ইউ জি চি নেট ডিচেম্বৰ ২০২৫ৰ সূচী প্ৰকাশ, এই তাৰিখৰ পৰা আৰম্ভ হ’ব পৰীক্ষা
ইউ জি চি নেট ডিচেম্বৰ ২০২৫ৰ সূচী প্ৰকাশ কৰিছে ৰাষ্ট্ৰীয় পৰীক্ষা সংস্থাই । জানক কেতিয়াৰ পৰা অনুষ্ঠিত হ’ব পৰীক্ষা…
ৰাষ্ট্ৰীয় পৰীক্ষা সংস্থাই প্ৰকাশ কৰিছে ইউ জি চি নেট ডিচেম্বৰ ২০২৫ৰ সূচী । সূচীত কোন তাৰিখত কোনবোৰ পৰীক্ষা অনুষ্ঠিত হ’ব সেই বিষয়ে বিতংভাৱে উল্লেখ কৰা হৈছে । সংস্থাটোৱে সূচীখনৰ সম্পূৰ্ণ পি ডি এফ প্ৰকাশ কৰিছে । উল্লেখ কৰা হৈছে যে পৰীক্ষা কেন্দ্ৰৰ তালিকাও শীঘ্ৰে প্ৰকাশ কৰা হ’ব । এই সময়সূচী কেনেকৈ ডাউনলোড কৰিব পাৰিব আৰু প্ৰতিটো পৰীক্ষা কেতিয়া অনুষ্ঠিত হ’ব জানক ।
কেতিয়াৰ পৰা আৰম্ভ হ’ব পৰীক্ষা ?
অহা ৩১ ডিচেম্বৰৰ পৰা আৰম্ভ হ’ব ইউ জি চি নেট ২০২৫ৰ পৰীক্ষা । পুৱা ৯ বজাৰ পৰা দুপৰীয়া ১২ বজালৈ অনুষ্ঠিত হ’ব এই পৰীক্ষা । প্ৰথম দিনা আইন, সমাজ কৰ্ম, তেলেগু, পৰ্যটন প্ৰশাসন আৰু ব্যৱস্থাপনা, স্পেনিছ, প্ৰাকৃত, কাশ্মীৰী আৰু কংকনীৰ পৰীক্ষা অনুষ্ঠিত হ’ব । একেদৰে ২, ৩, ৫, ৬, আৰু ৭ জানুৱাৰীত বিভিন্ন বিষয়ৰ পৰীক্ষা অনুষ্ঠিত হ’ব ।
কত লাভ কৰিব সম্পূৰ্ণ তথ্য ?
ৰাষ্ট্ৰীয় পৰীক্ষা সংস্থাই উল্লেখ কৰিছে যে পৰীক্ষাৰ ১০ দিন পূৰ্বে এন টি এৰ ৱেবছাইটত নগৰৰ তালিকা প্ৰকাশ কৰা হ’ব । ইউ জি চি-নেটৰ প্ৰাৰ্থীসকলে ডিচেম্বৰ ২০২৫ চনৰ পৰীক্ষাৰ সৈতে জড়িত আপডেট, নিৰ্দেশনা আৰু অন্যান্য তথ্য এন টি এৰ অফিচিয়েল ৱেবছাইট ugcnet.nta.nic.in ত বিচাৰি পাব । তাৰ পৰা সম্পূৰ্ণ সূচীও ডাউনলোড কৰিব পাৰিব । যিকোনো অভিযোগ বা সহায়ৰ বাবে প্ৰাৰ্থীয়ে ০১১-৪০৭৫৯০০০ নম্বৰত যোগাযোগ কৰিব পাৰিব ।
লগতে পঢ়ক : উচ্চ শিক্ষা আয়োগ গঠনৰ বাবে লোকসভাত উত্থাপন বিধেয়ক, যুটীয়া সমিতিলৈ প্ৰেৰণৰ প্ৰস্তুতি