ডিচেম্বৰ অধিবেশনৰ ইউ জি চি নেট পৰীক্ষাৰ বাবে পঞ্জীয়ন আৰম্ভ
ৰাষ্ট্ৰীয় পৰীক্ষা সংস্থাই ডিচেম্বৰ অধিবেশনৰ ইউ জি চি নেট পৰীক্ষাৰ বাবে পঞ্জীয়ন প্ৰক্ৰিয়া আৰম্ভ কৰিছে । আগ্ৰহী আৰু যোগ্য প্ৰাৰ্থীসকলে অফিচিয়েল ৱেবছাইট ugcnet.nta.nic.in ত গৈ তেওঁলোকৰ আবেদন পত্ৰ জমা দিব পাৰিব । ২০২৫ চনৰ ৭ নৱেম্বৰৰ ১১.৫৯ বজালৈ আবেদনৰ লিংকটো উপলব্ধ হ’ব । প্ৰাৰ্থীসকলে ২০২৫ চনৰ ১০ নৱেম্বৰৰ পৰা ১২ নৱেম্বৰলৈ নিজৰ আবেদন পত্ৰ শুধৰণি কৰিব পাৰিব ।
এন টি এ-য়ে অতি সোনকালেই ইউ জি চি নেট ডিচেম্বৰ ২০২৫ৰ এডমিট কাৰ্ড আৰু ইয়াৰ অফিচিয়েল ৱেবছাইটত পৰীক্ষাৰ সবিশেষ ঘোষণা কৰিব ।
৮৫টা বিষয়ৰ বাবে পৰীক্ষা অনুষ্ঠিত হ’ব-
ডিচেম্বৰ অধিবেশনৰ ইউজিচি নেট পৰীক্ষা চি বি টি মোডত ৮৫টা বিষয়ৰ বাবে অনুষ্ঠিত হ’ব । ইউ জি চি নেট পৰীক্ষাৰ জৰিয়তে জুনিয়ৰ ৰিচাৰ্চ ফেল’শ্বিপৰ বাবে যোগ্যতা, সহকাৰী অধ্যাপক হিচাপে নিযুক্তি আৰু পি এইচ ডি পাঠ্যক্ৰমত নামভৰ্তিৰ বাবে যোগ্যতা লাভ কৰিব পৰা যায় ।
আবেদনৰ বাবে যোগ্যতা-
ইউ জি চি নেট পৰীক্ষাৰ ডিচেম্বৰ অধিৱেশনৰ বাবে আবেদন কৰিব বিচৰা প্ৰাৰ্থীসকলে তলত উল্লেখ কৰা যোগ্যতাৰ প্ৰয়োজনীয়তাসমূহ পূৰণ কৰিব লাগিব :
-প্ৰাৰ্থীসকলৰ স্বীকৃতিপ্ৰাপ্ত বিশ্ববিদ্যালয়ৰ পৰা স্নাতকোত্তৰ ডিগ্ৰী বা সমতুল্য অৰ্হতা থাকিব লাগিব ।
-সহকাৰী অধ্যাপকৰ যোগ্যতাৰ বাবে কোনো বয়সৰ সীমা নাই ।
-জে আৰ এফৰ বাবে প্ৰাৰ্থীসকলে ইউ জি চিয়ে নিৰ্ধাৰণ কৰা নিৰ্দিষ্ট বয়সৰ সীমা পূৰণ কৰিব লাগিব ।
-প্ৰাৰ্থীসকলে আবেদন কৰাৰ আগতে বিষয় -ভিত্তিক যোগ্যতা আৰু নম্বৰৰ প্ৰয়োজনীয়তাসমূহ পৰীক্ষা কৰিব লাগে ।
-যোগ্যতাৰ প্ৰয়োজনীয়তাৰ বিষয়ে অধিক তথ্য UGC নেট তথ্য বুলেটিনত দিয়া হৈছে ।
আবেদনৰ মাচুল-
-সাধাৰণ আৰু অসংৰক্ষিত শ্ৰেণীৰ প্ৰাৰ্থীসকলে আবেদন মাচুল হিচাপে ১১৫০ টকা দিব লাগিব ।
-সাধাৰণ, অৰ্থনৈতিকভাৱে দুৰ্বল শ্ৰেণী, অন্যান্য পিছপৰা শ্ৰেণী (OBC) – এন চি এল শ্ৰেণীৰ প্ৰাৰ্থীসকলে পঞ্জীয়ন মাচুল হিচাপে ৬০০ টকা দিব লাগিব ।
-অনুসূচিত জাতি (এছ চি), অনুসূচিত জনজাতি (এছ টি) আৰু বিশেষভাৱে সক্ষম ব্যক্তিসকলে (PWD) আবেদন মাচুল হিচাপে ৩২৫ টকা দিব লাগিব ।
গুৰুত্বপূৰ্ণ নথিপত্ৰ-
ইউ জি চি নেট ডিচেম্বৰ ২০২৫ৰ বাবে পঞ্জীয়ন কৰিব বিচৰা প্ৰাৰ্থীসকলে ফটো আপলোডৰ ফৰ্মেটৰ বিষয়ে নিশ্চিতভাৱে জানিব লাগিব ।
-প্ৰাৰ্থীৰ ফটো, চহী, পি ডব্লিউ ডি বা পি ডব্লিউ বি ডি প্ৰমাণপত্ৰৰ (য’তেই প্ৰয়োগ হয়) ছবি স্কেন কৰক ।
-শেহতীয়াকৈ লোৱা ফটো ৰঙীন বা ক’লা আৰু বগা হ’ব লাগে, বগা বেকগ্ৰাউণ্ডত ৮০% মুখ দেখা থাকিব লাগে । (মাস্ক নিপিন্ধিব)।
-স্কেন কৰা ফটো আৰু চহী JPG/JPEG ফৰ্মেটত থাকিব লাগে ।
-স্কেন কৰা ফটোখনৰ আকাৰ ১০ কিলোবাইটৰ পৰা ২০০ কিলোবাইটৰ ভিতৰত হ’ব লাগে ।
-স্কেন কৰা স্বাক্ষৰৰ ছবি ১০ কিলোবাইটৰ পৰা ৫০ কিলোবাইটৰ ভিতৰত হ’ব লাগে ।
-দিব্যাংগ প্ৰমাণপত্ৰ ৫০ কিলোবাইটৰ পৰা ৩০০ কিলোবাইটৰ ভিতৰত পি টি এফ ফৰ্মেটত হ’ব লাগে ।
লগতে পঢ়ক : মেডিকেল শিক্ষাৰ্থীৰ নামভৰ্তিক লৈ মুখ্যমন্ত্ৰীৰ ডাঙৰ ঘোষণা…
