বিগত কেইবছৰমানৰ পৰা ক্ৰিকেটত বহু পৰিৱৰ্তন ঘটিছে, যাৰ ফলত বেটছমেনসকল অধিক উপকৃত হৈছে যদিও সময়ৰ লগে লগে বলাৰসকলেও আধুনিক ক্ৰিকেটৰ লগত নিজকে খাপ খুৱাই লৈছে আৰু বেটছমেনক ৰুধিবলৈ বিপদজনক য়ৰ্কাৰৰ আশ্ৰয় লৈছে । আধুনিক ক্ৰিকেটত বলাৰৰ বাবে বলিং য়ৰ্কাৰ হৈছে আটাইতকৈ ডাঙৰ অস্ত্ৰ । এক শতিকাৰ আগৰ দৰেই আজিও মাৰাত্মক এটা বল হ’ল য়ৰ্কাৰ বল । যেতিয়া এজন বলাৰে এটা উৎকৃষ্ট য়ৰ্কাৰক বল কৰে, তেতিয়া বেটছমেনৰ হাতত শ্বট খেলাৰ বহু বিকল্প নাথাকে । এনে পৰিস্থিতিত জানো আহক ক্ৰিকেটৰ জগতখনত ‘য়ৰ্কাৰ কিং’ বুলি কোৱা সেই পাঁচজন বলাৰৰ বিষয়ে-
লাছিথ মালিংগা (শ্ৰীলংকা)-
বিশ্ব ক্ৰিকেটৰ আটাইতকৈ ডাঙৰ য়ৰ্কাৰ কিং আন কোনো নহয়, তেওঁ হৈছে লছিথ মালিংগা । মালিংগাই নিজৰ বলিঙৰ জৰিয়তে য়ৰ্কাৰক অতি ফলপ্ৰসূ কৰি তুলিছিল । এই কাৰণেই মালিংগাক ক্ৰিকেট জগতৰ প্ৰকৃত য়ৰ্কাৰ কিং বুলি কোৱা হয় । শ্ৰীলংকাৰ প্ৰাক্তন বলাৰগৰাকীয়ে এতিয়ালৈকে হোৱাইট বলৰ অন্যতম শ্ৰেষ্ঠ বলাৰ হিচাপে পৰিগণিত হৈছে । সৰ্বশ্ৰেষ্ঠ উপায়েৰে য়ৰ্কাৰ কৰাৰ তেওঁৰ সামৰ্থ্যই তেওঁক এজন বিপদজনক বলাৰ কৰি তুলিছিল, মালিংগাই পাঁচটা আন্তৰ্জাতিক হেট্ৰিক উইকেট লোৱাৰো বিশ্ব অভিলেখ গঢ়িছিল ।
যশপ্ৰীত বুমৰাহ (ভাৰত)-
বুমৰাহ বৰ্তমান বিশ্ব ক্ৰিকেটৰ আটাইতকৈ ডাঙৰ য়ৰ্কাৰ কিং । বুমৰাহ এজন বলাৰ যাৰ একেৰাহে ৬ টা বল য়ৰ্কাৰ বল কৰাৰ ক্ষমতা আছে । তেওঁৰ সামৰ্থ্যই তেওঁক বিশ্ব ক্ৰিকেটৰ আটাইতকৈ বিপদজনক বলাৰ কৰি তুলিছে । বুমৰাহৰ আটাইতকৈ ডাঙৰ বৈশিষ্ট্যটো হ’ল যে তেওঁ তেওঁৰ বলিংৰ সময়ত বহুতো বৈচিত্ৰ্য ৰাখে । তেওঁৰ বলিংৰ আটাইতকৈ ডাঙৰ বৈশিষ্ট্যটো হ’ল বলিং কৰোঁতে বৈচিত্ৰতা অনা, এজন বেটছমেন হিচাপে, বুমৰাহৰ য়ৰ্কাৰৰ সন্মুখীন হোৱাটো এটা প্ৰত্যাহ্বানতকৈ কম নহয় ।
মিচেল ষ্টাৰ্ক (অষ্ট্ৰেলিয়া)-
মিচেল ষ্টাৰ্ক আধুনিক ক্ৰিকেটৰ অন্যতম শ্ৰেষ্ঠ বলাৰ । নতুন বলৰ সৈতে, তেওঁ চুইঙৰ ওপৰত যথেষ্ট নিৰ্ভৰ কৰে, কিন্তু যেতিয়া বলটো পুৰণি হয়, তেওঁ মাৰাত্মক য়ৰ্কাৰৰ দ্বাৰা বেটছমেনসকলক ধূলি দিবলৈ সক্ষম হয় । তেওঁৰ আটাইতকৈ ডাঙৰ শক্তি হ’ল বাওঁহাতৰ কোণেৰে বেটছমেনক ইয়ৰ্কাৰ ডেলিভাৰী কৰা । ষ্টাৰ্কে এতিয়ালৈকে আন্তঃৰাষ্ট্ৰীয় ক্ৰিকেটত ৬৭৮ টা উইকেট দখল কৰিছে ।
ছোৱেইব আখটাৰ (পাকিস্তান)-
পাকিস্তানৰ ছোৱেইব আখটাৰক বিশ্বৰ আটাইতকৈ বিপদজনক বলাৰ বুলি গণ্য কৰা হয় । “ৰাৱালপিণ্ডি এক্সপ্ৰেছ” নামেৰে জনাজাত ছোৱেব আখটাৰে তেওঁৰ দ্ৰুত বলিংৰ সময়ত যেতিয়াই য়ৰ্কাৰ বলিং কৰিছিল তেতিয়াই বেটছমেনসকলক ব্যতিব্যস্ত কৰি তুলিছিল । যেতিয়া ৯৮-১০০ মাইল প্ৰতি ঘণ্টা বেগত য়ৰ্কাৰ কৰা হৈছিল, সেই বলটো বেটছমেনৰ বাবে প্ৰত্যাহ্বান হৈ পৰিছিল । আজিকালি বেটছমেনসকলে য়ৰ্কাৰ পৰিহাৰ কৰিবলৈ কিছুমান শ্বট আৱিষ্কাৰ কৰিছে, কিন্তু আগৰ প্ৰজন্মত, এইটো এটা উইকেট বল আছিল আৰু আখটাৰে ইয়াক ভালদৰে ব্যৱহাৰ কৰিছিল । তেওঁ ৪৪৪ টা আন্তঃৰাষ্ট্ৰীয় উইকেট লৈছিল আৰু তাৰে ১৫০ টা বল্ড কৰিছিল । যিয়ে বৰ্ণনা কৰে যে তেওঁৰ য়ৰ্কাৰৰ মুখামুখি হোৱাটো কিমান কঠিন আছিল ।
ৱাকাৰ ইউনুছ (পাকিস্তান)-
পাকিস্তানৰ ৱাকাৰ ইউনুছকো য়ৰ্কাৰ কিং বুলি ক’ব পাৰি । ইউনুছ তেওঁৰ চুইং আৰু মাৰাত্মক য়ৰ্কাৰৰ বাবে জনাজাত আছিল, আৰু তেওঁ তেওঁৰ সময়ৰ আটাইতকৈ বিপদজনক বলাৰসকলৰ মাজৰ এজন আছিল । তেওঁ এনে এজন বলাৰ আছিল যিয়ে ষ্টাম্প ওফৰাই দিয়াৰ বাবে জনাজাত আছিল । তেওঁ ৭৮৬ টা আন্তৰ্জাতিক উইকেট দখল কৰিছিল আৰু সেই উইকেটবোৰৰ ২০ শতাংশ সঠিক বলিং আৰু চুইং য়ৰ্কাৰৰ দ্বাৰা অৰ্জন কৰিছিল । তেওঁৰ ৰান-আপ অতি আকৰ্ষণীয় আছিল আৰু তেওঁ বলটো দুয়োফালে চুইং কৰাত পাৰদৰ্শী আছিল, যাৰ বাবে তেওঁ বিপদজনক য়ৰ্কাৰ বল কৰাত সফল হৈছিল আৰু বেটছমেনসকলকো অসুবিধাত পেলাইছিল ।
