ঝাৰখণ্ড একাডেমিক কাউন্সিলে বৃহস্পতিবাৰে দশম শ্ৰেণীৰ ব’ৰ্ডে হিন্দী আৰু বিজ্ঞান বিষয়ৰ পৰীক্ষা বাতিল কৰাৰ কথা ঘোষণা কৰে।
এই সিদ্ধান্তটো তেতিয়া লোৱা হৈছিল যেতিয়া এই বিষয়বোৰৰ প্ৰশ্নকাকত সামাজিক মাধ্যমত ভাইৰেল হৈ পৰিছিল। জানিব পৰা মতে হিন্দী পৰীক্ষা ১৮ ফেব্ৰুৱাৰীত আৰু বিজ্ঞান পৰীক্ষা ২০ ফেব্ৰুৱাৰীত অনুষ্ঠিত হ’ব লগা আছিল।
ঝাৰখণ্ড একাডেমিক কাউন্সিলে এখন জাননী জাৰি কৰি কয় যে সামাজিক মাধ্যমত প্ৰশ্ন কাকত ভাইৰেল হোৱাৰ তথ্য লাভ কৰাৰ পিছতেই ১৮ আৰু ২০ ফেব্ৰুৱাৰীৰ পৰীক্ষা বাতিল কৰা হৈছে। জাননীখনত লগতে উল্লেখ কৰা হৈছে যে দুয়োটা বিষয়ৰ পৰীক্ষা পিছত পুনৰ অনুষ্ঠিত কৰা হ’ব।
