আজি দেশৰ লগতে সমগ্ৰ বিশ্বতে উলহ-মালহেৰে দীপাৱলী উদযাপন কৰা হৈছে । ইয়াৰ মাজতে আজি গুজৰাটৰ কচ্চত সেনা জোৱানৰ সৈতে দীপাৱলী উদযাপন কৰে প্ৰধানমন্ত্ৰী নৰেন্দ্ৰ মোদীয়ে । তেওঁ ভাৰত-পাকিস্তান সীমান্তত নিয়োজিত সীমান্ত সুৰক্ষা বাহিনী (বি এছ এফ)ৰ জোৱানসকলৰ মাজত উপস্থিত হয় । এই সময়ছোৱাত প্ৰধানমন্ত্ৰী মোদীয়ে টহলদাৰী নাৱতো যাত্ৰা কৰে ।
আজি দেশৰ প্ৰথম গৃহমন্ত্ৰী চৰ্দাৰ বল্লভভাই পেটেলৰ জন্ম বাৰ্ষিকী । এই দিৱসটো ‘একতা দিৱস’ হিচাপে পালন কৰা হয় । গুজৰাটৰ ‘ষ্টেচু অৱ ইউনিটি’ত চৰ্দাৰ পেটেললৈ শ্ৰদ্ধাঞ্জলি জ্ঞাপন কৰি প্ৰধানমন্ত্ৰী মোদীয়ে পুষ্পাঞ্জলি অৰ্পণ কৰে । ইয়াত অনুষ্ঠিত ‘ইউনিটি ডে পেৰেড’ত অংশগ্ৰহণ কৰি প্ৰধানমন্ত্ৰীয়ে ঐক্যৰ শপত দিয়ে । ইয়াৰ পিছতে ভাৰত-পাক সীমান্তত নিয়োজিত জোৱানসলৰ মাজত দীপাৱলী উদযাপন কৰিবলৈ কচ্চত উপস্থিত হয় প্ৰধানমন্ত্ৰীগৰাকী ।
