ভাৰতীয় মূলৰ আমেৰিকান মুখ্য কাৰ্যবাহী বিষয়া সত্য নাডেলাই ভাৰতত প্ৰধানমন্ত্ৰী নৰেন্দ্ৰ মোদীক সাক্ষাৎ কৰে । নতুন দিল্লীত অনুষ্ঠিত এই বৈঠকৰ সময়ত মাইক্ৰ’ছফ্টৰ চি ই অ’ গৰাকীয়ে ভাৰতত কোম্পানীটোৰ সম্প্ৰসাৰণ আৰু বিনিয়োগৰ পৰিকল্পনা সন্দৰ্ভত বিতংভাৱে আলোচনা কৰে । মূল বিষয়সমূহ আছিল এ আই, ক্লাউড সেৱাৰ পৰা আৰম্ভ কৰি উদ্ভাৱনলৈকে । সোমবাৰে এই বৈঠকৰ অন্তত সত্য নাডেলাই এক্স-পোষ্টৰ জৰিয়তে প্ৰধানমন্ত্ৰী নৰেন্দ্ৰ মোদীক ধন্যবাদ জনায় । একে সময়তে প্ৰধানমন্ত্ৰী মোদীয়েও এই বৈঠকত আলোচনা কৰা বিষয়সমূহৰ বিষয়ে এটা পোষ্ট যোগে কয় । ইয়াৰ লগতে মঙলবাৰে সত্য নাডেলাই দেশত ৩ বিলিয়ন ডলাৰৰ বিনিয়োগৰ কথাও ঘোষণা কৰে ।
এ আইৰ সকলো দিশৰ ওপৰত আলোচনা-
মাইক্ৰ’ছফ্টৰ ভাৰতীয় মূলৰ চি ই অ’ সত্য নাডেলাই সোমবাৰে প্ৰধানমন্ত্ৰী মোদীক সাক্ষাৎ কৰি কোম্পানীটোৰ ভাৰতত বিনিয়োগৰ পৰিকল্পনা আৰু এ আইৰ বিভিন্ন দিশৰ বিষয়ে আলোচনা কৰে । তেওঁ ভাৰতক এ আই খণ্ডত আগশাৰীৰ ৰূপত গঢ়ি তোলাৰ দিশত কাম কৰাৰ আগ্ৰহ প্ৰকাশ কৰে । সত্য নাডেলাই তেওঁৰ এক্স একাউণ্টত প্ৰশংসা কৰে প্ৰধানমন্ত্ৰী মোদীক । তেওঁ নিজৰ পোষ্টত লিখিছে, ‘আপোনাৰ নেতৃত্বৰ বাবে ধন্যবাদ । ভাৰতক এ আই ফাৰ্ষ্ট কৰাৰ প্ৰতিশ্ৰুতি আৰু দেশত আমাৰ অবিৰত সম্প্ৰসাৰণৰ ওপৰত একেলগে কাম কৰি আমি উৎফুল্লিত হৈছো যাতে প্ৰতিজন ভাৰতীয়ই এই এ আই প্লেটফৰ্মৰ ৰূপান্তৰৰ পৰা লাভৱান হ’ব পাৰে ।’
It was indeed a delight to meet you, @satyanadella! Glad to know about Microsoft's ambitious expansion and investment plans in India. It was also wonderful discussing various aspects of tech, innovation and AI in our meeting. https://t.co/ArK8DJYBhK
— Narendra Modi (@narendramodi) January 6, 2025
প্ৰধানমন্ত্ৰী নৰেন্দ্ৰ মোদীয়ে পোষ্টটো শ্বেয়াৰ কৰি লিখিছে, ‘আপোনাক লগ পাই আনন্দিত হৈছো আৰু ভাৰতত মাইক্ৰ’ছফ্টৰ অভিলাষী সম্প্ৰসাৰণ আৰু বিনিয়োগৰ পৰিকল্পনাৰ বিষয়ে জানিবলৈ পাই আনন্দিত হৈছো । এই বৈঠকত উদ্ভাৱন, প্ৰযুক্তি আৰু এ আইৰ বিভিন্ন দিশৰ ওপৰত আলোচনা কৰা হয় ।‘
১ কোটি লোকক এ আই প্ৰশিক্ষণ-
প্ৰধানমন্ত্ৰী নৰেন্দ্ৰ মোদীৰ সৈতে সাক্ষাৎ কৰাৰ পিছদিনা মঙলবাৰে আমেৰিকাৰ চি ই অ’ সত্য নাডেলাই ডাঙৰ ডাঙৰ ঘোষণা কৰে । তেওঁ কয় যে ২০৩০ চনৰ ভিতৰত মাইক্ৰ’ছফটে ভাৰতৰ প্ৰায় ১ কোটি লোকক এ আই দক্ষতা বিকাশৰ প্ৰশিক্ষণ প্ৰদান কৰিব । সত্য নাডেলাই আৰু কয় যে ভাৰতত প্ৰচণ্ড গতি আছে, য’ত মানুহে বহু এজেণ্ট ধৰণৰ নিয়োগৰ বাবে ঠেলি দিছে ।
ভাৰতত ৩ বিলিয়ন ডলাৰৰ বিনিয়োগৰ ঘোষণা-
সত্য নাডেলাই আন এক ডাঙৰ ঘোষণা কৰি কয় যে আই টি জায়ান্ট মাইক্ৰ’ছফটে নিজৰ ক্লাউড আৰু এ আই ক্ষমতা সম্প্ৰসাৰণৰ বাবে ভাৰতত ৩ বিলিয়ন ডলাৰ বিনিয়োগ কৰিব । ইয়াৰ জৰিয়তে দেশত ক্লাউড আৰু এআই আন্তঃগাঁথনি সম্প্ৰসাৰণ কৰা হ’ব । নাডেলাই আৰু কয় যে ভাৰতত অতিৰিক্ত ৩ বিলিয়ন ডলাৰ বিনিয়োগ কৰি এতিয়ালৈকে হোৱা আটাইতকৈ ডাঙৰ সম্প্ৰসাৰণৰ কথা ঘোষণা কৰি আমি সঁচাকৈয়ে উৎসাহিত হৈছো ।
