বিশ্ব টেষ্ট চেম্পিয়নশ্বিপৰ পইণ্ট তালিকা (WTC Points Table 2023-25)ত ভাৰতৰ স্থান আন দলসমূহতকৈ যথেষ্ঠ ভাল । বাংলাদেশৰ বিৰুদ্ধে খেলা শৃংখলাৰ পিছত ভাৰতীয় দলটো বৰ্তমান শেহতীয়া WTC পইণ্ট তালিকাত শীৰ্ষত আছে ।
WTCৰ খিতাপ জয়ৰ ক্ষেত্ৰত ভাৰতৰ সন্মুখত আটাইতকৈ ডাঙৰ বাধা হৈছে অষ্ট্ৰেলিয়া । এতিয়ালৈকে গঠন হোৱা সমীকৰণৰ পৰা দেখা গৈছে যে ফাইনেলত দুয়োটা দলৰ মাজত সংঘৰ্ষ হ’ব পাৰে । এনে পৰিস্থিতিত ভাৰতে ফাইনেলত কেংগাৰু দলৰ বিৰুদ্ধে সতৰ্ক হ’ব লাগিব । আচলতে অষ্ট্ৰেলিয়াৰ দলটোৱে যেতিয়া ফাইনেল খেলে তেতিয়া তেওঁলোক চেম্পিয়নৰ হৈ পৰাটো প্ৰায় নিশ্চিত হৈ পৰে ।
কাৰণ কেংগাৰু দলৰ ফাইনেলত জয়ী হোৱাৰ অভ্যাস আছে । যিকোনো সন্মানীয় ফাইনেলৰ ‘ডু অৰ ডাই’ মেচত অষ্ট্ৰেলিয়াৰ দলটোৱে প্ৰায়ে ট্ৰফী জয় কৰে । ভাৰতীয় দলটোৱে নিউজীলেণ্ডৰ বিৰুদ্ধে টেষ্ট শৃংখলাৰ পিছত অষ্ট্ৰেলিয়াৰ বিৰুদ্ধে খেলিব, য’ত বৰ্ডাৰ গাভাস্কাৰ ট্ৰফীত দুয়োখন দেশৰ মাজত ৫ খন টেষ্ট মেচ অনুষ্ঠিত হ’ব । এই শৃংখলা ২২ নৱেম্বৰৰ পৰা ৭ জানুৱাৰী ভিতৰত হ’ব । এনে পৰিস্থিতিত যদি ভাৰতীয় দলটোৱে অষ্ট্ৰেলিয়াক পৰাস্ত কৰে (৫-০ ব্যৱধানত ভাবক), তেন্তে একেৰাহে দ্বিতীয়বাৰৰ বাবে ডব্লিউ টি চি ফাইনেল খেলাৰ সপোন ছিন্নভিন্ন হ’ব পাৰে অষ্ট্ৰেলিয়াৰ ।
ইতিমধ্যে বাংলাদেশৰ বিৰুদ্ধে ২-০ ৰ শৃংখলাত ক্লিন চুইপৰ পিছত ভাৰতে ২০২৩-২০২৫ বিশ্ব টেষ্ট চেম্পিয়নশ্বিপ ৰাউণ্ডত শীৰ্ষ স্থান দখল কৰিছে । ডব্লিউ টি চিৰ ফাইনেল ১১ জুনৰ পৰা ১৬ জুনৰ ভিতৰত লণ্ডনৰ লৰ্ডছত অনুষ্ঠিত হ’ব । একে সময়তে, এই ফাইনেলৰ বাবে প্ৰয়োজন হ’লে এক সংৰক্ষিত দিনো ৰখা হৈছে ।
ভাৰত আৰু অষ্ট্ৰেলিয়াক বৰ্তমান ডব্লিউ টি চি ফাইনেলৰ বাবে ফেভাৰিট বুলি গণ্য কৰা হৈছে । কিন্তু ইয়াৰ বাবে, আন দলবোৰেও কঠোৰ চেষ্টা কৰিব । ইংলেণ্ডে পাকিস্তানৰ বিৰুদ্ধে ৩ খন টেষ্ট খেলিব লাগিব । একে সময়তে, বাংলাদেশে দক্ষিণ আফ্ৰিকাৰ বিৰুদ্ধে ডব্লিউ টি চি ৰাউণ্ডৰ অধীনত দুখন টেষ্টৰ শৃংখলা খেলিব লাগিব ।
শ্ৰীলংকাও এইবাৰ ডব্লিউ টি চিৰ ফাইনেলত উপনীত হোৱাৰ বাবে ফেভাৰিট যেন লাগিছে ।
ভাৰতৰ বাবে ডব্লিউ টি চি ফাইনেলৰ সমীকৰণ-
ভাৰতে ২০২৩-২৫ বৰ্ষৰ ডব্লিউ টি চিৰ অধীনত ১১ খন মেচ খেলিছে, য’ত দলটোৱে ৮ খন মেচ জিকিছে, দুখন মেচত পৰাজিত হৈছে, আনহাতে এখন মেচ ড্ৰ’ত হৈছে । ভাৰতৰ পইণ্ট শতাংশ বৰ্তমান ৭৪.২৪ । নিউজীলেণ্ডৰ বিুৰুদ্ধে ৩ খন মেচ আৰু অষ্ট্ৰেলিয়াৰ বিৰুদ্ধে ৫ খন মেচৰ সৈতে, ভাৰতীয় দলটোৱে ডব্লিউ টি চি ফাইনেলৰ পূৰ্বে মুঠ ৮ খন টেষ্ট খেলিব লাগিব । এনে পৰিস্থিতিত, এই ৮ খন খেলৰ ভিতৰত, ভাৰতীয় দলে মাত্ৰ ৩ খন মেচ জিকিব লাগিব ।
