১৭ অক্টোবৰত মুখ্যমন্ত্ৰী হিচাপে শপত ল’ব নায়াব সিং ছাইনীয়ে, প্ৰধানমন্ত্ৰী মোডীকে ধৰি বহুতো নেতাৰ উপস্থিতিৰ সম্ভাৱনা

হাৰিয়ানা বিধানসভা নিৰ্বাচনত বিজয়ৰ পিছত, বিজেপিয়ে একেৰাহে তৃতীয়বাৰৰ বাবে চৰকাৰ গঠনৰ অনুশীলন আৰম্ভ কৰিছে। নতুন চৰকাৰখনে ১৭ অক্টোবৰত শপত গ্ৰহণ কৰিব।ৰাজ্যপাল বান্দাৰু দত্তাত্ৰেয়ই নতুন চৰকাৰৰ মন্ত্ৰীসকলক শপত গ্ৰহণ কৰোৱাব। বৃহস্পতিবাৰে পুৱা ১০ বজাত পঞ্চকুলাৰ পেৰেড গ্ৰাউণ্ড, চেক্টৰ ৫ত শপত গ্ৰহণ অনুষ্ঠান অনুষ্ঠিত হ’ব। বিজেপি নেতা নায়াব সিং চাইনীয়ে একেৰাহে দ্বিতীয়বাৰৰ বাবে  মুখ্যমন্ত্ৰী হিচাপে শপত গ্ৰহণ কৰিব। প্ৰধানমন্ত্ৰী নৰেন্দ্ৰ মোদী আৰু বিজেপি-অনুমোদিত ৰাজ্যসমূহৰ মুখ্যমন্ত্ৰীসকলও এই শপতগ্ৰহণ অনুষ্ঠানটোত উপস্থিত থকাৰ সম্ভাৱনা আছে।