অষ্ট্ৰেলিয়াৰ বিপক্ষে চলিত গাব্বা টেষ্টত যশপ্ৰীত বুমৰাহে তেওঁৰ বলিংৰ দ্বাৰা উজলি উঠিছে। তেওঁ ব্ৰিছবেন টেষ্ট মেচৰ প্ৰথম ইনিংছত অষ্ট্ৰেলিয়াৰ ৬ টা উইকেট দখল কৰিছিল।

এই প্ৰদৰ্শনৰ বাবে বুমৰাহে যথেষ্ট প্ৰশংসা লাভ কৰিছে। ইংলেণ্ডৰ মহিলা দলৰ প্ৰাক্তন অধিনায়ক ঈশা গুহাইও বুমৰাহৰ বলিংক প্ৰশংসা কৰিছিল, কিন্তু এই সময়ছোৱাত তেওঁৰ মুখৰ পৰা কিছুমান শব্দ ওলাই আহিছিল যাৰ বাবে তেওঁ ক্ষমা বিচাৰিব লগা হৈছে।

দেওবাৰে টেষ্টৰ দ্বিতীয় দিনা বুমৰাহে অষ্ট্ৰেলিয়াৰ দুয়োজন অপেনাৰক আউট কৰাৰ পিছত ভাৰতীয় বলাৰৰ ব্ৰেট লীৰ প্ৰশংসাৰ প্ৰতিক্ৰিয়া স্বৰূপে ঈশা গুহাৰে এক মন্তব্য কৰিছিল।

নিজ মন্তব্যত ইছা গুহাই বুমৰাহৰ বাবে প্ৰাইমেট শব্দ ব্যৱহাৰ কৰিছিল। এই শব্দৰ এক অৰ্থ হৈছে বান্দৰ। ইছা গুহাৰ এই মন্তব্যৰ পিছত ব্যাপক বিতৰ্কৰ সৃষ্টি হৈছিল।

এই বিষয়ত ভাৰতীয় অনুৰাগীসকল ক্ষোভিত হৈ পৰে আৰু সামাজিক মাধ্যম যোগে তীব্ৰ প্ৰতিক্ৰিয়া প্ৰকাশ কৰে।

এই বিতৰ্কৰ পিছত এতিয়া বুমৰাহৰ ওচৰত ক্ষমা বিচাৰিছে ইছা গুহাই। গাব্বাত আজি তৃতীয় দিনৰ খেল আৰম্ভ হোৱাৰ লগে লগে কমেণ্ট বক্সত ধাৰাভাষ্যকাৰ হিচাপে যোগদান কৰি ইছা গুহাই দেওবাৰৰ মন্তব্যৰ বাবে ক্ষমা খোজে।

তেওঁ কয়, “দেওবাৰে ধাৰাবিৱৰণী কৰি থকাৰ সময়ত মই এনে এটা শব্দ ব্যৱহাৰ কৰিলো, যাৰ বহু অৰ্থ আছে। যদি মই কিবা ভুল ক’লো বা কাৰোবাক আঘাত দিলো, তাৰ বাবে প্ৰথমে ক্ষমা বিচাৰিছো। ইয়াৰ বাবে মই অত্যন্ত দুঃখিত।”

তেওঁ লগতে কৈছিল যে “তেওঁৰ মন্তব্যত কোনো বিদ্বেষ নাছিল। মই এজন অধিবক্তা আৰু এনে এজন ব্যক্তি যিয়ে মোৰ কেৰিয়াৰ ক্ৰীড়াত অন্তৰ্ভুক্তি আৰু বুজাবুজিৰ বিষয়ে চিন্তা কৰি অতিবাহিত কৰিছে”।

“মই তেওঁৰ কৃতিত্বৰ বিশালতা ধৰিবলৈ চেষ্টা কৰি আছিলো আৰু মই ভুল শব্দটো বাছনি কৰিছিলো। মই ইয়াৰ বাবে অত্যন্ত দুঃখিত”।

“মই দক্ষিণ এছিয়া মূলৰ গতিকে মই আশা কৰোঁ যে মানুহে বুজি পাব যে ইয়াত আন কোনো উদ্দেশ্য বা বিদ্বেষ জড়িত নাছিল। আকৌ এবাৰ কৈছো মই সঁচাকৈয়ে দুঃখিত”।

ভাৰত আৰু অষ্ট্ৰেলিয়াৰ মাজত অনুষ্ঠিত হৈ থকা ৫ খনীয়া টেষ্ট শৃংখলাৰ দ্বিতীয়খন মেচ এডিলেইডত অনুষ্ঠিত হ’ব । পাৰ্থত অনুষ্ঠিত প্ৰথমখন টেষ্টত জয়লাভ কৰি শৃংখলাত ১-০ ব্যৱধানত আগবাঢ়ি আছে টিম ইণ্ডিয়া । এতিয়া দ্বিতীয়খন টেষ্টতো জয়ী হৈ অষ্ট্ৰেলিয়াক হেঁচাত পেলোৱাৰ দৃষ্টি ৰাখিছে ভাৰতে । ভাৰতৰ হৈ প্ৰথমখন টেষ্টত যশপ্ৰীত বুমৰাহে স্মৰণীয় প্ৰদৰ্শন আগবঢ়াইছিল । তেওঁক মেচখনৰ শ্ৰেষ্ঠ খেলুৱৈ হিচাপে নিৰ্বাচিত কৰা হয় । দুয়োটা ইনিংছতে মিলি ৮টা উইকেট দখল কৰিছিল বুমৰাহে । এই ছিৰিজৰ আগন্তুক মেচসমূহত বুমৰাহ বহু কৃতিত্ব অৰ্জন কৰিব পাৰিব ।

ইতিহাস সৃষ্টি কৰাৰ সুযোগ-

বুমৰাহে এতিয়ালৈকে অষ্ট্ৰেলিয়াত ৮খন টেষ্ট মেচ খেলিছে । এই সময়ছোৱাত তেওঁ নিজৰ নামত ৪০টা উইকেট দখল কৰিছে । তেওঁৰ সৰ্বোত্তম প্ৰদৰ্শন হৈছে ইনিংছত ৬/৩৩ আৰু মেচত ৯/৮৬ । এতিয়া তেওঁ শৃংখলাৰ পৰৱৰ্তী মেচসমূহত ইতিহাস সৃষ্টি কৰিব পাৰিব । অভিলেখ গঢ়িবলৈ তেওঁৰ ডাঙৰ সুযোগ আছে ।

বুমৰাহ গঢ়িব অভিলেখ-

অষ্ট্ৰেলিয়াত সৰ্বাধিক উইকেট দখল কৰা ভাৰতীয় বলাৰ হ’ব পাৰে যশপ্ৰীত বুমৰাহ । বৰ্তমান এই অভিলেখ মহান অধিনায়ক কপিল দেৱৰ নামত লিপিবদ্ধ আছে । তেওঁ ৫১টা উইকেট দখল কৰিছিল । এই বিষয়ত ৪৭ উইকেটৰে দ্বিতীয় স্থানত আছে অনিল কুম্বলে ।

লক্ষ্যত কুম্বলে আৰু কপিল দেৱৰ অভিলেখ-

যদি বুমৰাহে ৮টা উইকেট লয় তেন্তে তেওঁ অষ্ট্ৰেলিয়াৰ মাটিত সৰ্বাধিক উইকেট দখল কৰা দ্বিতীয়জন ভাৰতীয় বলাৰ হিচাপে পৰিগণিত হ’ব । তেওঁ প্ৰাক্তন অধিনায়ক অনিল কুম্বলে (৪৭ উইকেট)ক অতিক্ৰম কৰিব । একে সময়তে ১২টা উইকেট দখল কৰাৰ পাছত কপিল দেৱক অতিক্ৰম কৰিব তেওঁ । কপিল দেৱৰ নামত আছে ৫১টা উইকেট ।

লক্ষ্যত আক্ৰামৰ অভিলেখো-

ইয়াৰ উপৰিও বুমৰাহ দক্ষিণ আফ্ৰিকা, ইংলেণ্ড, নিউজীলেণ্ড, অষ্ট্ৰেলিয়াত সৰ্বাধিক উইকেট দখল কৰা এছিয়ান বলাৰ হিচাপে পৰিগণিত হ’ব । এই অভিলেখ আছে ৱাছিম ​​আক্ৰামৰ নামত । তেওঁ ৭০টা উইকেট দখল কৰিছে। ৬৩টা উইকেটৰে দ্বিতীয় স্থানত আছে বুমৰাহ ।

শাৰীত প্ৰবীণ খেলুৱৈ-

এইকেইখন দেশত সৰ্বাধিক উইকেট দখল কৰা এছিয়ান বলাৰৰ প্ৰথম স্থানত আছে ৱাছিম ​​আক্ৰাম (৭০ উইকেট) । তেওঁৰ পিছতে আছে যছপ্ৰীত বুমৰাহ (৬৩), ৱাকাৰ ইউনিছ (৬০), মুছতাক আহমেদ (৫৭), মুথিয়া মুৰালিধৰণ (৪২), এৰাপল্লী প্ৰসন্ন (৩৮), ইমৰাণ খান (৩৫) আৰু মহম্মদ ছিৰাজ (৩৫) ।