আধাৰ কাৰ্ড থকাসকলৰ বাবে এক ডাঙৰ খবৰ । যদি আপুনি এতিয়াও আপোনাৰ আধাৰ আপডেট কৰা নাই, তেন্তে শীঘ্ৰেই এই কাম সম্পূৰ্ণ কৰক । কাৰণ বৰ্তমান এই কাম একেবাৰে বিনামূলীয়াকৈ কৰা হৈছে (Free Aadhaar Update) আৰু এই বিনামূলীয়া সেৱা ব্যৱহাৰ কৰিবলৈ আপোনাৰ হাতত মাত্ৰ চাৰিদিন বাকী আছে । উল্লেখ্য যে ভাৰতীয় ইউনিক আইডেন্টিফিকেশন অথৰিটি অথবা ইউ আই ডি এ আইয়ে বিনামূলীয়া আধাৰ আপডেটৰ সময়সীমা ১৪ ডিচেম্বৰ ২০২৪লৈ বৃদ্ধি কৰিছিল, যি বৰ্তমান একেবাৰে ওচৰত ।
সময়সীমা বৃদ্ধিৰ সম্ভাৱনা কম-
ইউনিক আইডেন্টিফিকেশ্যন অথৰিটি অব ইণ্ডিয়াই ১০ বছৰতকৈও অধিক পূৰ্বে প্ৰস্তুত কৰা আধাৰ কাৰ্ডৰ বিনামূলীয়া আপডেটৰ সুবিধাৰ সময়সীমা কেইবাবাৰো বৃদ্ধি কৰিছে । এনে পৰিস্থিতিত ইয়াৰ বাবে পুনৰ সময়সীমা বৃদ্ধিৰ সম্ভাৱনা কম । সেইবাবে আপুনি শেষ তাৰিখলৈ অপেক্ষা নকৰাকৈ এই কামটো শীঘ্ৰেই সম্পূৰ্ণ কৰি লওক । প্ৰথমে ইয়াক ১৪ মাৰ্চৰ পৰা ১৪ জুন ২০২৪লৈ বৃদ্ধি কৰা হৈছিল আৰু তাৰ পিছত ইয়াৰ শেষ তাৰিখ পুনৰবাৰ ১৪ ছেপ্টেম্বৰলৈ বৃদ্ধি কৰা হৈছিল । ইয়াৰ পিছত আৰু এটা সংযোজনত আধাৰ কাৰ্ড ব্যৱহাৰকাৰীসকলক তিনিমাহৰ বাবে অৰ্থাৎ ১৪ ডিচেম্বৰলৈকে এই কাম একেবাৰে বিনামূলীয়াকৈ সম্পন্ন কৰাৰ সুবিধা দিয়া হৈছে ।
অনলাইনত এনেকৈ আপডেট কৰক-
-ৱেবছাইট https://uidai.gov.in/ ত লগ ইন কৰক ।
-এতিয়া হোমপেজত দেখা পোৱা My Aadhaar Portal লৈ যাওক ।
-আপোনাৰ পঞ্জীয়নভুক্ত মোবাইল নম্বৰত পোৱা OTP ব্যৱহাৰ কৰি ইয়াত লগইন কৰক ।
-এতিয়া আপোনাৰ বিৱৰণসমূহ পৰীক্ষা কৰক আৰু যদি ই শুদ্ধ, তেন্তে শুদ্ধ বাকচটোত টিক কৰক ।
-যদি জনগাঁথনিগত তথ্য ভুল পোৱা যায়, ড্ৰপ-ডাউন মেনুৰ পৰা পৰিচয় দস্তাবেজ নিৰ্ব্বাচন কৰক ।
-তাৰ পিছত নথিপত্ৰ আপলোড কৰক । এই নথিপত্ৰ JPEG, PNG আৰু PDF ৰূপত আপলোড কৰিব পাৰি ।
এই আপডেটসমূহৰ বাবে যাব লাগিব কেন্দ্ৰলৈ-
উল্লেখ কৰা মতে বিনামূলীয়া আধাৰ আপডেট কৰাৰ সুবিধা কেৱল অনলাইনতহে উপলব্ধ । আধাৰ কাৰ্ডত যিকোনো ধৰণৰ আপডেটৰ বাবে আধাৰ কেন্দ্ৰলৈ গৈ নিৰ্ধাৰিত মাচুল দিব লাগিব । ইফালে মনত ৰাখিব যে কিছুমান আপডেট আছে যিবোৰ অনলাইনত নহয় কেন্দ্ৰটোলৈ গৈ কৰিব লাগিব । এইবোৰত, যদি আপুনি Iris বা বায়মেট্ৰিক ডাটা আপডেট কৰিব বিচাৰে, ইয়াৰ বাবে আধাৰ কেন্দ্ৰলৈ যাব লাগিব ।
সময়সীমা শেষ হোৱাৰ পিছত মাচুল আৰোপ কৰা হ’ব-
আধাৰ কাৰ্ড বিনামূলীয়াকৈ আপডেট কৰাৰ এই নিৰ্দিষ্ট সময়সীমাৰ পিছত এই গুৰুত্বপূৰ্ণ কাম কৰাৰ বাবে ইউ আই ডি এ আইয়ে নিৰ্ধাৰণ কৰা মাচুল দিব লাগিব, যিটো হ’ল ৫০ টকা । বিশেষ কথাটো হ’ল UIDAI ৰ দ্বাৰা প্ৰদান কৰা আধাৰ কাৰ্ড আপডেট কৰাৰ এই বিনামূলীয়া সেৱা কেৱল myAadhaar Portal তহে উপলব্ধ ।
