উত্তৰ প্ৰদেশৰ হাৰদোই জিলাত এক শোকাৱহ পথ দুৰ্ঘটনা সংঘটিত হৈছে। এই দুৰ্ঘটনাটোত পাঁচজন লোক নিহত হোৱাৰ উপৰিও পাঁচজন লোক আহত হৈছে।
মৃতসকলৰ ভিতৰত ৪ গৰাকী মহিলা আৰু ১ জন পুৰুষ বুলি জানিব পৰা গৈছে।জানিব পৰা কানপুৰৰ এখন বিবাহৰ পৰা আহি থকা দ্ৰুতবেগী বলেৰ’ বাহনখনে গোৰাই চাৰিআলিত ৰখাই থোৱা এখন ব্যক্তিগত বাছত খুন্দা মাৰে।
সেই বাছখনো এখন বিবাহ অনুষ্ঠানৰ পৰাই উভতি আহি আছিল । দুৰ্ঘটনাটো ইমানেই ভয়ংকৰ আছিল যে বলেৰ’ বাহনখনে বাছখনত খুন্দা মাৰি উফৰি পৰিছিল। দুৰ্ঘটনাটো পুৱতি নিশা প্ৰায় ৩ মান বজাত হৈছিল।
ঘন কুৱলীৰ ফলতেই দুৰ্ঘটনাটো সংঘটিত হয় বুলি জানিব পৰা গৈছে। দুৰ্ঘটনাটোৰ ফলত বলেৰ’খনত অহা পাঁচোজন ব্যক্তি তিতাতে নিহত হয়।
ঘটনাৰ খবৰ পোৱাৰ পিছতেই আৰক্ষী এটা দল উপস্থিত হৈ উদ্ধাৰ অভিযান আৰম্ভ কৰে। আৰু আহত সকলক ততাতৈয়াকৈ চিকিৎসালয়ত ভৰ্তি কৰোৱা হয়।
