ৰেচন কাৰ্ড নথকা লোকসকলৈ মুখ্যমন্ত্ৰী ড০ হিমন্ত বিশ্ব শৰ্মাই দিলে এক ভাল খবৰ। আজিৰে পৰা বিতৰণ কৰা হ’ব ৰেচন কাৰ্ড। নতুনকৈ ৬লাখ ৫০ হাজাৰ হিতাধিকাৰীক দিয়া হ’ব এই ৰেচন কাৰ্ড।
আজি মুখ্যমন্ত্ৰীৰ উপস্থিতিত সৰুসজাইৰ ষ্টেডিয়ামত অনুষ্ঠিত হয় ৰেচন কাৰ্ড বিতৰণ অনুষ্ঠান।
ৰেচন কাৰ্ড বিতৰণ কাৰ্যসূচীত মুখ্যমন্ত্ৰীয়ে এক ডাঙৰ ঘোষণা কৰিছে। তেওঁ ভাষণত কয় যে “ৰেচন কাৰ্ড থাকিলে হিতাধিকাৰীয়ে লাভ কৰিব বহু সুবিধা।ৰেচন কাৰ্ড থকা পৰিয়ালে উজ্বলা ৰন্ধন গেছ চিলিণ্ডাৰো লাভ কৰিব”।
তেওঁ লগতে কয় যে “২৮ তাৰিখলৈ অৰুণোদয় হিতাধিকাৰীকো প্ৰয়োজন হব ৰেচন কাৰ্ড। কাৰণ এতিয়াৰে পৰা ৰেচন কাৰ্ড থাকিলেহে লাভ কৰিব অৰুণোদয়ৰ ধন।ইয়াৰ বাবে গাঁও সভাত গৈ কৰিব লাগিব নিজৰ নাম পঞ্জীয়ন”।
প্ৰকৃত হিতাধিকাৰী নিৰ্বাচন কৰাৰ বাবে চৰকাৰে লৈছে এই প্ৰক্ৰিয়া। ২৭ লাখ ৰ পৰা ৪০ লাখ পৰিয়াললৈ বৃদ্ধি পালে অৰুণোদয়ৰ হিতাধিকাৰী। এতিয়াৰে পৰা অৰুণোদয় আঁচনিৰ হিতাধিকাৰীসকলক টকা পোৱাৰ খবৰ ল’ব চৰকাৰে।
