ৰাছিয়া আৰু ইউক্ৰেইনৰ মাজত চলি থকা যুদ্ধই এতিয়া এক ভয়াৱহ ৰূপ লৈছে। দুয়োখন দেশে ইখনে সিখনক তীব্ৰ আক্ৰমণ কৰি আছে।
ইফালে, ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিয়ে ৰাছিয়াৰ ৰাষ্ট্ৰপতি ভ্লাদিমিৰ পুটিনে কল্পনা নকৰা টা কামটো কৰিছে।
ইউক্ৰেনে ৰাছিয়াৰ চেচনিয়া অঞ্চলৰ নেচনেল গাৰ্ড চৌহদত ড্ৰোন আক্ৰমণ চলাইছে। ৰাছিয়াৰ পৰা বৃহৎ পৰিমাণৰ বিমান আক্ৰমণৰ পিছত কিয়েভে প্ৰতিশোধ লৈছে।
সামাজিক মাধ্যমত এটা ভিডিঅ’ ভাইৰেল হৈছে। আৰু সেই ভিডিঅ’টোত দেখা গৈছে যে বিস্ফোৰণৰ পূৰ্বে চেচনীয়াৰ ৰাজধানী গ্ৰজনিৰ আকাশৰ ওপৰেৰে এটা ড্ৰোন উৰি আছিল।
আক্ৰমণটোত কোনো লোক হতাহত হোৱাৰ খবৰ পোৱা হোৱা নাই। আক্ৰমণৰ এই এলেকাটো ইউক্ৰেইনৰ সীমান্তৰ পৰা প্ৰায় ৮০০ কিলোমিটাৰ দক্ষিণ-পূবত অৱস্থিত।
চেচনীয়াৰ নেতা ৰমজান কাদিৰভে নিশ্চিত কৰিছে যে ড্ৰোনে আখমাত গ্ৰজনি আৰক্ষী বেটেলিয়নৰ এটা স্থানত আক্ৰমণ কৰিছিল। তেওঁ কৈছিল যে বায়ু প্ৰতিৰক্ষাৰ দ্বাৰা আন দুটা ড্ৰোন ধ্বংস কৰা হৈছিল।
কেৱল এয়াই নহয়, ইউক্ৰেনে পূৰ্বে দক্ষিণ ৰাছিয়াত ড্ৰোন আক্ৰমণ চলাইছিল। ইউক্ৰেইনৰ পৰা ড্ৰোন আক্ৰমণত এটি ন বছৰীয়া শিশু নিহত হয় আৰু এটা মুখ্য ইন্ধন ডিপোত জুই লগোৱা হয়।
ইউক্ৰেইনৰ জেনেৰেল ষ্টাফে কৈছিল যে ইউক্ৰেইনৰ ড্ৰোনে দক্ষিণ ৰাছিয়াৰ অৰিঅ’ল অঞ্চলৰ এটা মুখ্য ইন্ধন ভাণ্ডাৰক লক্ষ্য কৰি লৈছিল।
ৰাছিয়াই ইয়াৰ চুবুৰীয়াদেশলৈ ৯৩ খন ক্ৰুজ আৰু বেলিষ্টিক মিছাইল আৰু প্ৰায় ২০০ ড্ৰোন নিক্ষেপ কৰাৰ পিছত ইউক্ৰেইনৰ আক্ৰমণ সংঘটিত হৈছিল। জেলেনস্কিয়ে কৈছে যে ৰাছিয়াই লাখ লাখ লোকক সন্ত্ৰাসিত কৰি আছে।
ৰাছিয়াৰ প্ৰতিৰক্ষা মন্ত্ৰালয়ে কৈছে যে ৰাছিয়াৰ সামৰিক বাহিনীয়ে ইউক্ৰেইনত গুৰুত্বপূৰ্ণ ইন্ধন আৰু শক্তি সুবিধাৰ ওপৰত দীৰ্ঘ দূৰত্বৰ নিখুঁত মিছাইল আৰু ড্ৰোনেৰে আক্ৰমণ আৰম্ভ কৰিছে।
