শোকাৱহ ! পূজা চাবলৈ বুলি গৈ হেৰাই গ’ল গৌতম

দুৰ্গা পূজাৰ আনন্দ উল্লাসৰ মাজতে বঙাইগাঁৱত এক শোকাৱহ পথ দুৰ্ঘটনা। পূজা চাবলৈ বুলি ঘৰৰ পৰা ওলাই গৈছিল গৌতম ৰাভা। পূজা চাই উভতাৰ পথতেই মৃত্যুক সাৱটিলে ব্যক্তি গৰাকীয়ে। জানিব পৰা মতে গৌতম ৰাভাই চলাই অহা মটৰ চাইকেলৰ লগত চাইকেল আৰোহীৰ সংঘৰ্ষ হয়। সেই দুৰ্ঘটনাত মটৰ চাইকেলৰ পৰা ওফৰি পৰি গুৰুতৰভাৱে আঘাতপ্ৰাপ্ত হয় গৌতম। কিন্তু চিকিৎসালয়লৈ নিয়াৰ পথতেই মৃত্যু হয় গৌতম ৰাভাৰ । বঙাইগাঁও জিলাৰ যোগীঘোপা আৰক্ষী থানাৰ অন্তৰ্গত খোৰাগাঁৱৰ কাছাৰীপাৰাত সংঘটিত হৈছে এই শোকাৱহ দুৰ্ঘটনাটো।