লক্ষ্ণৌ ছুপাৰ জায়েন্টছৰ বিৰুদ্ধে খেলখনত মুম্বাই ইণ্ডিয়ানছৰ বেটছমেন তিলক ভাৰ্মাই ভাল বেটিং কৰিব নোৱাৰিলে আৰু তেওঁ দলৰ পৰাজয়ৰ আটাইতকৈ ডাঙৰ দোষী বুলি প্ৰমাণিত হ’ল।
লক্ষ্ণৌ ছুপাৰ জায়েন্টছৰ বিৰুদ্ধে খেলখনত তিলক ভাৰ্মাই বেটিং বেয়াৰ বাবে ১৯ অভাৰত অৱসৰ ল’বলগীয়া হৈছিল।প্ৰতিটো ৰান সংগ্ৰহ কৰাৰ সময়ত তেওঁ হতাশ হৈ পৰিছিল।
চাৰি আৰু ছয় মাৰি মেচখন জয়ৰ বাবে তেওঁৰ সকলো প্ৰচেষ্টা বিফল হৈছিল।সেইবাবেই এই সিদ্ধান্ত লৈছিল মুম্বাই ইণ্ডিয়ানে আৰু তেওঁৰ ঠাইত মিচেল ছাণ্টনাৰে বেটিং কৰিবলৈ ওলাই আহিল, কিন্তু ইয়াৰ দ্বাৰাও কোনো সহায় নহ’ল।
শেষত পৰাজয়ৰ সন্মুখীন হ’বলগীয়া হৈছিল মুম্বাই। খেলখনৰ পাছতে বহু ক্ৰিকেট বিশেষজ্ঞই ভুল সিদ্ধান্ত বুলি অভিহিত কৰিছে।
এতিয়া প্ৰশ্ন হয় অধিনায়ক হাৰ্দিক পাণ্ডিয়া নে মুখ্য প্ৰশিক্ষক মহেলা জয়ৱৰ্ধনে, কাৰ নিৰ্দেশত তিলকে অৱসৰ লৈছিল?
লক্ষ্ণৌ ছুপাৰ জায়েন্টছৰ বিৰুদ্ধে পৰাজয়ৰ পিছত মুম্বাই ইণ্ডিয়ানছৰ মুখ্য প্ৰশিক্ষকে নিজেই প্ৰকাশ কৰে যে তিলক বৰ্মাক অৱসৰ গ্ৰহণ কৰি পেভেলিয়ানলৈ ঘূৰাই অনাটো তেওঁৰ সিদ্ধান্ত আছিল।
তেওঁৰ মতে, এইটো এটা কৌশলৰ অংশ হিচাপে কৰা হৈছিল। খেলখনৰ পৰিস্থিতি দেখি তেওঁ তিলক বৰ্মাক উভতাই মাতিলে।
তেওঁ কয় যে ফুটবল খেলত যেনেকৈ মেনেজাৰে শেষ মুহূৰ্তত নিজৰ বিকল্প খেলুৱৈক খেলপথাৰলৈ আনে,একেদৰে ক্ৰিকেটতো নতুন পৰীক্ষা এটা চেষ্টা কৰিলোঁ, যিটো যথেষ্ট আকৰ্ষণীয় আছিল।
তিলক যেতিয়া অৱসৰ আউট হৈছিল, তেতিয়া প্ৰথম প্ৰশ্ন উত্থাপন হৈছিল হাৰ্দিক পাণ্ডিয়াৰ ওপৰত।সাধাৰণতে ক্ৰিকেটত এনে ডাঙৰ ডাঙৰ সিদ্ধান্ত অধিনায়কে লয়।
তিলকক উভতি যোৱাৰ সময় আৰু তেওঁৰ ঠাইত ছাণ্টনাৰক পঠোৱাৰ সময় সন্দৰ্ভত বিশেষজ্ঞসকলে প্ৰশ্ন উত্থাপন কৰিছিল।
তেওঁলোকে কয় যে ইয়াৰ পূৰ্বে হাৰ্দিক পাণ্ডিয়াইও গুজৰাট টাইটানছৰ বিৰুদ্ধে লেহেমীয়া ইনিংছ খেলিছিল।১৭টা বলত মাত্ৰ ১১ ৰানহে কৰিব পাৰিছিল।
তেতিয়া তেনে কোনো সিদ্ধান্ত লোৱা হোৱা নাছিল।যদি তিলকক ‘ৰিটায়াৰ’ড আউট কৰিব লগা আছিল তেন্তে এই পদক্ষেপ ২-৩ অভাৰ আগতেই লোৱা উচিত আছিল।
