গুজৰাটৰ গোধৰা কাণ্ডক লৈ নিৰ্মিত ছবি ‘দ্য সবৰমতী ৰিপ’ৰ্ট’ ধাৰাবাহিকভাৱে বাতৰিৰ শিৰোনাম দখল কৰি আছে । প্ৰধানমন্ত্ৰী মোORৰ পৰা অমিত শ্বাহলৈকে ইয়াৰ প্ৰশংসা কৰিছে । এতিয়া বিক্ৰান্ত মেছRৰ ছবিখন ছত্তীশগড়ত কৰমুক্ত কৰা হৈছে । ইয়াৰ পূৰ্বে বিক্ৰান্ত মেছী-ৰাশী খান্না আৰু ৰিদ্ধি ডোগ্ৰা অভিনীত ‘দ্য সবৰমতী ৰিপ’ৰ্ট’ক মধ্যপ্ৰদেশত কৰ ৰেহাই দিয়া হৈছিল ।
ছত্তীশগড়ৰ মুখ্যমন্ত্ৰী বিষ্ণু দেৱ ছাইয়ে ‘দ্য সবৰমতী ৰিপ’ৰ্ট’ ছবিখনক ৰাজ্যত কৰমুক্ত কৰাৰ কথা ঘোষণা কৰিছে । মুখ্যমন্ত্রীগৰাকীয়ে কয় যে ‘সবৰমতী ৰিপ’ৰ্ট’ ছবিখন চাব লাগে, কাৰণ অতীতৰ অধ্যয়নেহে আমাক বৰ্তমান আৰু ভৱিষ্যতৰ বিষয়ে উন্নত পথ প্ৰদৰ্শন কৰিব পাৰে ।
তেওঁ কয়,”চলচ্চিত্ৰখন ইতিহাসৰ ভয়ংকৰ সত্য উন্মোচন কৰাৰ এক আকৰ্ষণীয় প্ৰয়াস যিটো নিহিত স্বাৰ্থৰ দ্বাৰা দমন কৰা হৈছিল । চলচ্চিত্ৰখনে তাৎক্ষণিক প্ৰণালীৰ বাস্তৱতাক উন্মোচন কৰে, যিয়ে মিছা প্ৰচাৰ কৰি সত্যক দমন কৰিবলৈ নিন্দিত প্ৰয়াস কৰে । চলচ্চিত্ৰখনে বেদনাদায়ক ঘটনাটো সংবেদনশীলতাৰে উপস্থাপন কৰিছে ।”
জে পি নাড্ডাইও ছবিখন চাইছিল-
আনহাতে, ভাৰতীয় জনতা পাৰ্টিৰ ৰাষ্ট্ৰীয় সভাপতি জে পি নাড্ডাই মঙলবাৰে দিল্লীৰ ডেইলাইট ডাইমণ্ড চিনেমাত উপস্থিত হৈ ‘দ্য সবৰমতী ৰিপ’ৰ্ট’ ছবিখন উপভোগ কৰে । তেওঁ ছবিখনৰ প্ৰযোজক, পৰিচালক আৰু সকলো অভিনেতাক অভিনন্দন জনায় ।
কেতিয়া মুক্তি পাইছিল চিনেমাখন-
সবৰমতী এক্সপ্ৰেছ ৰে’লত অগ্নিকাণ্ড সংঘটিত হোৱা ঘটনাৰ আধাৰত নিৰ্মিত ‘দ্য সবৰমতী ৰিপ’ৰ্ট’ । এই ঘটনা ২০০২ চনৰ ২৭ ফেব্ৰুৱাৰীত সংঘটিত হৈছিল, য’ত ৫৯ জন লোকৰ মৃত্যু হৈছিল । ১৫ নৱেম্বৰত ছবিগৃহত মুক্তি লাভ কৰিছে এই ছবিখনে ।
