চেম্পিয়নছ ট্ৰফী ২০২৫ৰ বাবে ভাৰতৰ চূড়ান্ত দলটো ঘোষণা কৰা হৈছে । ভাৰতীয় ক্ৰিকেট নিয়ন্ত্ৰণ ব’ৰ্ডে যশপ্ৰীত বুমৰাহৰ ফিটনেছ ৰিপ’ৰ্টলৈ অপেক্ষা কৰি আছিল যদিও তেওঁ সময়মতে ফিট হ’ব নোৱাৰিলে । ইংলেণ্ডৰ বিৰুদ্ধে এদিনীয়া শৃংখলাত খেলা একেখিনি খেলুৱৈৰ অধিকাংশই চেম্পিয়নছ ট্ৰফীৰ দলত অন্তৰ্ভুক্ত কৰা হৈছে । জানেনে টিম ইণ্ডিয়াত বেটিঙৰ পৰা বলিঙলৈ, কিমানজন স্পীন আৰু ফাষ্ট বলাৰক স্থান দিয়া হৈছে ?

চেম্পিয়নছ ট্ৰফীৰ বাবে ১৫ সদস্যৰ ভাৰতীয় দল চূড়ান্ত-

ভাৰতীয় দলটোৰ অধিনায়ক হ’ব ৰোহিত শৰ্মা, আনহাতে শেহতীয়াকৈ শুভমন গীলক এদিনীয়া দলৰ সহ-অধিনায়ক হিচাপে ঘোষণা কৰা হৈছে । ৰোহিত আৰু গীলক অপেনিঙত দেখা পোৱাৰ সম্ভাৱনা আছে যদিও শেহতীয়াকৈ এদিনীয়াত অভিষেক ঘটোৱা যশস্বী জয়ছোৱালে দলত স্থান লাভ কৰা নাই ৷ তেওঁলোকৰ উপৰিও বেটিঙৰ দায়িত্ব বিৰাট কোহলী, শ্ৰেয়াছ আয়েৰ, কে এল ৰাহুল, ঋষভ পন্টৰ কান্ধত থাকিব । উল্লেখ্য যে ঋষভ পন্টক বেক আপ উইকেটকীপাৰ হিচাপে দেখা গৈছে, এনে পৰিস্থিতিত কে এল ৰাহুল চেম্পিয়নছ ট্ৰফীৰ বাবে উইকেটকীপিঙৰ বাবে প্ৰথম পছন্দ হৈ থাকিব পাৰে ।

বেটিং লাইন আপ-

ৰোহিত শৰ্মা, শুভমন গীল, বিৰাট কোহলী, শ্ৰেয়াছ আয়েৰ, কে এল ৰাহুল(উইকেটকীপাৰ), ঋষভ পন্ট(উইকেটকীপাৰ)

ভাৰতীয় দলত অলৰাউণ্ডাৰ খেলুৱৈক যথেষ্ট গুৰুত্ব দিয়া হৈছে । ১৫ জনীয়া দলটোত এজন বা দুজন নহয় চাৰিজন অল ৰাউণ্ডাৰ খেলুৱৈক অন্তৰ্ভুক্ত কৰা হৈছে । বেটিঙৰ লগতে ফাষ্ট বলিঙৰ ক্ষেত্ৰত হাৰ্দিক পাণ্ডিয়াই অৰিহণা যোগাব, আনহাতে অক্ষৰ পেটেল, ৰবীন্দ্ৰ জাডেজা আৰু ৱাশ্বিংটন সুন্দৰে স্পীন বলিঙৰ লগতে বেটিঙৰ ক্ষেত্ৰতো অৱদান যোগাব ।

যদি ভাৰতৰ বলিং আক্ৰমণ বিভাগলৈ চোৱা যায় তেন্তে বি চি চি আইয়ে দলত মাত্ৰ ৩ জন মূল বেগী বলাৰক স্থান দিছে । চেম্পিয়নছ ট্ৰফীত ভাৰতৰ আটাইতকৈ অভিজ্ঞ বেগী বলাৰ হ’ব মহম্মদ ছামী, তেওঁক সহায় কৰিব অৰ্শদীপ সিং আৰু হৰ্ষিত ৰাণাই । একে সময়তে কুলদীপ যাদৱ আৰু বৰুণ চক্ৰৱৰ্তীয়েও স্পীন বলিংত অৰিহণা যোগাব ।

বহু বলিং বিকল্প :

মহম্মদ ছামী, অৰ্শদীপ সিং, হৰ্ষিত ৰানা, ৰবীন্দ্ৰ জাডেজা, অক্ষৰ পেটেল, ৱাশ্বিংটন সুন্দৰ, বৰুণ চক্ৰৱৰ্তী, হাৰ্দিক পাণ্ডিয়া, কুলদীপ যাদৱ ।

চেম্পিয়নছ ট্ৰফীৰ বাবে ভাৰতৰ দল-

ৰোহিত শৰ্মা (অধিনায়ক), শুভমন গীল (সহ অধিনায়ক), বিৰাট কোহলী, শ্ৰেয়াছ আয়েৰ, কে এল ৰাহুল, ঋষভ পন্ট, হাৰ্দিক পাণ্ডিয়া, অক্ষৰ পেটেল, ৰবীন্দ্ৰ জাডেজা, ৱাশ্বিংটন সুন্দৰ, কুলদীপ যাদৱ, হৰ্ষিত ৰানা, মহম্মদ ছামী, অৰ্শদীপ সিং আৰু বৰুণ চক্ৰৱৰ্তী ।

২০২৪ বৰ্ষৰ শ্ৰেষ্ঠ ক্ৰিকেটাৰ হিচাপে পৰিগণিত হৈছে ভাৰতৰ যশপ্ৰীত বুমৰাহ । মঙলবাৰে এই কথা ঘোষণা কৰে আই চি চিয়ে । ইয়াৰ পূৰ্বে সোমবাৰে তেওঁক ২০২৪ চনৰ শ্ৰেষ্ঠ টেষ্ট ক্ৰিকেটাৰ হিচাপে নিৰ্বাচিত কৰা হৈছিল । এতিয়া তেওঁ শ্ৰেষ্ঠ পুৰুষ ক্ৰিকেটাৰ হৈ এক বিশেষ কৃতিত্ব অৰ্জন কৰিছে । ভাৰতৰ পৰা এই সন্মান লাভ কৰা তেওঁ পঞ্চমজন খেলুৱৈ । ইয়াৰ পূৰ্বে ২০০৪ চনত ৰাহুল দ্ৰাবিড়, ২০১০ চনত শচীন টেণ্ডুলকাৰ, ২০১৬ চনত ৰবিচন্দ্ৰন অশ্বিন আৰু ২০১৭ আৰু ২০১৮ চনত বিৰাট কোহলীয়ে এই বঁটা লাভ কৰিছিল ।

আই চি চি টেষ্ট ৰেংকিঙৰ শীৰ্ষত বুমৰাহ-

বৰ্তমান আই চি চি টেষ্ট ৰেংকিঙত বুমৰাহ বিশ্বৰ শীৰ্ষ স্থানত থকা বলাৰ হিচাপে পৰিগণিত হৈছে । ইয়াৰ উপৰিও তেওঁ ২০০টা টেষ্ট উইকেট দখল কৰা ভাৰতীয় বেগী বলাৰ । ২০টাতকৈয়ো কম গড়ে এই উইকেট দখল কৰাৰ লগতে টেষ্ট ক্ৰিকেটৰ ইতিহাসত তেওঁৰ তুলনাত কম বলিং গড় কাৰো নাই । টেষ্ট ৰেংকিঙত শীৰ্ষ স্থান দখল কৰাৰ উপৰিও বুমৰাহে ৯০০ ৰেটিং পইণ্টৰ সীমাও স্পৰ্শ কৰে, যিটো ভাৰতীয় যিকোনো বলাৰৰ ভিতৰত সৰ্বশ্ৰেষ্ঠ ।

ভাৰতৰ খিতাপ জয়ত গুৰুত্বপূৰ্ণ ভূমিকা পালন কৰিছিল-

২০২৪ চনত বুমৰাহে ভাৰতক টি-২০ বিশ্বকাপ জয় কৰাত সহায় কৰাৰ ক্ষেত্ৰত গুৰুত্বপূৰ্ণ ভূমিকা পালন কৰিছিল । প্ৰতিযোগিতাখনত তেওঁ ১৫টা উইকেট দখল কৰে । এই সময়ছোৱাত তেওঁৰ বলিং গড় আছিল ৮.২৬ আৰু ইকনমিৰ গড় আছিল ৪.১৭ । তেওঁ প্ৰতিযোগিতাখনৰ শ্ৰেষ্ঠ খেলুৱৈ আছিল । ইয়াৰ উপৰিও তেওঁ টেষ্টতো উৎকৃষ্ট আছিল । যোৱা বছৰ তেওঁ ১৩খন টেষ্টত সৰ্বাধিক উইকেট দখল কৰিছিল, ১৩খন টেষ্টত ৭১টা উইকেট দখল কৰিছিল । কেলেণ্ডাৰ বৰ্ষত টেষ্টত সৰ্বাধিক উইকেট দখল কৰাৰ ক্ষেত্ৰত তেওঁতকৈ কেৱল কপিল দেৱহে আগবাঢ়ি আছে ।

আই চি চিৰ বছৰৰ শ্ৰেষ্ঠ ক্ৰিকেটাৰ (ছাৰ গাৰ্ফিল্ড ছ’বাৰ্ছ ট্ৰফী)

২০০৪ চনত ৰাহুল দ্ৰাবিড়, ভাৰত

২০০৫ চনত জেক কালিছ / এণ্ড্ৰু ফ্লিণ্টফ (যৌথ) দক্ষিণ আফ্ৰিকা / ইংলেণ্ড

২০০৬ চনত ৰিকি পণ্টিং, অষ্ট্ৰেলিয়া

২০০৭ – –

২০০৮ চনত শিৱনাৰিন চন্দ্ৰপল, ৱেষ্ট ইণ্ডিজ

২০০৯ চনত মিচেল জনছন, অষ্ট্ৰেলিয়া

২০১০ চনত শচীন তেণ্ডুলকাৰ, ভাৰত

২০১১ চনত জনাথন ট্ৰট, ইংলেণ্ড

২০১২ চনত কুমাৰ ছাংগাকাৰা, শ্ৰীলংকা

২০১৩ চনত মাইকেল ক্লাৰ্ক, অষ্ট্ৰেলিয়া

২০১৪ চনত মিচেল জনছন, অষ্ট্ৰেলিয়া

২০১৫ চনত ষ্টিভ স্মিথ, অষ্ট্ৰেলিয়া

২০১৬ চনত ৰবিচন্দ্ৰন অশ্বিন, ভাৰত

২০১৭ চনত বিৰাট কোহলী, ভাৰত

২০১৮ – –

২০১৯ চনত বেন ষ্টোকছ, ইংলেণ্ড

২০২১ চনত শ্বহীন শ্বাহ আফ্ৰিদি, পাকিস্তান

২০২২ চনত বাবৰ আজম, পাকিস্তান

২০২৩ চনত পেট কামিন্স, অষ্ট্ৰেলিয়া

২০২৪ চনত যশপ্ৰীত বুমৰাহ, ভাৰত