অসমৰ এই মহান নায়কগৰাকীৰ জীৱনৰ ওপৰত আধাৰিত এখন বৃহৎ বাজেটৰ বলীউড পৰ্যায়ৰ চলচ্চিত্ৰ নিৰ্মাণ কৰাৰ পৰিকল্পনা কৰিছে চৰকাৰে

মহাবীৰ লাচিত বৰফুকনৰ বীৰত্ব আৰু অসমৰ চহকী ইতিহাসক দেশ তথা বিশ্ব দৰবাৰত দাঙি ধৰাৰ বাবে এক বৃহৎ পদক্ষেপ গ্ৰহণৰ বাবে সাজু হৈছে ৰাজ্য চৰকাৰ । অসমৰ এই মহান নায়কগৰাকীৰ জীৱনৰ ওপৰত আধাৰিত এখন বৃহৎ বাজেটৰ বলীউড পৰ্যায়ৰ চলচ্চিত্ৰ নিৰ্মাণ কৰাৰ পৰিকল্পনা কৰা হৈছে । এই সন্দৰ্ভত চৰকাৰে শেহতীয়া ব্লকবাষ্টাৰ ছবি ‘ধুৰন্ধৰ’ৰ লগতে ৰাষ্ট্ৰীয় বঁটা বিজয়ী ছবি ‘উৰি: দ্য চাৰ্জিকেল ষ্ট্ৰাইক’ৰ প্ৰখ্যাত পৰিচালক আদিত্য ধৰৰ সৈতে আলোচনা চলাই আছে । বৃহস্পতিবাৰে এক ফেচবুক লাইভ অনুষ্ঠানৰ জৰিয়তে এই গুৰুত্বপূৰ্ণ ঘোষণা কৰে মুখ্যমন্ত্ৰী ড০ হিমন্ত বিশ্ব শৰ্মাই ।

আগষ্টত হ’ব বিশেষ বৈঠক

মুখ্যমন্ত্ৰী ড০ শৰ্মাই জানিবলৈ দিয়ে যে প্ৰস্তাৱিত বায়’পিকখনৰ বিষয়ে বিতংভাৱে আলোচনা কৰিবলৈ অহা আগষ্ট মাহত তেওঁ পৰিচালক আদিত্য ধৰক সাক্ষাৎ কৰিব । অৱশ্যে মুখ্যমন্ত্ৰীগৰাকীয়ে স্পষ্ট কৰি দিয়ে যে যদিহে কোনো কাৰণত আদিত্য ধৰৰ সৈতে এই আলোচনা সফল নহয়, তেন্তে চৰকাৰে অন্য পৰিচালকৰ কাষ চাপিব । কিন্তু লাচিত বৰফুকনৰ ওপৰত এখন বায়’পিক নিৰ্মাণ কৰাটো চৰকাৰে নিশ্চিত কৰিব ।

মুখ্যমন্ত্ৰীগৰাকীয়ে কয় যদি আদিত্য ধৰে এই ছবিখন পৰিচালনা কৰিব নোৱাৰে, তেন্তে আন পৰিচালকৰ কাষ চাপিব বুলিও উল্লেখ কৰে ।

ইতিহাসত প্ৰথমবাৰৰ বাবে চৰকাৰী পদক্ষেপ

যদিহে এই প্ৰকল্পটোৱে চূড়ান্ত ৰূপ লাভ কৰে, তেন্তে লাচিত বৰফুকনৰ জীৱনক কেন্দ্ৰ কৰি অসম চৰকাৰে প্ৰযোজনা বা সহযোগ কৰা ই হ’ব প্ৰথমখন বলীউড পৰ্যায়ৰ পূৰ্ণদৈৰ্ঘ্যৰ কথাছবি । এই ছবিখনৰ মূল লক্ষ্য হৈছে সমগ্ৰ ভাৰত তথা বিশ্বৰ দৰ্শকৰ সন্মুখত অসমৰ গৌৰৱময় ইতিহাস আৰু লাচিত বৰফুকনৰ অপৰিসীম বীৰত্বক মহিমামণ্ডিত কৰা ।

লগতে পঢ়ক : অৰুণোদয় আঁচনিক লৈ মুখ্যমন্ত্ৰীয়ে ডাঙৰ ঘোষণা

মুখ্যমন্ত্ৰীগৰাকীয়ে কয় যে চৰকাৰে চলিত সপ্তাহৰ ভিতৰতে নতুন চক্ৰ বিষয়াৰ কাৰ্যালয়সমূহ গঠন সন্দৰ্ভত এক আনুষ্ঠানিক সিদ্ধান্ত ল’ব

অসম চৰকাৰে অতি শীঘ্ৰেই ৰাজ্যত ১৪টা নতুন চক্ৰ বিষয়াৰ কাৰ্যালয় স্থাপন কৰিব । মুখ্যমন্ত্ৰী ড০ হিমন্ত বিশ্ব শৰ্মাই ১৪ জুলাইত অসম বিধানসভাত এই কথা ঘোষণা কৰে । তেওঁ কয় যে ৰাজহ প্ৰশাসনক শক্তিশালী কৰিবলৈ আৰু জনসাধাৰণক সেৱা প্ৰদান কাৰ্য অধিক উন্নত কৰিবলৈ এই সিদ্ধান্ত লোৱা হৈছে ।

চলিত অসম বিধানসভাৰ বাজেট অধিৱেশনৰ সপ্তম দিনটোত এই ঘোষণা কৰি মুখ্যমন্ত্ৰীগৰাকীয়ে কয় যে চৰকাৰে চলিত সপ্তাহৰ ভিতৰতে নতুন চক্ৰ বিষয়াৰ কাৰ্যালয়সমূহ গঠন সন্দৰ্ভত এক আনুষ্ঠানিক সিদ্ধান্ত ল’ব ।

এই পদক্ষেপৰ উদ্দেশ্য হৈছে প্ৰশাসনিক কাম-কাজ সমূহ বিকেন্দ্ৰীকৰণ কৰা, ৰাজহ সংক্ৰান্তীয় সেৱাসমূহ লাভ কৰাৰ প্ৰক্ৰিয়া সহজ কৰা আৰু ৰাজ্যখনৰ নাগৰিকসকলৰ বাবে দ্ৰুত তথা অধিক দক্ষ শাসন ব্যৱস্থা নিশ্চিত কৰা ।

মুখ্যমন্ত্ৰীগৰাকীয়ে কয় যে এই নতুন কাৰ্যালয়সমূহে প্ৰশাসনিক সেৱাসমূহ জনসাধাৰণৰ ওচৰ চপাই নিয়াত আৰু বৰ্তমানৰ চক্ৰ বিষয়াৰ কাৰ্যালয়সমূহৰ কামৰ বোজা হ্ৰাস কৰি ৰাজহ বিভাগৰ কাৰ্যক্ষমতা বৃদ্ধিত সহায় কৰিব ।

আনুষ্ঠানিক অনুমোদন লাভ কৰাৰ পিছত চৰকাৰে এই ১৪টা নতুন চক্ৰ বিষয়াৰ কাৰ্যালয়ৰ স্থান আৰু কাৰ্যক্ষমতাৰ সবিশেষ অধিসূচনা জাৰি কৰিব বুলি আশা কৰা হৈছে ।

লগতে পঢ়ক : বিগত দুবছৰত ১৬৭৯ জন অবৈধ বাংলাদেশীক পুশ্ববেক: বিধানসভাত চৰকাৰৰ তথ্য

মুখ্যমন্ত্ৰী ড° হিমন্ত বিশ্ব শৰ্মাই সদৰী কৰা মতে, অসম বাজেট ২০২৬-ত উল্লেখ কৰা ৰাজ্যখনৰ দূৰদৰ্শী পৰিকল্পনাৰ আধাৰতে এই অভিলাষী প্ৰকল্প হাতত লোৱা হৈছে

অসমীয়া চিনেমা, লোকসংগীত, তথ্যচিত্ৰ আৰু সাহিত্যক বিশ্বদৰবাৰত প্ৰতিষ্ঠা কৰাৰ উদ্দেশ্যে অসম চৰকাৰে এক ঐতিহাসিক পদক্ষেপ গ্ৰহণ কৰিবলৈ সাজু হৈছে । অতি শীঘ্ৰেই ৰাজ্যখনে লাভ কৰিব এটা সুকীয়া চৰকাৰী অ’টিটি (OTT) প্লেটফৰ্ম । মুখ্যমন্ত্ৰী ড° হিমন্ত বিশ্ব শৰ্মাই সদৰী কৰা মতে, ‘অসম বাজেট ২০২৬’ত উল্লেখ কৰা ৰাজ্যখনৰ দূৰদৰ্শী পৰিকল্পনাৰ আধাৰতে এই অভিলাষী প্ৰকল্প হাতত লোৱা হৈছে ।

১৩ জুলাইত সামাজিক মাধ্যম ‘এক্স’ত (X) এই কথা ঘোষণা কৰি মুখ্যমন্ত্ৰী ড০ শৰ্মাই এক আমোদজনক পোষ্ট শ্বেয়াৰ কৰে । তেওঁ লিখে—

“প্ৰিয় অ’টিটি প্লেটফৰ্মসমূহ, অলপ ঠাই এৰি দিয়ক, অসমেও এই তালিকাত নাম অন্তৰ্ভুক্ত কৰিবলৈ ওলাইছে ।”

মুখ্যমন্ত্ৰীগৰাকীয়ে লগতে উল্লেখ কৰে যে ‘অসম বাজেট ২০২৬’ত অসমীয়া চলচ্চিত্ৰ, পৰম্পৰাগত লোকসংগীত, তথ্যচিত্ৰ আৰু সাহিত্য-সংস্কৃতিৰ চৰ্চাৰ বাবে এটা সুকীয়া ডিজিটেল প্লেটফৰ্মৰ সপোন দেখা হৈছিল । এই প্লেটফৰ্মখন হ’ব সমগ্ৰ অসমবাসীৰ বাবে “ঘৰৰ ওচৰৰ কাহিনীবোৰ একেলগে উপভোগ কৰাৰ এক নতুন ঠিকনা ।”

কিয় গুৰুত্বপূৰ্ণ এই প্লেটফৰ্ম?

স্থানীয় প্ৰতিভাক প্ৰসাৰ: এই প্ৰস্তাৱিত প্লেটফৰ্মখনে অসমৰ থলুৱা চলচ্চিত্ৰ নিৰ্মাতা, সংগীতজ্ঞ, লেখক আৰু নতুন প্ৰজন্মৰ সমল স্ৰষ্টাসকলক (content creators) এখন গোলকীয় মঞ্চ প্ৰদান কৰিব ।

অৰ্থনৈতিক সুযোগ: ইয়াৰ দ্বাৰা থলুৱা প্ৰযোজক আৰু শিল্পীসকলে তেওঁলোকৰ সৃষ্টিৰ উচিত মূল্যায়ন পোৱাৰ লগতে উপাৰ্জনৰ এক নতুন পথ মুকলি হ’ব ।

সাংস্কৃতিক সংৰক্ষণ: বৰ্তমানৰ ডিজিটেল যুগত নৱপ্ৰজন্মক নিজৰ ভাষা আৰু সংস্কৃতিৰ প্ৰতি আকৰ্ষিত কৰাত ই গুৰুত্বপূৰ্ণ ভূমিকা ল’ব ।

অৱশ্যে, এই প্লেটফৰ্মখন কেতিয়াৰ পৰা সৰ্বসাধাৰণৰ বাবে উপলব্ধ হ’ব আৰু ইয়াৰ কাৰ্যবাহী আৰ্হি (operational model) কেনেকুৱা হ’ব, সেই সন্দৰ্ভত চৰকাৰীভাৱে সবিশেষ তথ্য এতিয়াও প্ৰকাশ কৰা হোৱা নাই ।

উত্তৰ-পূৰ্বাঞ্চলত ডিজিটেল বিপ্লৱ

বৰ্তমান সময়ত দেশৰ বিভিন্ন ৰাজ্যই নিজৰ স্থানীয় ভাষা, কলা আৰু সংস্কৃতিক জীয়াই ৰাখিবলৈ ডিজিটেল মাধ্যমৰ আশ্ৰয় লৈছে । অসমৰ পূৰ্বে চুবুৰীয়া ৰাজ্য মেঘালয়ে ইতিমধ্যে ‘হেল্ল’ মেঘালয়’ নামৰ এটা চৰকাৰী সাহায্য প্ৰাপ্ত অ’টিটি প্লেটফৰ্ম মুকলি কৰি সফলতা অৰ্জন কৰিছে । এই প্লেটফৰ্মত খাচী, গাৰো আৰু জয়ন্তীয়া ভাষাৰ চিনেমা, গীত আৰু তথ্যচিত্ৰসমূহ প্ৰদৰ্শন কৰা হয় ।

মেঘালয়ৰ পাছত এতিয়া অসমেও নিজাকৈ এই ডিজিটেল কেন্দ্ৰ গঢ়ি তুলিবলৈ লোৱা সিদ্ধান্তই সমগ্ৰ উত্তৰ-পূবৰ সৃষ্টিশীল ক্ষেত্ৰখনলৈ এক নতুন জোৱাৰ আনিব বুলি আশা কৰা হৈছে ।

লগতে পঢ়ক : জুবিন গাৰ্গলৈ অসম সাহিত্য সভাৰ ‘সংগীত সুধাকৰ’ উপাধি