শোকাৱহ ! কামৰ পৰা উভতাৰ পথতেই মৃত্যু যুৱকৰ

চৰাইদেউ জিলাৰ সাপেখাতী উৰণীয়া সেতুত ভয়ংকৰ পথ দুৰ্ঘটনা। থিতাতে নিহত এজন যুৱক। নিহত যুৱক জনৰ নাম দীপক গুৱালা। নিজ কৰ্মস্থলীৰ পৰা কঠীয়া খুণ্ডাৰ ঘৰলৈ গৈ থকা অৱস্থাতে সংঘটিত হয় দুৰ্ঘটনাটো। জানিব পৰা মতে এখন তীব্ৰ বেগী ব’লেৰ পিক আপ বাহনৰ খুন্দাত উৰণীয়া সেতুৰ পৰা তলত পৰে গৈ যুৱকজন। ফলত থিতাতে নিহত হয় দীপক গুৱালা।ঘটনা সংঘটিত কৰি পলায়ন কৰে ব’লেৰ পিক আপ বাহন খনে। বৰ্তমান ঘটনাস্থলীত সাপেখাতী আৰক্ষী উপস্থিত হৈ সমগ্ৰ দুৰ্ঘটনাৰ তদন্ত আৰম্ভ কৰিছে।