নীতিশ কুমাৰ ৰেড্ডীৰ বাবে, বৰ্ডাৰ-গাভাস্কাৰ ট্ৰফী ২০২৪-২৫ সপোনতকৈ কম নাছিল । এই শৃংখলাৰ জৰিয়তে, তেওঁ টেষ্ট অভিষেক কৰিছিল আৰু সকলোকে শক্তিশালী ইনিংছৰে আচৰিত কৰিছিল । মেলবৰ্ণত অনুষ্ঠিত হোৱা শৃংখলাৰ চতুৰ্থখন টেষ্টত তেওঁ আন্তঃৰাষ্ট্ৰীয় কেৰিয়াৰৰ প্ৰথমটো শতক অৰ্জন কৰে । ৰেড্ডীৰ বেটে বলাৰক তীব্ৰভাৱে প্ৰহাৰ কৰিছে, যাৰ বাবে তেওঁ শৃংখলাটোত ছয় আঘাত কৰাৰ ক্ষেত্ৰত শীৰ্ষত আছে । আনকি অষ্ট্ৰেলিয়া ট্ৰেভিছ হেড, যিয়ে এই শৃংখলাত বিস্ফোৰক বেটিং কৰিছে, তেওঁৱো এই ক্ষেত্ৰত নীতিশৰ পিছত আছে ।
মেলবৰ্ণ ক্ৰিকেট খেলপথাৰত আজি শতকীয় ইনিংছ খেলি ইতিহাস সৃষ্টি কৰে নীতিশ কুমাৰ ৰেড্ডীয়ে । টেষ্ট ক্ৰিকেটত অষ্টম স্থানত বা অষ্টম স্থানৰ তলত বেটিং কৰি শতক অৰ্জন কৰা টিম ইণ্ডিয়াৰ পঞ্চমজন বেটছমেন হিচাপে পৰিগণিত হয় তেওঁ । ২১ বছৰীয়া অলৰাউণ্ডাৰগৰাকীৰ পূৰ্বে এই বিশেষ কৃতিত্ব অৰ্জন কৰিছিল ৰবিচন্দ্ৰন অশ্বিন, এম এছ ধোনী, হৰভজন সিং আৰু কপিল দেৱে । অষ্টম স্থান বা তাৰ তলত বেটিং কৰি অশ্বিনে চাৰিটা শতক অৰ্জন কৰাৰ বিপৰীতে ধোনী, হৰভজন আৰু কপিল দেৱে ক্ৰমে দুটাকৈ শতক অৰ্জন কৰিছে ।
আঠ নম্বৰ বা তাতকৈ তলত বেটিং কৰি ভাৰতৰ হৈ সৰ্বাধিক শতক অৰ্জন কৰা খেলুৱৈ-
৪ টা শতক – ৰবিচন্দ্ৰন অশ্বিন
২ টা শতক – এম এছ ধোনী
২ টা শতক – হৰভজন সিং
২ টা শতক – কপিল দেৱ
১৭২ বলত শতক সম্পূৰ্ণ কৰিলে নীতিশ কুমাৰ ৰেড্ডীয়ে-
মেলবৰ্ণ ক্ৰিকেট খেলপথাৰত শক্তিশালী বেটিঙেৰে নীতিশ কুমাৰ ৰেড্ডীয়ে ১৭৬ বলত ৫৯.৬৬ ষ্ট্ৰাইক ৰেটত কেৰিয়াৰৰ প্ৰথমটো শতক সম্পূৰ্ণ কৰে । আজিৰ দিনটোৰ খেল সমাপ্ত হোৱালৈ তেওঁ ১০৫ ৰান সংগ্ৰহ কৰি অপৰাজিত হৈ আছে । এই সময়ছোৱাত তেওঁৰ বেটৰ পৰা ১০টা চাৰি আৰু এটা ছয় দেখা গৈছিল ।
ভাৰতৰ হৈ আঠ বা তাতকৈ নিম্ন ক্ৰমত বেটিং কৰি অষ্ট্ৰেলিয়াত সৰ্বাধিক স্ক’ৰ কৰা ভাৰতীয়-
কেৱল এয়াই নহয়, অষ্ট্রেলিয়াত আঠ বা তাতকৈ নিম্ন ক্ৰমত বেটিং কৰি সৰ্বোচ্চ ইনিংছ খেলা ভাৰতৰ প্ৰথমজন বেটছমেন হিচাপে পৰিগণিত হৈছে নীতিশ কুমাৰ ৰেড্ডী । তেওঁৰ পূৰ্বে এই বিশেষ কৃতিত্ব অনিল কুম্বলেৰ নামত লিপিবদ্ধ আছে । যিয়ে ২০০৮ চনত এডিলেইডত উজ্জ্বল বেটিং কৰিছিল আৰু ৮৭ ৰান সংগ্ৰহ কৰিছিল ।
ভাৰতৰ হৈ আঠ বা তাতকৈ নিম্ন ক্ৰমত বেটিং কৰি সৰ্বাধিক স্ক’ৰ কৰা ভাৰতীয়-
১০৫*- নীতিশ ৰেড্ডী – মেলবৰ্ণ – ২০২৪
৮৭ – অনিল কুম্বলে – এডিলেইড – ২০০৮
৮১ – ৰবীন্দ্ৰ জাডেজা – ছিডনী ২০১৯
৬৭* – কিৰণ মৰে – মেলবৰ্ণ – ১৯৯১
৬৭ – শ্বাৰ্দুল ঠাকুৰ – ব্রিছবেন – ২০২১
মেলবৰ্ণত টিম ইণ্ডিয়াক দিলে জীৱনদান-
মেলবৰ্ণত টেষ্টত নীতিশ কুমাৰ ৰেড্ডীৰ শতক টিম ইণ্ডিয়াৰ বাবে জীৱন ৰক্ষাকাৰীতকৈ কম নাছিল । মেচখনত অষ্ট্ৰেলিয়াই প্ৰথম ইনিংছত ৪৭৪ ৰান সংগ্ৰহ কৰিছিল । ইয়াৰ প্ৰতিক্ৰিয়া স্বৰূপে প্ৰথম ইনিংছত বেটিং কৰি থকাৰ সময়তে দ্বিতীয় দিনৰ শেষলৈকে টিম ইণ্ডিয়াৰ স্কৰ ১৬৪/৫ আছিছিল, তাৰ পিছত দলটো বিপৰ্যয়ৰ সন্মুখীন হয় ।
চতুৰ্থ দিনা ভাৰতীয় দলটোৱে ২২১ ৰানত সপ্তম উইকেট হেৰুৱাইছিল । ইয়াৰ পিছত নীতিশ ৰেড্ডী আৰু ৱাশ্বিংটন সুন্দৰে ৮ম উইকেটৰ বাবে ১২৭ ৰান (২৮৫ বল)ৰ অংশীদাৰিত্ব গঢ়ি তুলিছিল । এই অংশীদাৰিত্বই টিম ইণ্ডিয়াক নতুন জীৱন দিয়ে । নীতিশে শতক অৰ্জন কৰাৰ বিপৰীতে সুন্দৰে অৰ্ধশতক অৰ্জন কৰে ।
