ভাৰত আৰু নিউজীলেণ্ডৰ মাজৰ ৩ খনীয়া মেচৰ টেষ্ট শৃংখলাৰ প্ৰথমখন টেষ্ট আজি বাংগালোৰত অনুষ্ঠিত হৈছে । আজি (১৬ অক্টোবৰ) খেলখনৰ প্ৰথম দিন । বাংগালোৰৰ এম চিন্নাস্বামী ষ্টেডিয়ামত অনুষ্ঠিত হোৱা মেচখন বৰষুণৰ বাবে বাধাগ্ৰস্ত হৈছে । আনকি ধাৰাষাৰ বৰষুণৰ বাবে মেচখনৰ টছো পলম হৈছে ।
বৰ্তমানো পিটছত ঢাকি ৰাখিব লগা হৈছে । প্ৰাক্তন ক্ৰিকেটাৰ চাবা কৰিমে খেল সম্প্ৰচাৰৰ সময়ত উল্লেখ কৰিছিল যে বৰ্তমান ধাৰাসাৰ বৰষুণ হৈ আছে । যদি বৰষুণ এবাৰ বন্ধ হয়, টছ প্ৰায় ৪৫ মিনিট পিছত হ’ব পাৰে ।
উল্লেখ্য যে, নিউজীলেণ্ড দলটোৱে ভাৰতৰ মাটিত কেতিয়াও দ্বিপাক্ষিক টেষ্ট শৃংখলা জিকিব পৰা নাই । এইবাৰ, দুয়োটা দলৰ মাজত ১৩ সংখ্যক টেষ্ট শৃংখলা অনুষ্ঠিত হ’ব । ভাৰতীয় দলটোৰ নেতৃত্ব দিছে অধিনায়ক ৰোহিত শৰ্মাই, আনহাতে কিৱি দলটোক টম লাথামে নেতৃত্ব দিছে ।
ভাৰ-নিউজীলেণ্ডৰ টেষ্ট ইতিহাস-
যেতিয়াই নিউজীলেণ্ড দলে ভাৰত ভ্ৰমণ কৰে আৰু ইয়াত টেষ্ট শৃংখলা খেলে, তেওঁলোকে সদায় কান্দিব লগা হয় । সৰল ভাষাত, নিউজীলেণ্ডৰ দলে কেতিয়াও ভাৰতৰ মাটিত কোনো দ্বিপাক্ষিক টেষ্ট শৃংখলা জিকিবলৈ সক্ষম হোৱা নাই ।
কিৱি দলটোৱে ১৯৫৫ চনত প্ৰথমবাৰৰ বাবে ভাৰত ভ্ৰমণ কৰিছিল, য’ত তেওঁলোকে ৫ খনীয়া মেচৰ টেষ্ট শৃংখলাত ২-0 ব্যৱধানত পৰাজয়ৰ সন্মুখীন হৈছিল । এই শৃংখলাৰ তিনিখন মেচ ড্ৰ’ত সমাপ্ত হৈছিল । পৰৱৰ্তী সময়ত নিউজীলেণ্ডৰ দলটোৱে ১৯৬৫ চনত ভাৰত ভ্ৰমণ কৰিছিল আৰু পুনৰ এবাৰ, তেওঁলোকে শৃংখলা হেৰুৱাব লগা হৈছিল । ভাৰতে ৪ খন মেচৰ টেষ্ট শৃংখলাত তেওঁলোকক ১-0 ত পৰাস্ত কৰিছিল, ৩ খন মেচ ড্ৰ’ত সমাপ্ত হৈছিল ।
ইয়াৰ পিছত, ৪ বছৰৰ পিছত, ১৯৬৯ চনত, কিৱি দলে আকৌ এবাৰ ভাৰত ভ্ৰমণ কৰিছিল আৰু এইবাৰ, ভাৰতৰ মাটিত, তেওঁলোকে তেওঁলোকৰ প্ৰথম টেষ্ট জিকিছিল । এইবাৰ নিউজীলেণ্ডে ৩ খন মেচৰ টেষ্ট শৃংখলা ১-১ ব্যৱধানত ড্ৰ কৰিবলৈ সক্ষম হয় । এইবাৰো এখন খেল ড্ৰ’ হৈ থাকিল ।
মুঠ শৃংখলা : ১২
ভাৰত বিজয়ী : ১০
নিউজীলেণ্ড বিজয়ী : ০০
ড্ৰ’ : ২
ভাৰতত টেষ্ট মেচত নিউজীলেণ্ড দলৰ অভিলেখ :
মুঠ টেষ্ট মেচ : ৩৬, ভাৰত বিজয়ী : ১৭, নিউজীলেণ্ড বিজয়ী: ২, ড্ৰ: ১৭ ।
বিগত শৃংখলাটো নিউজীলেণ্ড পৰাজয়ৰ সন্মুখীন হৈছিল-
ভাৰত আৰু নিউজীলেণ্ডৰ মাজত অন্তিমখন টেষ্ট শৃংখলা ২০২১ চনৰ নৱেম্বৰত অনুষ্ঠিত হৈছিল । এই শৃংখলাটো ভাৰতৰ মাটিত অনুষ্ঠিত হৈছিল, য’ত নিউজীলেণ্ডে ২ খন মেচৰ টেষ্ট শৃংখলা ১-0ত পৰাজিত হৈছিল । সামগ্ৰিক টেষ্ট শৃংখলা আৰু খেলৰ ৰেকৰ্ডলৈ লক্ষ্য কৰিলে, ভাৰতীয় দলটোৱে এতিয়াও প্ৰাধান্য লাভ কৰিছে ।
ভাৰত-নিউজীলেণ্ডৰ সামগ্ৰিক টেষ্ট শৃংখলা ৰেকৰ্ড :
২৩ টা শৃংখলা খেলা, ভাৰতে ১২ খনত জয়লাভ কৰিছে, নিউজীলেণ্ডে ৭ খনত জয় লাভ কৰে, আৰু ৪ খন অমীমাংসিত ভাৱে সমাপ্ত হয় ।
ভাৰত-নিউজীলেণ্ডৰ সামগ্ৰিক টেষ্ট ৰেকৰ্ড-
মুঠ টেষ্ট মেচ : ৬২
ভাৰত বিজয়ী : ২২
নিউজীলেণ্ড বিজয়ী : ১৩
ড্ৰ : ২৭
