লৰ্ডছত প্ৰকৃত পৰীক্ষাত অৱতীৰ্ণ হ’ব ভাৰত

ভাৰত আৰু ইংলেণ্ডৰ মাজত অনুষ্ঠিত হ’বলগীয়া এণ্ডাৰছন-টেণ্ডুলকাৰ ট্ৰফী শৃংখলাৰ তৃতীয়খন টেষ্ট লৰ্ডছত অনুষ্ঠিত হ’ব । ভাৰতে এই খেলপথাৰত এতিয়ালৈকে ১৯খন খেল খেলিছে যদিও ইয়াত দলটোৰ অভিলেখ উন্নত নহয় । অৱশ্যে টিম ইণ্ডিয়াৰ বাবে ভাল কথাটো হ’ল শুভমন গীলৰ নেতৃত্বত ভাৰতে এডবাষ্টনত ইংলেণ্ডক ৩৩৬ ৰানত পৰাস্ত কৰে । এডবাষ্টন এনে এখন খেলপথাৰ য’ত ভাৰতে পূৰ্বে কেতিয়াও জয়ী হোৱা নাছিল । এই জয়ে শুভমন ব্ৰিগেডৰ মনোবল বৃদ্ধি কৰিছে আৰু ইংলেণ্ডক পৰাস্ত কৰি লৰ্ডছত নিজৰ অভিলেখ উন্নত কৰাৰ বাবে টিম ইণ্ডিয়াই চকু ৰাখিব ।

লৰ্ডছৰ অভিলেখ-

১৯৩২ চনৰ পৰা লৰ্ডছত ১৯খন খেল খেলিছে ভাৰতে । এই সময়ছোৱাত ৩খন খেলত জয়ী হোৱাৰ বিপৰীতে দলটোৱে ১২খন খেলত পৰাস্ত হৈছে । আনহাতে ৪খন মেচ ড্ৰ’ হৈছে । ভাৰতৰ জয়-পৰাজয়ৰ অভিলেখ ০.২৫ । ১৯৩২ চনত ভাৰতে প্ৰথমে ইয়াত এখন মেচ খেলিছিল, য’ত ১৫৮ ৰানত পৰাজয়ৰ সন্মুখীন হ’বলগীয়া হৈছিল । এই খেলপথাৰত ভাৰতে প্ৰথমটো জয় লাভ কৰিছিল ১৯৮৬ চনত, চেতন শৰ্মা, কপিল দেৱৰ শক্তিশালী বলিং আৰু প্ৰথম ইনিংছত দিলীপ ভেংচৰকাৰৰ শতকৰ সহায়ত ভাৰতে জয়লাভ কৰিছিল ।

বুমৰাহৰ প্ৰত্যাৱৰ্তন-

এডবাষ্টন টেষ্টত জয়লাভ কৰাৰ পিছত অধিনায়ক শভমন গীলে স্পষ্টভাৱে কয় যে বুমৰাহক লৰ্ডছত খেলা দেখা যাব । যদি বুমৰাহ মূল একাদশলৈ প্ৰত্যাৱৰ্তন কৰে  তেন্তে প্ৰশ্ন হয় কোন বাহিৰ হ’ব । ছিৰিজৰ দুয়োখন মেচতে প্ৰসিদ্ধ কৃষ্ণই ৬তকৈ অধিক ইকনমিৰে ৰান দিয়াৰ বিপৰীতে বুমৰাহক জিৰণি দিয়াৰ বাবে দলত অন্তৰ্ভুক্ত হোৱা আকাশ দীপে দ্বিতীয়খন মেচত ১০টা উইকেট দখল কৰি ইতিহাসৰ সৃষ্টি কৰিছে । এনে পৰিস্থিতিত মূল একাদশৰ পৰা কাক বাদ দিয়া হয় সেয়া আকৰ্ষণীয় হ’ব ।

লগতে পঢ়ক : জয়ৰ পিছত কিয় খং উঠিল শুভমান গিলৰ? খেলপথাৰক লৈ অসন্তুষ্টি প্ৰকাশ

আই চি চি টেষ্ট ৰেংকিঙত শীৰ্ষ ৫ গৰাকী বলাৰ কোন ?

আই চি চিয়ে প্ৰকাশ কৰিছে টেষ্ট বলাৰৰ শেহতীয়া ৰেংকিং । এই তালিকাত প্ৰথম স্থানত আছে ভাৰতীয় বেগী বলাৰ যশপ্ৰীত বুমৰাহ । আই চি চি টেষ্ট বলাৰৰ শীৰ্ষ ৫ ৰেংকিঙত বুমৰাহ একমাত্ৰ ভাৰতীয় বলাৰ । শীৰ্ষ ৫ৰ তালিকাত আছে অষ্ট্ৰেলিয়াৰ দুজন বলাৰ । একে সময়তে দক্ষিণ আফ্ৰিকা আৰু পাকিস্তান দলৰ এজন বলাৰ এই তালিকাত আছে । এইবাৰ ৰেংকিঙত এটা পৰিৱৰ্তনহে দেখা গৈছে ।

আই চি চি টেষ্ট ৰেংকিং শীৰ্ষ-৫ বলাৰ

যশপ্ৰীত বুমৰাহঃ ভাৰতীয় বলাৰ যশপ্ৰীত বুমৰাহ বিশ্বৰ অন্যতম শ্ৰেষ্ঠ বলাৰ । বৰ্তমান বুমৰাহ ৯০৭ ৰেটিংৰে প্ৰথম স্থানত আছে । শেহতীয়াকৈ ২০২৪-২৫ বৰ্ডাৰ-গাভাস্কাৰ ট্ৰফীত অষ্ট্ৰেলিয়াৰ বিৰুদ্ধে ৫খন মেচত ৩২টা উইকেট দখল কৰিছিল বুমৰাহে । ইয়াৰ পিছত ইংলেণ্ডৰ বিৰুদ্ধে ছিৰিজত প্ৰথমখন টেষ্টত পাঁচ উইকেট দখল কৰে তেওঁ ।

কাগিছ’ ৰাবাডাঃ দক্ষিণ আফ্ৰিকাৰ ফাষ্ট বলাৰ ৰাবাডা এই তালিকাত ৮৫৯ ৰেটিং পইণ্টেৰে দ্বিতীয় স্থানত আছে । শেহতীয়াকৈ অষ্ট্ৰেলিয়াৰ বিৰুদ্ধে ২০২৫ চনৰ বিশ্ব টেষ্ট চেম্পিয়নশ্বিপৰ ফাইনেলত ৰাবাডাই শক্তিশালী বলিং প্ৰদৰ্শন আগবঢ়াইছিল । যাৰ বাবে দক্ষিণ আফ্ৰিকাই এই খিতাপ দখল কৰে । ফাইনেলত ৰাবাডাই ৯টা উইকেট দখল কৰে ।

পেট কামিন্সঃ অষ্ট্ৰেলিয়াৰ অধিনায়ক পেট কামিন্স ৮৪৬ ৰেটিং পইণ্টেৰে ৰেংকিঙৰ তৃতীয় স্থানত আছে । ভাৰতৰ বিৰুদ্ধে বৰ্ডাৰ গাভাস্কাৰ ট্ৰফীত কামিন্সে ২৫টা উইকেট দখল কৰিছিল । বিশ্ব টেষ্ট চেম্পিয়নশ্বিপৰ ফাইনেলতো তেওঁ ভাল বলিং প্ৰদৰ্শন আগবঢ়াইছিল । ফাইনেলত তেওঁ ৭টা উইকেট দখল কৰে ।

জোছ হেজলউডঃ অষ্ট্ৰেলিয়াৰ বেগী বলাৰ হেজলউডে ৱেষ্ট ইণ্ডিজৰ বিৰুদ্ধে চলি থকা টেষ্ট শৃংখলাত ভাল বলিং কৰিছে । প্ৰথমখন মেচত ৫ উইকেটৰ হল লয় তেওঁ । প্ৰথমখন মেচত তেওঁ মুঠ ৭টা উইকেট দখল কৰিছিল, যাৰ বাবে তেওঁ এটা স্থান আগুৱাইছে । এতিয়া তেওঁ ৮১৭ ৰেটিং পইণ্টেৰে চতুৰ্থ স্থানত উপনীত হৈছে ।

নোমান আলীঃ পাকিস্তানী বলাৰ নোমান আলী শীৰ্ষ ৫ তালিকাৰ একমাত্ৰ স্পীন বলাৰ । ৮০৬ ৰেটিং পইণ্টেৰে পঞ্চম স্থানত আছে নোমান । তেওঁ এটা স্থান অৱনমিত হৈছে ।

লগতে পঢ়ক : সীমিত অভাৰৰ শৃংখলাৰ বাবে টীম ইণ্ডিয়াই নকৰে বাংলাদেশ ভ্ৰমণ; চৰকাৰে দিছে নিৰ্দেশ!

যশপ্ৰীত বুমৰাহৰ উপস্থিতি সন্দৰ্ভত ডাঙৰ বক্তব্য কৰিলে অধিনায়ক গীলে

২ জুলাইৰ পৰা ভাৰত আৰু ইংলেণ্ডৰ মাজত দ্বিতীয়খন টেষ্ট মেচ আৰম্ভ হ’ব । বৰ্তমান ছিৰিজত ০-১ ব্যৱধানত পিছ পৰি আছে টিম ইণ্ডিয়া আৰু পৰৱৰ্তী মেচত জয়লাভ কৰিলেহে ছিৰিজত ১-১ ব্যৱধানত সমতা স্থাপন কৰিব পাৰিব গীল বাহিনীয়ে । পাঁচখনীয়া মেচৰ শৃংখলাৰ প্রথমখন টেষ্টত ৫ উইকেটত পৰাস্ত হোৱাৰ পাছত টিম ইণ্ডিয়াৰ বাবে এই মেচখন অতি গুৰুত্বপূর্ণ ৷ দ্বিতীয় টেষ্টত এডগবাষ্টনত দুয়োটা দল মুখামুখি হ’ব ।

দ্বিতীয় টেষ্টত বুমৰাহৰ উপস্থিতিৰ বিষয়ে ক’লে শুভমন গীলে-

“যশপ্ৰীত বুমৰাহ উপলব্ধ । আমি সঠিক দিশ বিচাৰি উলিয়াবলৈ চেষ্টা কৰিছো যিয়ে ২০টা উইকেট ল’ব পাৰে আৰু লগতে ৰান কৰিব পাৰে । আজি আমি শেষবাৰৰ বাবে উইকেট চোৱাৰ পিছত চূড়ান্ত সিদ্ধান্ত লম ।”

যশপ্ৰীত বুমৰাহে মাত্ৰ তিনিখন মেচ খেলাৰ বিষয়ে ক’লে গীলে-

“এয়া কঠিন কিন্তু আমি ভাৰতৰ পৰা শ্ৰেষ্ঠ খেলুৱৈ বাছনি কৰিছো । ই অসম্ভৱ কাম নহয়, আন বলাৰ ভাল, আমাৰ ভাল পুল আছে”।

মেচখনৰ প্ৰাকক্ষণত শুভমন গীলে কয়, “সাধাৰণতে ইংলেণ্ডত দুজন স্পীনাৰ খেলা দেখা পোৱা নাযায় । কিন্তু বতৰ তেনেকুৱা হোৱা নাই, কিছু বৰষুণ হৈছে আৰু ৰ’দো ভালদৰে জিলিকি আছে । আনকি যোৱা মেচখনতো আমি অনুভৱ কৰিছিলো যে যদি আমাৰ আৰু এজন অতিৰিক্ত স্পীনাৰ থাকিলহেঁতেন তেন্তে মেচখন ভাল হ’ব পাৰিলেহেঁতেন । উইকেটত কিছুমান পেচ আছিল, যাৰ সুবিধা আমি ল’ব পাৰিলোহেঁতেন ।”

দ্বিতীয় স্পীনাৰৰ বিষয়ে কয় শুভমন গীলে-

“যদি বেগী বলাৰসকলে ইমানবোৰ সুযোগ সৃষ্টি কৰিব নোৱাৰে, তেন্তে তেওঁলোকে অনুভৱ কৰে যে দ্বিতীয়জন স্পীনাৰে, এই উইকেটবোৰত, যদিও তেওঁ সুযোগ সৃষ্টি নকৰিলেও, আপোনাক ৰান কৰিবলৈ নিদিয়ে, যেতিয়ালৈকে দ্বিতীয়টো নতুন বল নাহে, য’ত সুযোগ বেছি হ’ব । গতিকে শেষৰখন মেচখন চোৱাৰ পিছত মই অনুভৱ কৰিলোঁ যে যদি উইকেটটো শেষৰ মেচখনৰ দৰেই হ’ব, তেন্তে দ্বিতীয়জন স্পীনাৰজন বেয়া বিকল্প নহ’ব ।”

লগতে পঢ়ক : এছিয়া কাপ ২০২৫ৰ নতুন তাৰিখ প্ৰকাশ ! এই স্থানত হ’ব পাৰে ভাৰত-পাকিস্তানৰ মেচ