কেন্দ্ৰীয় মন্ত্ৰী অশ্বিনী বৈষ্ণৱে কৰিলে স্পষ্ট
ৰে’ল যাত্ৰীৰ অতিৰিক্ত লাগেজ সন্দৰ্ভত কেন্দ্ৰীয় মন্ত্ৰী অশ্বিনী বৈষ্ণৱে এক গুৰুত্বপূৰ্ণ মন্তব্য কৰিছে।ৰে’ল সেৱাত বিমান যাত্ৰীৰ দৰে অতিৰিক্ত লাগেজৰ বাবে অধিক ভাড়া লোৱাৰ খবৰ অস্বীকাৰ কৰিছে কেন্দ্ৰীয় মন্ত্ৰী অশ্বিনী বৈষ্ণৱে।
তেওঁ স্পষ্টকৈ কৈছিল যে দশক দশক ধৰি এজন যাত্ৰীয়ে লগত কিমান ওজন লাগেজ কঢ়িয়াব পাৰে সেই সম্পৰ্কে এটা নিয়ম আছে,কোনো নতুন নিয়ম প্ৰণয়ন কৰা হোৱা নাই।তেওঁ কয় যে ইয়াৰ অৰ্থ এইটো নহয় যে লাগেজৰ ওজন বেছি হ’লে অধিক ভাড়া লোৱা হয়।
ইয়াৰ পূৰ্বে খবৰ আহিছিল যে ভাৰতীয় ৰে’লৱে এতিয়া বিমান যাত্ৰাৰ দৰে লাগেজ সম্পৰ্কীয় নিয়ম কাৰ্যকৰী কৰিবলৈ ওলাইছে, ইয়াৰ অধীনত যাত্ৰাৰ সময়ত অধিক লাগেজ কঢ়িয়াই নিলে লাগেজ অনুসৰি অতিৰিক্ত ভাড়া লোৱা হ’ব।
এই নিয়ম ইতিমধ্যে আছে, কিন্তু এতিয়া ইয়াক সম্পূৰ্ণ কঠোৰতাৰে কাৰ্যকৰী কৰা হ’ব।এই নিয়মৰ অধীনত যাত্ৰাৰ সময়ত নিৰ্ধাৰিত ওজনলৈকে লাগেজ বিনামূলীয়াকৈ কঢ়িয়াই নিব পাৰিব,কিন্তু তাতকৈ বেছি লাগেজ কঢ়িয়াই নিলে অতিৰিক্ত ভাড়া দিব লাগিব।
প্ৰতিবেদনত কোৱা হৈছে যে এই নিয়ম অনুসৰি ভ্ৰমণৰ বিভিন্ন বগী শ্ৰেণী অনুসৰি কোনো অতিৰিক্ত ভাড়া নোহোৱাকৈ লাগেজ কঢ়িয়াই নিয়াৰ অনুমতি দিয়া হৈছে।
উদাহৰণস্বৰূপে, প্ৰথম শ্ৰেণীৰ এচি ডবাত যাত্ৰা কৰাসকলে ৭০ কিলোগ্ৰাম পৰ্যন্ত লাগেজ কঢ়িয়াই নিব পাৰিব।এই সীমা এচি দ্বিতীয় শ্ৰেণীৰ যাত্ৰীৰ বাবে ৫০ কেজি আৰু তৃতীয় এচি আৰু শ্লীপাৰ শ্ৰেণীৰ যাত্ৰীৰ বাবে ৪০ কেজি পৰ্যন্ত হ’ব।
একেদৰে সাধাৰণ টিকটত যাত্ৰা কৰা যাত্ৰীসকলে মাত্ৰ ৩৫ কেজিৰ লাগেজহে লগত কঢ়িয়াই নিব পাৰিব।অৱশ্যে এতিয়া এই খবৰসমূহ পোনপটীয়াকৈ অস্বীকাৰ কৰিছে ৰে’ল মন্ত্ৰী অশ্বিনী বৈষ্ণৱে।
লগতে পঢ়ক: আই চি চি এদিনীয়া ৰেংকিং প্ৰকাশ… শীৰ্ষ ১০ত কেৱল দুজন ভাৰতীয়
