আই পি এলৰ আচৰণ বিধি ভংগ কৰাৰ বাবে হাৰ্দিক পাণ্ডিয়াক মেচ মাচুলৰ ১০ শতাংশ জৰিমনা বিহা হৈছে।
হাৰ্দিক পাণ্ডিয়াই আকৌ এবাৰ শিৰোনাম দখল কৰিছে কিন্তু এইবাৰ কাৰণ তেওঁৰ দুৰ্দান্ত প্ৰদৰ্শন নহয়, বৰঞ্চ খেলপথাৰত প্ৰদৰ্শিত হতাশাৰ প্ৰকাশ হে। আই পি এলৰ আচৰণ বিধি ভংগ কৰাৰ বাবে মুম্বাই ইণ্ডিয়ানছৰ অধিনায়ক হাৰ্দিক পাণ্ডিয়াক মেচ মাচুলৰ ১০ শতাংশ জৰিমনা বিহা হৈছে। ইয়াৰ লগতে তেওঁ ডেমেৰিট পইণ্টো লাভ কৰিছে।
এই ঘটনাটো বুধবাৰে কলকাতাৰ ইডেন গাৰ্ডেনত অনুষ্ঠিত হোৱা মেচখনৰ সৈতে জড়িত, য’ত কলকাতা নাইট ৰাইডাৰ্ছৰ হাতত ৪ উইকেটত পৰাজয়ৰ সন্মুখীন হৈছিল এম আই। মেচৰ সময়ত হাৰ্দিকে নিজৰ স্পেলত ছন্দ বিচাৰি উলিয়াব পৰা নাছিল।এই হতাশাত নিজৰ ৰান আপলৈ উভতি অহাৰ সময়তে তেওঁ বলপূৰ্বক উইকেটৰ জামিন পেলাই দিয়ে।
আই পি এলৰ এক বিবৃতিত কোৱা হৈছে যে হাৰ্দিক পাণ্ডিয়াই আই পি এলৰ আচৰণ বিধিৰ ২.২ অনুচ্ছেদ উলংঘা কৰিছে।এই নিয়মটো খেলৰ সময়ত ক্ৰিকেটৰ সঁজুলি, কাপোৰ, গ্ৰাউণ্ড ইকুইপমেণ্ট বা অন্যান্য ফিটিংছৰ অপব্যৱহাৰৰ সৈতে জড়িত। এইটোক লেভেল ১ অপৰাধ বুলি গণ্য কৰা হৈছিল আৰু হাৰ্দিকে মেচ ৰেফাৰীয়ে দিয়া শাস্তি গ্ৰহণ কৰি নিজৰ ভুল স্বীকাৰ কৰিছিল।
আই পি এলত খেলুৱৈৰ অনুশাসন সন্দৰ্ভত কঠোৰতা ধাৰাবাহিকভাৱে বলবৎ হৈ আছে।ইয়াৰ পূৰ্বেও খেলপথাৰত আক্ৰমণাত্মক আচৰণ বা সঁজুলিৰ অপব্যৱহাৰৰ বাবে কেইবাজনো খেলুৱৈক জৰিমনা বিহা হৈছে।হাৰ্দিকৰ ওপৰত আৰোপ কৰা জৰিমনাকো এই একেটা ক্ৰমৰ অংশ হিচাপে চোৱা হৈছে।
লগতে পঢ়ক: আগষ্টত ঐতিহাসিক শুভাৰম্ভ: অসম প্ৰিমিয়াৰ লীগৰ বাবে সাজু অসম ক্ৰিকেট সন্থা
