হাৰ্দিক পাণ্ডিয়া OUT; আফগানিস্তানৰ বিৰুদ্ধে এদিনীয়া শৃংখলা নোৱাৰিব খেলিব
১৩ জুনত আৰম্ভ হ’বলগীয়া ভাৰত আৰু আফগানিস্তানৰ মাজত অনুষ্ঠিত হ’বলগীয়া তিনিখন মেচৰ এদিনীয়া শৃংখলাৰ পূর্বে টীম ইণ্ডিয়া এটা ডাঙৰ বিপৰ্যয়ৰ সন্মুখীন হৈছে ৷ বাহিৰ হ’ল তাৰকা অল ৰাউণ্ডাৰ হাৰ্দিক পাণ্ডিয়া।
ভাৰত আৰু আফগানিস্তানৰ মাজত ১৩ জুনৰ পৰা আৰম্ভ হ’বলগীয়া তিনিখনীয়া এদিনীয়া শৃংখলাৰ পূৰ্বে টীম ইণ্ডিয়া এক ডাঙৰ বিপৰ্যয়ৰ সন্মুখিন হৈছে। তাৰকা অলৰাউণ্ডাৰ হাৰ্দিক পাণ্ডিয়া আঘাতৰ বাবে সমগ্ৰ শৃংখলাটোৰ পৰা বাহিৰ হৈছে।
বিচিচিআইৰ চিকিৎসা আপডেট অনুসৰি, হাৰ্দিকৰ ‘ল’ -গ্ৰেড কুৱাড্ৰিচেপ্স ষ্ট্ৰেইন’ (low-grade quadriceps strain) হৈছে। এইটো উৰুৰ সন্মুখৰ ফালৰ মাংসপেশী টান খোৱা এবিধ আঘাত। চিকিৎসা কৰ্মচাৰীসকলে তেওঁ সুস্থ হ’বলৈ প্ৰায় তিনি সপ্তাহ সময় লাগিব বুলি জনাইছে। এনে পৰিস্থিতিত তেওঁ আফগানিস্তানৰ বিৰুদ্ধে হ’বলগীয়া তিনিওখন এদিনীয়া মেচতে উপলব্ধ নাথাকিব।
হাৰ্দিকৰ অনুপস্থিতি ভাৰতীয় দলৰ ভাৰসাম্যৰ বাবে এক ডাঙৰ মোক্ষম আঘাত হিচাপে গণ্য কৰা হৈছে। তেওঁ কেৱল মধ্যক্ৰমত বিস্ফোৰক বেটিং কৰাই নহয়, বৰঞ্চ নতুন বল আৰু মিডল অভাৰত উপযোগী দ্ৰুত বলিং কৰাৰ বিকল্পও প্ৰদান কৰে। তেওঁৰ অনুপস্থিতিত দল পৰিচালনা সমিতিয়ে অলৰাউণ্ডাৰ বিভাগত নতুন সংমিশ্ৰণৰ কথা চিন্তা কৰিবলগীয়া হ’ব পাৰে।
শুভমন গিলৰ অধিনায়কত্বত ভাৰতীয় দলে আফগানিস্তানৰ বিৰুদ্ধে এদিনীয়া শৃংখলা খেলিব। দলটোত ৰোহিত শৰ্মা, যশস্বী জয়ছৱাল, শ্ৰেয়াছ আয়াৰ, কে এল ৰাহুল আৰু ইশান কিষাণৰ দৰে বেটছমেন অন্তৰ্ভুক্ত হৈ আছে। অলৰাউণ্ডাৰ বিভাগত নীতিশ কুমাৰ ৰেড্ডী, ৱাশ্বিংটন সুন্দৰ আৰু হৰ্ষ ডুবেৰ ওপৰত অতিৰিক্ত দায়িত্ব আহিব পাৰে।
ভাৰত আৰু আফগানিস্তানৰ মাজত প্ৰথমখন এদিনীয়া মেচ ১৩ জুনত ধৰ্মশালাত খেলা হ’ব। ইয়াৰ পিছত দ্বিতীয়খন মেচ ১৭ জুনত লক্ষ্ণৌ আৰু তৃতীয় তথা অন্তিমখন এদিনীয়া মেচ ২০ জুনত চেন্নাইত অনুষ্ঠিত হ’ব।
আহিবলগীয়া আন্তঃৰাষ্ট্ৰীয় খেলসমূহৰ প্ৰস্তুতিৰ দিশৰ পৰা আফগানিস্তান শৃংখলাটো ভাৰতৰ বাবে গুৰুত্বপূৰ্ণ বুলি বিবেচিত হৈছে। এনে অৱস্থাত হাৰ্দিক পাণ্ডিয়া দলৰ পৰা বাহিৰ হোৱাটো দল পৰিচালনা সমিতিৰ বাবে চিন্তাৰ বিষয় হৈ পৰিছে।
লগতে পঢ়ক: ঋতুৰাজৰ বিস্ফোৰক শতক, ৰোমাঞ্চকৰ মেচত শ্ৰীলংকাক ধূলিস্যাৎ কৰিলে ভাৰতে