ণ কৰিলে আপুনি ডাটা বিজ্ঞানী হ’ব পাৰে । অৱশ্যে স্নাতক হোৱাৰ পিছত স্নাতকোত্তৰ পাঠ্যক্ৰম আৰু পি জি ডিপ্লমাও উচ্চ শিক্ষাৰ বাবে কৰিব পাৰি । ডাটা বিজ্ঞানী হ’বলৈ দ্বাদশৰ পিছত কোনবোৰ পাঠ্যক্ৰম কৰিব লাগে আৰু ইয়াৰ পিছত ক’ত চাকৰি পায় লগতে দৰমহা কিমান হ’ব পাৰে জানক ।

এই পাঠ্যক্ৰম সমূহ সম্পূৰ্ণ কৰি দ্বাদশ উত্তীৰ্ণৰ পিছত ডাটা বিজ্ঞানী হব পাৰে-

কম্পিউটাৰ বিজ্ঞান (ডাটা বিজ্ঞান)- বি এছ চি (অনাৰ্ছ)

কম্পিউটাৰ বিজ্ঞান- তথ্য বিজ্ঞান- বি.এছ.চি

প্ৰায়োগিক গণিতত বি এছ চি

বিগ ডাটা আৰু ভিজুৱেল এনালাইটিক্সত স্নাতক

ডাটা বিজ্ঞানত স্নাতকোত্তৰ

ডাটা বিজ্ঞান আৰু অভিযান্ত্ৰিক বিষয়ত স্নাতকোত্তৰ

ব্যৱসায় বিশ্লেষণত স্নাতকোত্তৰ ডিপ্লমা

পৰিসংখ্যাত এম এছ চি (তথ্য বিজ্ঞান)

ক’ত চাকৰি লাভ কৰিব আৰু কিমান হ’ব দৰমহা-

এইবোৰৰ যিকোনো এটা পাঠ্যক্ৰম কৰাৰ পিছত আপুনি ফাইনেন্স, ইউটিলিটি আৰু হাস্পতাল, কনষ্ট্ৰাকচন প্লেন, অইল বা গেছ কোম্পানী, মেনুফেকচাৰিং কোম্পানী, বেংক, বীমা, টেলিকম, পৰিবহণ ই-কমাৰ্চ কোম্পানীত চাকৰি পাব পাৰে । ইয়াৰ উপৰিও ডাটা বিজ্ঞানীসকলে গুগল, মাইক্ৰ’ছফ্টৰ দৰে কোম্পানীত ডাঙৰ পেকেজত চাকৰিৰ অফাৰ লাভ কৰে । এজন ডাটা বিজ্ঞানীয়ে ৮ লাখৰ পৰা ২০ লাখলৈকে পেকেজ অফাৰ পায় । এই ক্ষেত্ৰত এজন ফ্ৰেচাৰে ৫ লাখতকৈ অধিক পেকেজেৰে আৰম্ভ কৰিব পাৰে । আনহাতে বৃহৎ কোম্পানীত বছৰি ২০ লাখতকৈ অধিক পেকেজ দিব পাৰে । সময় আৰু অভিজ্ঞতাৰ লগে লগে দৰমহা বৃদ্ধি পায় ।

লগতে পঢ়ক : CBSE এ দিলে ৭৫% উপস্থিতিৰ বাবে কঠোৰ নিৰ্দেশনা; কম হ’লে দিব নোৱাৰিব পৰীক্ষা!

আই আই এমৰ পৰা এম বি এ  কৰিব বিচাৰে নেকি ?

ইণ্ডিয়ান ইনষ্টিটিউট অৱ মেনেজমেণ্ট (আই আই এম) ভাৰতৰ অন্যতম সন্মানীয় ইনষ্টিটিউট, যিয়ে মূলতঃ এম বি এ, পি জি ডি এম আৰু পি এইচ ডিৰ দৰে বিভিন্ন মেনেজমেণ্ট প্ৰগ্ৰেম আগবঢ়ায় । যদি আপুনিও আই আই এমৰ পৰা এম বি এ কৰিব বিচাৰে, তেন্তে ইয়াত নামভৰ্তিৰ বাবে ষ্টেপ বাই ষ্টেপ প্ৰক্ৰিয়াৰ বিষয়ে জানক ।

কঠিন নিৰ্বাচন প্ৰক্ৰিয়া-

আই আই এমৰ পৰা এম বি এ কৰিবলৈ এজন ছাত্ৰই কমন এণ্ট্ৰেন্স টেষ্ট (CAT)ত অৱতীৰ্ণ হ’ব লাগিব । যিটো দেশৰ অন্যতম কঠিন পৰীক্ষা বুলি গণ্য কৰা হয় আৰু প্ৰতি বছৰে আই আই এমৰ দ্বাৰা অনুষ্ঠিত হয়, য’ত হাজাৰ হাজাৰ পৰীক্ষাৰ্থী অৱতীৰ্ণ হয় । আই আই এমৰ পৰা এম বি এ কৰিবলৈ হ’লে এজন ছাত্ৰই CAT ত ভাল নম্বৰ পোৱাটো অতি প্ৰয়োজনীয় । যাৰ ভিত্তিত প্ৰাৰ্থীক আই আই এমৰ দ্বাৰা চৰ্টলিষ্ট কৰা হয় । একে সময়তে CAT ত ভাল নম্বৰ পোৱা প্ৰাৰ্থীসকলে Written Aptitude Test (WAT) আৰু তাৰ পিছত Personal Interview (PI)ৰ বাবে অৱতীৰ্ণ হ’ব লাগে ।

WAT আৰু PI-

WAT হৈছে এটা লিখিত পৰীক্ষা য’ত পৰীক্ষাৰ্থীৰ লিখাৰ ক্ষমতা আৰু সমস্যা সমাধানৰ দক্ষতাৰ মূল্যায়ন কৰা হয় । আনহাতে, পি আই হৈছে এনে এক সাক্ষাৎকাৰ য’ত প্ৰাৰ্থীৰ ব্যক্তিত্ব, জীৱন, অৰ্হতা আৰু অভিজ্ঞতাৰ মূল্যায়ন কৰা হয় । এই দুয়োটা পৰ্যায়তে সফলতা লাভ কৰাৰ পিছত চূড়ান্ত নিৰ্বাচনত পৰীক্ষাৰ্থীৰ শৈক্ষিক অভিলেখ, কৰ্ম অভিজ্ঞতা, লিংগ বৈচিত্ৰ্য আদিও বিবেচনা কৰা হয় । আনহাতে, সকলো পৰ্যায় দক্ষতাৰে উত্তীৰ্ণ হোৱা প্ৰাৰ্থীসকলেহে আই আই এমত এম বি এ প্ৰগ্ৰেমত নামভৰ্তি লাভ কৰিবলৈ সক্ষম হয় ।

লগতে পঢ়ক : ISRO ত যোগদান কৰিব বিচাৰিছে নেকি ? জানি লওক কেনেদৰে কৰিব অধ্যয়ন