আমেৰিকা যুক্তৰাষ্ট্ৰৰ ৰাষ্ট্ৰপতি নিৰ্বাচনত ৰিপাব্লিকান প্ৰাৰ্থী ড’নাল্ড ট্ৰাম্পে বিপুল বিজয় লাভ কৰিছে । ইয়াৰ লগে লগে ড’নাল্ড ট্ৰাম্প আমেৰিকা যুক্তৰাষ্ট্ৰৰ ৪৭ সংখ্যক ৰাষ্ট্ৰপতি হ’বলৈ গৈ আছে । এই ঐতিহাসিক বিজয়ৰ বাবে দেশে-বিদেশে বহু লোকে বিভিন্ন ধৰণে তেওঁক অভিনন্দন জনাইছে । ইফালে, বলীউড অভিনেত্ৰী তথা ভাৰতীয় জনতা পাৰ্টিৰ সাংসদ কংগনা ৰানাৱটেও ছ’চিয়েল মিডিয়া প্লেটফৰ্ম এক্স (টুইটাৰ)ত ড’নাল্ড ট্ৰাম্পক বিশেষভাৱে অভিনন্দন জনাইছে ।
কংগনাৰ এই পোষ্টটো দ্ৰুতগতিত ভাইৰেল হৈ পৰিছে, যিয়ে সকলোৰে দৃষ্টি আকৰ্ষণ কৰিছে । ড’নাল্ড ট্ৰাম্পক প্ৰশংসা কৰি কংগনাই নিজৰ শৈলীৰে ড’নাল্ড ট্ৰাম্পৰ বিজয়ক লৈ আনন্দ প্ৰকাশ কৰে । কংগনাই নিজৰ এক্স হেণ্ডেলত এখন ফটো শ্বেয়াৰ কৰে, যিখন ফটো দ্ৰুতগতিত ভাইৰেল হৈ পৰিছে । ফটোখনত গেৰুৱা ৰঙৰ কাপোৰ পিন্ধি দেখা গৈছে ড’নাল্ড ট্ৰাম্প আৰু ব্যৱসায়ী তথা উদ্যোগপতি ইলন মাস্কক । এই ছবিখন শ্বেয়াৰ কৰি কংগনাই কেপচনত লিখিছে, ‘টুইটাৰত দেখা আজিৰ শ্ৰেষ্ঠ মিম । অভিনন্দন ড’নাল্ড ট্ৰাম্প ।‘
