বাংগালোৰ টেষ্টৰ প্ৰথম ইনিংছত খাটা নোখোলাকৈ পেভিলিয়নলৈ উভতি যোৱা টীম ইণ্ডিয়াৰ খেলুৱৈসকলে দ্বিতীয় ইনিংছত নিউজিলেণ্ডক সকলো হিচাপ কৰিছে। ভাৰতৰ ত্ৰাণকৰ্তাৰ ৰূপত চৰফৰাজ খান। বিধ্বংসী বেটিঙেৰে নিউজিলেণ্ডৰ বিৰুদ্ধে শতক অৰ্জন চৰফৰাজৰ। ১১০ টা বলত শতক সম্পূৰ্ণ কৰে চৰফৰাজে। টেষ্ট ক্ৰিকেটত এইয়া চৰফৰাজৰ প্ৰথমটো শতক।চৰফৰাজৰ বেটৰ পৰা আহে ১২টা চাৰি আৰু তিনিটা ছয়। চৰফৰাজৰ শতকেৰে বৰ্তমান আশাৰ ৰেঙণি দেখিছে ভাৰতে। দ্বিতীয় ইনিংছৰ চতুৰ্থ দিনত বৰ্তমানলৈ কিছু মজবুত স্থিতিত ভাৰত।যুৱ বেটছমেন চৰফৰাজ খানৰ বেটিঙত আচৰিত হৈছে সকলো।
