শুক্ৰবাৰে মহাৰাষ্ট্ৰৰ পুনেত এটা ডাঙৰ পথ দুৰ্ঘটনা সংঘটিত হৈছে।পুৱা ৯:৩০ বজাৰ পৰা ১০:০০ বজাৰ ভিতৰত বিবাহৰ অতিথিৰে ভৰ্তি এখন বাছ খাৱৈত পৰি যায়।
বাছখনত প্ৰায় ৪০ জন যাত্ৰী আছিল, যাৰ ভিতৰত পাঁচজন লোকৰ মৃত্যু হৈছে আৰু ২৭ তকৈও অধিক লোক জন গুৰুতৰভাৱে আহত হোৱাৰ খবৰ পোৱা গৈছে। ঘটনাটো পুনেৰ তামহানি ঘাটৰ ওচৰত সংঘটিত হৈছিল।
জানিব পৰা মতে চাকানৰ পৰা মাহাদলৈ বিয়াৰ বাবে যাত্ৰা কৰোঁতে বাছখনে এটা টাৰ্ণিঙত নিয়ন্ত্ৰণ হেৰুৱাইছিল, যাৰ ফলত বাছখন এফালে হেলনীয়া হৈ পথৰ কাষতে থকা এটা দ’ খাৱৈত পৰি গৈছিল।
যাদৱ নামৰ এজন বক্ত্যিৰ পৰিয়ালৰ সদস্যসকল এই বাছখনত আছিল।মৃতসকলৰ ভিতৰত, ২ জন পুৰুষ আৰু ৩ গৰাকী মহিলাসহ মুঠ ৫ জন লোক আছে।
ইফালে, উদ্ধাৰকাৰী দল আৰু আৰক্ষী ঘটনাস্থলীত উপস্থিত হৈ আহত ২৭ জন ব্যক্তিক উদ্ধাৰ কৰি চিকিৎসালয়লৈ প্ৰেৰণ কৰে।
