বিশ্ব টেষ্ট চেম্পিয়নশ্বিপ ২০২৩-২০২৫ সংস্কৰণৰ চূড়ান্ত প্ৰতিযোগী দুয়োটা দল সন্মুখলৈ আহিছে । এফালে অষ্ট্ৰেলিয়াই বৰ্ডাৰ-গাভাস্কাৰ ট্ৰফীত ভাৰতক পৰাস্ত কৰি ফাইনেলত প্ৰৱেশ কৰিছে । আনহাতে দক্ষিণ আফ্ৰিকাই ইতিমধ্যেই খিতাপৰ সংঘৰ্ষত প্ৰৱেশ কৰিছে । এতিয়া সকলোৰে দৃষ্টি নিবদ্ধ হৈ আছে পৰৱৰ্তী টেষ্ট চেম্পিয়নশ্বিপৰ সূচীত । ২০২৫ চনৰ ফাইনেলখন চলিত বৰ্ষৰ ১১ জুনৰ পৰা ইংলেণ্ডৰ লৰ্ডছত দক্ষিণ আফ্ৰিকা আৰু অষ্ট্ৰেলিয়াৰ মাজত অনুষ্ঠিত হ’ব । জানক পৰৱৰ্তী বিশ্ব টেষ্ট চেম্পিয়নশ্বিপ কোন দিনাৰ পৰা আৰম্ভ হ’ব ?

পৰৱৰ্তী বিশ্ব টেষ্ট চেম্পিয়নশ্বিপ কেতিয়াৰ পৰা আৰম্ভ হ’ব ?

১১ জুনৰ পৰা লৰ্ডছত অনুষ্ঠিত হ’বলগীয়া ২০২৫ চনৰ ফাইনেলৰ পিছত আৰম্ভ হ’ব বিশ্ব টেষ্ট চেম্পিয়নশ্বিপ ২০২৫-২০২৭ । ভাৰতৰ কথা ক’বলৈ গ’লে বিশ্ব টেষ্ট চেম্পিয়নশ্বিপৰ পৰৱৰ্তী চক্ৰৰ প্ৰথমখন ছিৰিজ হ’ব ইংলেণ্ডৰ বিৰুদ্ধে । ২০২৫ চনৰ জুন মাহত ভাৰত আৰু ইংলেণ্ডৰ মাজত অনুষ্ঠিত হ’ব পাঁচখনীয়া টেষ্টৰ শৃংখলা । ইয়াৰ উপৰিও জুন মাহত শ্ৰীলংকা বনাম বাংলাদেশ আৰু ৱেষ্ট ইণ্ডিজ বনাম অষ্ট্ৰেলিয়া শৃংখলাও অনুষ্ঠিত হ’ব ।

ভাৰতৰ সূচী-

জুন মাহত অনুষ্ঠিত হ’বলগীয়া ইংলেণ্ডৰ বিৰুদ্ধে ভাৰতে প্ৰথমখন শৃংখলা খেলিব । দুয়োটা দলৰ মাজত ৫খন টেষ্ট অনুষ্ঠিত হ’ব আৰু এই শৃংখলাটো জুলাই মাহৰ শেষ সপ্তাহত সমাপ্ত হ’ব । ইংলেণ্ডৰ এই ভ্ৰমণ সমাপ্ত হোৱাৰ পাছত অক্টোবৰ মাহত ভাৰতীয় দলটোৱে ৱেষ্ট ইণ্ডিজ দলক আতিথ্য প্ৰদান কৰিব । কেৰিবিয়ান দলৰ বিৰুদ্ধে ঘৰুৱা টেষ্ট শৃংখলা খেলিব লাগিব টিম ইণ্ডিয়াই । একে সময়তে ভাৰতীয় দলটোৱে দক্ষিণ আফ্ৰিকাৰ বিৰুদ্ধে দুখন টেষ্ট মেচৰ শৃংখলাৰ জৰিয়তে ২০২৫ বৰ্ষৰ ছিজন সমাপ্ত কৰিব ।

২০২৬ চনৰ আগষ্ট মাহত টিম ইণ্ডিয়াই শ্ৰীলংকা ভ্ৰমণ কৰিব লাগিব, য’ত দুয়োটা দলে দুখন টেষ্ট খেলিব আৰু তাৰ পিছত অক্টোবৰ-নৱেম্বৰ মাহত ভাৰতে নিউজীলেণ্ড ভ্ৰমণ কৰি ২ টেষ্ট মেচৰ শৃংখলা খেলিব । তাৰ পিছত WTC ২০২৫-২৭ ত ভাৰতৰ অন্তিমখন শৃংখলা অষ্ট্ৰেলিয়াৰ বিৰুদ্ধে হ’ব, য’ত পাঁচখনীয়া টেষ্ট মেচ অনুষ্ঠিত হ’ব ।

ব্ৰিছবেনৰ গাব্বা খেলপথাৰত ভাৰত আৰু অষ্ট্ৰেলিয়াৰ মাজত অনুষ্ঠিত হোৱা তৃতীয়খন টেষ্ট মেচ অমীমাংসিত ভাৱে সমাপ্ত হৈছে । এই টেষ্টখনৰ পিছত, ভাৰতীয় দলটো বিশ্ব টেষ্ট চেম্পিয়নশ্বিপ (ডব্লিউ টি চি) পইণ্ট তালিকাত তৃতীয় স্থানত আছে । অৱশ্যে, ডব্লিউ টি চিৰ ফাইনেলত উপনীত হোৱাৰ ভাৰতৰ আশা এতিয়াও জীয়াই আছে আৰু তেওঁলোকে দ্বিতীয় স্থান লাভ কৰি ইয়াৰ বাবে যোগ্যতা অৰ্জন কৰিব পাৰে ।

তৃতীয় টেষ্ট অমীমাংসিতভাৱে সমাপ্ত হয়-

ভাৰত আৰু অষ্ট্ৰেলিয়াৰ মাজত তৃতীয়খন টেষ্ট অমীমাংসিতভাৱে সমাপ্ত হয় । অষ্ট্ৰেলিয়াই ভাৰতৰ বিৰুদ্ধে ২৭৫ ৰাণৰ লক্ষ্য নিৰ্ধাৰণ কৰি দিছিল । ইয়াৰ প্ৰত্যুত্তৰত ভাৰতে তেওঁলোকৰ দ্বিতীয় ইনিংছত এটাও উইকেট নেহেৰুৱাকৈ ৮ ৰাণ সংগ্ৰহ কৰে । অৱশ্যে, ইয়াৰ পিছত, বৰষুণে আৰু অধিক খেল খেলিবলৈ অনুমতি নিদিলে আৰু দুয়োজন অধিনায়কে খেলখন ড্ৰ’ত সমাপ্ত কৰাৰ সিদ্ধান্ত লয় । প্ৰথমে বেটিং কৰি টছত পৰাজিত হৈ অষ্ট্ৰেলিয়াই প্ৰথম ইনিংছত ৪৪৫ ৰাণ সংগ্ৰহ কৰে । ইয়াৰ প্ৰত্যুত্তৰত ভাৰতৰ প্ৰথম ইনিংছ ২৬০ ৰাণত সমাপ্ত হয় । দ্বিতীয় ইনিংছত অষ্ট্ৰেলিয়াই ১৮৫ ৰাণৰ অগ্ৰগতি লাভ কৰিছিল । দ্বিতীয় ইনিংছত অষ্ট্ৰেলিয়াই সাতটা উইকেট হেৰুৱাই ৮৯ ৰাণ সংগ্ৰহ কৰে আৰু তেওঁলোকৰ মুঠ অগ্ৰগতি আছিল ২৭৪ ৰাণ । সমগ্ৰ খেলখন বৰষুণৰ দ্বাৰা বাধাপ্ৰাপ্ত হয় ।

ভাৰততকৈ অষ্ট্ৰেলিয়া আগবাঢ়ি আছে-

ভাৰত আৰু অষ্ট্ৰেলিয়াৰ মাজত তৃতীয় টেষ্ট ড্ৰ’ হোৱা স্বত্বেও, অষ্ট্ৰেলিয়া দল ডব্লিউ টি চি পইণ্ট তালিকাত দ্বিতীয় স্থানত আছে । দুয়োটা দলে পইণ্ট ভাগ বতৰা কৰিবলৈ বাধ্য হয় । ড্ৰ’ৰ ফলত ভাৰতৰ ডব্লিউ টি চি পইণ্টৰ শতাংশ ৫৭.২৯ ৰ পৰা ৫৫.৮৮ লৈ হ্ৰাস পাইছে । দক্ষিণ আফ্ৰিকা শীৰ্ষস্থানত থকা পইণ্ট তালিকাৰ তৃতীয় স্থানত আছে ভাৰত ।

কেনেকৈ ফাইনেলত উপনীত হ’ব ভাৰত ?

ডব্লিউ টি চি ২০২৩-২৫ চক্ৰৰ ফাইনেলত উপনীত হ’বলৈ, ভাৰতে পৰৱৰ্তী দুখন মেচত পৰাজয় এৰাই চলিব লাগিব । আনকি ভাৰতে বাকী দুখন মেচত এখনত ড্ৰ আৰু এখনত জয় লাভ কৰিব পাৰিলেও, তেওঁলোকৰ আশা সজীৱ হৈ থাকিব । গাব্বা টেষ্ট ড্ৰ হোৱাৰ পিছত যদি  ভাৰতে অষ্ট্ৰেলিয়াৰ বিৰুদ্ধে মেলবৰ্ণ আৰু চিডনী টেষ্ট জিকিবলৈ সক্ষম হয় তেন্তে সৰ্বাধিক ১৩৮ পইণ্ট অৰ্জন কৰিব পাৰে আৰু তেওঁলোকৰ পি চি টি ৬০.৫২ ত উপনীত হ’ব পাৰে । যদি ৰোহিত শৰ্মাৰ নেতৃত্বত দলটোৱে পৰৱৰ্তী দুখন মেচ জিকিবলৈ সক্ষম হয়, তেন্তে তেওঁলোকে বৰ্ডাৰ-গাভাস্কাৰ ট্ৰফী ৩-১ ত জিকিব ।

যদি শৃংখলা অমীমাংসিত হয়, ভাৰত সমস্যাৰ সন্মুখীন হ’ব-

যদি ভাৰতে অষ্ট্ৰেলিয়াক ৩-১ ত পৰাস্ত কৰিবলৈ সক্ষম হয়, তেন্তে তেওঁলোকৰ পি চি টি হ’ব ৬০.৫২, আনহাতে যদি অষ্ট্ৰেলিয়াই শ্ৰীলংকাৰ বিৰুদ্ধে তেওঁলোকৰ দুখন টেষ্ট জিকিবলৈ সক্ষম হয়, তেন্তে তেওঁলোকৰ সৰ্বাধিক পিচিটি ৫৭ হ’ব আৰু ডিফেণ্ডিং চেম্পিয়ন দলটো ফাইনেলৰ দৌৰৰ বাহিৰত থাকিব । যদি ভাৰত আৰু অষ্ট্ৰেলিয়াৰ মাজত শৃংখলাটো ২-২ ত ড্ৰ হয়, তেন্তে ভাৰতৰ পি চি টি ৫৭.০১ হ’ব আৰু ইয়াৰ পইণ্ট হ’ব ১২৬ । এনে পৰিস্থিতিত, শৃংখলাৰ শেষত অষ্ট্ৰেলিয়া ১৩০ পইণ্টৰ সৈতে আগবাঢ়ি থাকিব আৰু ভাৰত ডব্লিউ টি চি ফাইনেলৰ দৌৰৰ পৰা বাহিৰ হ’ব ।

দক্ষিণ আফ্ৰিকা আৰু শ্ৰীলংকাৰ মাজৰ টেষ্ট শৃংখলাৰ দ্বিতীয়খন খেল গকেবাৰহাৰ ছেইণ্ট জৰ্জ পাৰ্কত অনুষ্ঠিত হয় । এই টেষ্টত আয়োজক দল দক্ষিণ আফ্ৰিকাই ১০৯ ৰানত জয়লাভ কৰে । মেচখনত জয়ী হ’বলৈ শ্ৰীলংকাই ৩৪৮ ৰানৰ লক্ষ্য অনুসৰণ কৰিছিল । কিন্তু মেচখনৰ পঞ্চম দিনা (৯ ডিচেম্বৰ) দ্বিতীয় ইনিংছত ২৩৮ ৰানতে দলটোৱে আটাইকেইটা উইকেট হেৰুৱাই । এই জয়েৰে দক্ষিণ আফ্ৰিকাই দুখন মেচৰ টেষ্ট শৃংখলা ২-০ ব্যৱধানত দখল কৰে ।

দক্ষিণ আফ্রিকা এতিয়া শীর্ষত…

শ্ৰীলংকাৰ বিৰুদ্ধে এই জয়ৰ পিছত দক্ষিণ আফ্ৰিকাই বিশ্ব টেষ্ট চেম্পিয়নশ্বিপ (ডব্লিউ টি চি)ত ডাঙৰ অগ্ৰগতি লাভ কৰিছে । আফ্ৰিকান দলটোৱে এতিয়া ডব্লিউ টি চিৰ পইণ্ট তালিকাত প্ৰথম স্থানত উপনীত হৈছে । এতিয়া দক্ষিণ আফ্ৰিকাই ৬খনত জয়, ৩খনত পৰাজয় আৰু এখন ড্ৰ’ৰে ১০খন মেচৰ পৰা ৭৬ পইণ্ট লাভ কৰিছে । দক্ষিণ আফ্ৰিকাৰ ন্মবৰ শতাংশ ৬৩.৩৩, যি অষ্ট্ৰেলিয়াতকৈ বেছি ।

আনহাতে, অষ্ট্ৰেলিয়াৰ দলটো এতিয়া দ্বিতীয় স্থানলৈ অৱনমিত হৈছে । এতিয়ালৈকে অষ্ট্ৰেলিয়াই ১৪খন মেচত ১০২ পইণ্ট লাভ কৰি ৯খনত জয়, ৪খনত পৰাজয় আৰু ১খন ড্ৰ’ কৰিছে । তেওঁলোকৰ নম্বৰৰ শতাংশ ৬০.৭১ । বৰ্তমান তৃতীয় স্থানত থকা ভাৰতে ৯খনত জয়, ৬খনত পৰাজয় আৰু এখন ড্ৰ’ৰে ১৬খন খেলৰ পৰা ১১০ পইণ্ট লাভ কৰিছে । তেওঁলোকৰ নম্বৰৰ শতকৰা হাৰ ৫৭.২৯ । বৰ্তমানৰ চক্ৰত ভাৰতে আৰু ৩ খন মেচ খেলিব লাগিব, যি কেৱল অষ্ট্ৰেলিয়াৰ বিৰুদ্ধে আছে ।

এই পৰাজয়ৰ মাজতো শ্ৰীলংকাৰ দলটো চতুৰ্থ স্থানত আছে যদিও ফাইনেলত প্ৰৱেশৰ সম্ভাৱনা প্ৰায় শেষ হৈছে । শ্ৰীলংকাৰ ৪৫.৪৫ শতাংশ নম্বৰ আছে আৰু সৰ্বোচ্চ ৫৩.৮৫ শতাংশ নম্বৰ লাভ কৰাৰ সম্ভাৱনা আছে । ইংলেণ্ড পঞ্চম আৰু নিউজীলেণ্ড ষষ্ঠ স্থানত আছে । আনহাতে পাকিস্তান সপ্তম, বাংলাদেশ অষ্টম আৰু ৱেষ্ট ইণ্ডিজ নৱম স্থানত আছে । নিউজীলেণ্ড, ইংলেণ্ড, পাকিস্তান, বাংলাদেশ আৰু ৱেষ্ট ইণ্ডিজ ফাইনেলৰ দৌৰৰ পৰা সম্পূৰ্ণৰূপে আঁতৰি আছে ।

এতিয়া ভাৰতৰ বাবে এই সমীকৰণ-

দেখা যায় যে, দক্ষিণ আফ্ৰিকাৰ বাবে এতিয়া ফাইনেলৰ পথ সহজ হৈ পৰিছে । দক্ষিণ আফ্ৰিকাই এতিয়া ঘৰুৱা ক্ষেত্ৰত পাকিস্তানৰ বিৰুদ্ধে দুখন মেচৰ টেষ্ট শৃংখলা খেলিব লাগিব । এই ছিৰিজত যদি আফ্ৰিকান দলটোৱে এখন মেচতো জয়ী হয় তেন্তে ডব্লিউ টি চিৰ ফাইনেলত প্ৰৱেশ কৰিব । আনহাতে ভাৰতীয় দলৰ বাবে সমীকৰণটো অধিক কঠিন হৈ পৰিছে । ফাইনেলত প্ৰৱেশ কৰিবলৈ হ’লে অষ্ট্ৰেলিয়াৰ বিৰুদ্ধে ৪-১ ব্যৱধানত শৃংখলা জয় কৰিব লাগিব ভাৰতে ।

অৰ্থাৎ ফাইনেলত প্ৰৱেশ কৰিবলৈ হ’লে ভাৰতে বাকী তিনিখন টেষ্টত জয়ী হ’ব লাগিব, যাতে ৬৩.১৫ শতাংশ নম্বৰত উপনীত হ’ব পাৰে । কিন্তু ভাৰতীয় দলটোৱে যদি এখন টেষ্টতো পৰাস্ত হয় তেন্তে পইণ্টৰ শতকৰা হাৰ ৫৭.৮৯ লৈ হ্ৰাস পাব । এনে পৰিস্থিতিত ভাৰতীয় দলটোৱে আশা কৰিব লাগিব যে পাকিস্তানে দক্ষিণ আফ্ৰিকাক ২-০ ব্যৱধানত পৰাস্ত কৰিব । আনহাতে শ্ৰীলংকাই ঘৰুৱা ক্ষেত্ৰত অষ্ট্ৰেলিয়াক ২-০ বা ১-০ ব্যৱধানত পৰাস্ত কৰিব লাগিব, অন্যথা দুয়োখন টেষ্ট ড্ৰ’ হ’ব লাগিব ।