কাৰ্তিক আৰ্য়ান অভিনীত ভুল ভুলিয়া ৩ য়ে বক্স অফিচত ধাৰাবাহিকভাৱে ভাল প্ৰদৰ্শন কৰি আছে।ভৌতিক-কৌতুকে ভৰা এই ছবিখনক দৰ্শকে যথেষ্ট সঁহাৰি দিছে। কাৰ্তিকৰ উপৰিও ছবিখনত মাধুৰী দীক্ষিত, বিদ্যা বালান আৰু ত্ৰিপ্তী ডিমৰীয়েও অভিনয় কৰিছে।
ভুল ভুলিয়া প্ৰথমখনত বিদ্যা বালানক দেখিবলৈ পোৱা গৈছিল আৰু ১৭ বছৰৰ পিছত পুনৰ ছবিখনত দেখিবলৈ পোৱা গৈছে অভিনেত্ৰী গৰাকীক।
চলচ্চিত্ৰখনৰ সফলতাৰ প্ৰতি প্ৰতিক্ৰিয়া ব্যক্ত কৰি অভিনেত্ৰীগৰাকীয়ে ছবিখনক এতিয়ালৈকে তেওঁৰ কেৰিয়াৰৰ আটাইতকৈ ডাঙৰ সফলতা বুলি অভিহিত কৰে।
এটা সাক্ষাৎকাৰত বিদ্যা বালানে কয় যে “ছবিখনে বৰ্তমান ভাল প্ৰদৰ্শন কৰি আছে। ময়ো ছবিখন ভাল পাইছো। এই ছবিখন মোৰ কেৰিয়াৰৰ আটাইতকৈ ডাঙৰ সাফল্য। মই সপোনটো ভবা নাছিলো যে ছবিখনে ইমান ভাল প্ৰদৰ্শন কৰিব । মই কেতিয়াও ভবা নাছিলো যে ১৭ বছৰৰ পিছত মই আকৌ ভুল ভুলিয়া কৰিম আৰু তাৰ বাবে দৰ্শকে মোক ইমান মৰম দিব।
ছবিখনে মুক্তিৰ অষ্টম দিনাও বক্স অফিচত নিজৰ দখল বজাই ৰাখিছে।১৫৮.২৫ কোটি টকাৰ গুৰুত্বপূৰ্ণ বক্স অফিচ সংগ্ৰহৰ সৈতে প্ৰথম সপ্তাহৰ সমাপ্তি ঘটা ছবিখনে শুকুৰবাৰে ভাৰতত ৯ কোটি টকা সংগ্ৰহ কৰেইয়াৰ সৈতে, ছবিখনৰ মুঠ সংগ্ৰহ ১৬৭.২৫ কোটি টকালৈ বৃদ্ধি হৈছে।ছবিখন দৰ্শকে আদৰি লোৱাৰ বাবে যথেষ্ট সুখী অভিনেত্ৰী বিদ্যা বালান।
