চেলিব্ৰিটি দম্পতী নাগা চৈতন্য আৰু সোভিতা ধুলিপালাই আজি বিবাহপাশত আৱদ্ধ হয়।অনুৰাগীসকলে তেওঁলোকৰ বিয়াৰ বাবে আগ্ৰহেৰে অপেক্ষা কৰি আছিল।
এতিয়া এই অপেক্ষা শেষ হ’ল আৰু এই দম্পতীহালৰ বিয়াৰ ফটোও সামাজিক মাধ্যমত ভাইৰেল হৈছে।নাগা চৈতন্য আৰু সোভিতাই সম্পূৰ্ণ ৰীতি-নীতি অনুসৰি বিবাহ পাশত আৱদ্ধ হয়।
বিয়াখন হায়দৰাবাদৰ অন্নপূৰ্ণা ষ্টুডিঅ’ত হৈছিল। জানিব পৰা মতে এই ষ্টুডিঅ’টো নাগা চৈতন্যৰ ককাক আক্কিনেনি নাগেশ্বৰ ৰাওৰ মালিকানাধীন।
নাগা আৰু সোভিতাৰ বিবাহৰ ৰীতি-নীতি ৮ ঘণ্টা চলিব, যি পুৱা ১ বজাত সমাপ্ত হ’ব। বিয়াখন তেলেগু ব্ৰাহ্মণ পৰম্পৰা অনুসৰি হৈছে।
নাগা চৈতন্য আৰু সোভিতাই ২০২১ চনৰ পৰা ইজনে সিজনক ডেট কৰি আছিল। কিন্তু তেওঁলোকে সকলোৰে পৰা এই সম্পৰ্কৰ কথা লুকুৱাই ৰাখিছিল।
বিবাহ অনুষ্ঠানত নাগা চৈতন্যই ধুতি আৰু পাঞ্জাৱী পৰিধান কৰা দেখিবলৈ পোৱা গৈছে। জানিব পৰা মতে নাগা চৈতন্যই বিবাহৰ অনুষ্ঠানত তেওঁৰ ককাকৰ পঞ্চ পৰিধান কৰিছে।
আনহাতে কইনা সোভিতাই সোণৰ কাম কৰা এখন কাঞ্জীভাৰাম ৰেচম শাৰী পিন্ধি আছে।ইয়াৰ লগতে, পৰম্পৰাগত গহনাও পৰিধান কৰিছে।
বিবাহৰ ফটোবোৰক দুয়োকে অতি সুন্দৰ দেখাইছে। সামাজিক মাধ্যমত নাগা চৈতন্যৰ পিতৃ নাগাৰ্জুনে এই ফটোসমূহ শ্বেয়াৰ কৰিছে।
