বুধবাৰে অযোধ্যাৰ সৰজু নদীৰ পাৰত অনুষ্ঠিত হোৱা অষ্টম দীপোৎসৱত দুটা বিশ্ব অভিলেখ গঢ়িবলৈ সক্ষম হয় । সৰ্বাধিক সংখ্যক লোকে একেলগে আৰতি পৰিবেশন কৰা আৰু সৰ্বাধিক চাকি জ্বলোৱাৰ বাবে দুটা ‘গিনিজ ৱৰ্ল্ড ৰেকৰ্ড’ সৃষ্টি হয় । সৰজু নদীৰ পাৰত থকা ৰাম কি পেইড়ীকে ধৰি ৫৫ ঘাটত দুটা অভিলেখ গঢ়িছিল, য’ত একেলগে ২৫ লাখৰো অধিক মাটিৰ চাকি জ্বলোৱা হৈছিল আৰু একেলগে ১১২১ জন ‘বেদাচাৰ্য’ই ‘আৰতি’ পৰিৱেশন কৰিছিল । ড্ৰ’নৰ জৰিয়তে চাকি গণনা কৰা হৈছিল ।
উত্তৰ প্ৰদেশৰ মুখ্যমন্ত্ৰী যোগী আদিত্যনাথে প্ৰথমে চাকি জ্বলাই দীপোৎসৱ কাৰ্যসূচী উদ্বোধন কৰে । তেওঁৰ সৈতে উপ মুখ্যমন্ত্ৰী কেশৱ প্ৰসাদ মৌৰ্য আৰু ব্ৰজেশ পাঠক আৰু কেন্দ্ৰীয় পৰ্যটন মন্ত্ৰী গজেন্দ্ৰ সিং শ্বেখাৱত উপস্থিত থাকে । উত্তৰ প্ৰদেশত, ভক্তসকলে পৰম্পৰাগত উৎসাহ আৰু আনন্দেৰে উৎসৱ উদযাপন কৰিবলৈ মন্দিৰত ভিৰ কৰা পৰিলক্ষিত হয় । ইয়াৰ উপৰিও, শিল্পীসকলে নৃত্য পৰিৱেশন কৰিছিল ।
মাত্ৰ আধা ঘণ্টাতে জ্বলালে ২৫ লাখ চাকি-
অযোধ্যাত সূৰ্য অস্ত যোৱাৰ লগে লগে ৰাম কি পেইড়ীত বৈদ্যুতিক লাইটৰ ৰঙীন পোহৰে সকলোকে আকৰ্ষিত কৰিবলৈ আৰম্ভ কৰে । সমগ্ৰ অযোধ্যা চহৰখন ভক্তিমূলক সংগীত প্ৰতিধ্বনিত হয় । ৰাম কি পেইড়ী, চৌধুৰী চৰণ সিং ঘাট আৰু ভজন সন্ধ্যা সন্তলকে ধৰি বহু ঠাইত, ৩০ হাজাৰ স্বেচ্ছাসেৱকে এদিন পূৰ্বে ২৫ লাখ চাকি স্থাপনৰ কাম সম্পূৰ্ণ কৰিছিল । বুধবাৰে সন্ধিয়া, আধা ঘণ্টাৰ ভিতৰত ২৫ লাখ দিয়া জ্বলোৱা হৈছিল আৰু এক নতুন অভিলেখ সৃষ্টি কৰা হৈছিল ।
অযোধ্যা দীপোৎসৱে প্ৰতি বছৰে নতুন অভিলেখ সৃষ্টি কৰি আছে-
২০১৭ চনত উত্তৰ প্ৰদেশত যোগী আদিত্যনাথ চৰকাৰ গঠন হোৱাৰ পিছত, অযোধ্যাৰ পৰ্যটনৰ বিকাশৰ বাবে দীপোৎসৱৰ কাৰ্যসূচী আৰম্ভ কৰা হৈছিল । এতিয়া ই প্ৰতি বছৰে নিজৰ অভিলেখ ভংগ কৰি আছে । যোৱা বছৰৰ দীপোৎসৱত, ২২ লাখ ২৩ হাজাৰ চাকি জ্বলাই এক বিশ্ব অভিলেখ সৃষ্টি কৰা হৈছিল । এইবাৰ অৱধ বিশ্ববিদ্যালয়কে ধৰি আন মহাবিদ্যালয়ৰ ৩০ হাজাৰ শিক্ষাৰ্থীয়ে দীপোৎসৱৰ বাবে কঠোৰ পৰিশ্ৰম কৰিছিল, যাৰ ফলাফলো তেওঁলোকৰ বাবে অৰ্থপূৰ্ণ দেখা গৈছিল ।
