বক্স অফিচত খলকনি তুলিছে পাৱাৰ ষ্টাৰ আল্লু অৰ্জুনৰ ছবি পুষ্পা ২এ । এই চিনেমাখনে যোৱা ৫ দিনৰ পৰা অভিলেখ সংখ্যক সংগ্ৰহ কৰি আছে । ভাৰত আৰু বিশ্ব বজাৰত প্ৰতিদিনে পুষ্পাৰ উপাৰ্জনৰ গ্ৰাফ উৰ্ধমুখী হৈছে । আল্লু অৰ্জুনৰ এই ছবিখনে ভাৰতত ৬০০ কোটি টকা উপাৰ্জনৰ দিশত আগবাঢ়িছে । ইফালে বিশ্বজুৰি ইয়াৰ উপাৰ্জন হৈছে ৯০০ কোটি টকা ।
Sacnilk ৰ মতে, ছবিখনে ডাবল ডিজিট লাভ কৰি মনডে টেষ্টত সম্পূৰ্ণ নম্বৰ লাভ কৰি উত্তীৰ্ণ হৈছে । ভাৰতত সোমবাৰে পুষ্পা ২এ ৬৪ কোটি টকা সংগ্ৰহ কৰিছে । ইয়াৰ হিন্দী সংস্কৰণে ৪৬ কোটি টকা উপাৰ্জন কৰি এক অভিলেখ স্থাপন কৰিছে । য’ত আন ডাঙৰ ডাঙৰ ছবিবোৰ প্ৰথম সোমবাৰে একক সংখ্যাত ৰৈ যায় । আনহাতে পুষ্পা ২এ বিপুল উপাৰ্জন কৰিছে । সোমবাৰে পুষ্পা ২ৰ তেলেগু সংস্কৰণে ১৪ কোটি টকা উপাৰ্জন কৰিছে । সৰ্বোচ্চ সংগ্ৰহ হিন্দী ভাষাত হৈছে । উত্তৰ ভাৰতত পুষ্পা সন্দৰ্ভত মানুহৰ মাজত এনে উন্মাদনা দেখি আল্লু অৰ্জুনৰ জনপ্ৰিয়তাৰ অনুমান কৰিব পাৰি । ভাৰতত পুষ্পা ২এ ৫ দিনত ৫৯৩ কোটি টকাৰ ব্যৱসায় কৰিছে, হিন্দীত ৩৩১ কোটি টকা উপাৰ্জন কৰিছে ।
ট্ৰেড এনালিষ্ট তৰণ আদৰ্শৰ মতে, বৰ্ধিত প্ৰথম সপ্তাহত ছবিখনে ৪২৫ কোটি টকাৰ ব্যৱসায় কৰিব । বক্স অফিচত ইতিহাস সৃষ্টি কৰিছে ছবিখনে । সপ্তাহৰ দিনতো বৃদ্ধি পাইছে ছবিখনৰ উপাৰ্জন । দ্ৰুততমভাৱে ৪০০ কোটি টকা উপাৰ্জন কৰা চিনেমা হ’বলৈ গৈ আছে পুষ্পা ২ ।
বিশ্বজুৰি উপাৰ্জন কৰিলে ৯০০ কোটি টকা-
ট্ৰেড বিশ্লেষক ৰমেশ বালাই এক্সত জনোৱা মতে, পঞ্চম দিনত ছবিখনে বিশ্বৰ বজাৰত ৯০০ কোটি টকাৰ সীমা অতিক্ৰম কৰিছে । পুষ্পাৰ জনপ্ৰিয়তা সকলোতে আছে বুলি ক’লে ভুল কোৱা নহ’ব । অনুৰাগীসকলে সঁচাকৈয়ে চিনেমাখনৰ অভিনেতাসকলৰ একচন, গীত আৰু অভিনয় ভাল পাইছে । ছবিখনৰ সফলতাৰ বাবে আল্লু আৰু তেওঁৰ সমগ্ৰ দলটোৱে অনুৰাগীসকলক ধন্যবাদ জনাইছে । আল্লুৰ উপৰিও ফহাধ ফাচিল আৰু ৰশ্মিকা মন্দনাক পুষ্পা ২ ত গুৰুত্বপূৰ্ণ চৰিত্ৰত দেখা গৈছে ।
