যদি কোনো ব্যক্তিয়ে, কোনো কাম অবিৰতভাৱে কৰে তেন্তে ব্যক্তিজন বিৰক্ত হ’বলৈ বা অতি ভাগৰুৱা হ’বলৈ আৰম্ভ কৰে । যদি আপুনি কোনো ধৰণৰ বিৰতি নোলোৱাকৈ অবিৰতভাৱে গাড়ী চলাই আছে, এনে পৰিস্থিতিত অবিৰতভাৱে বহু ঘণ্টা গাড়ী চলাই ভাগৰুৱা হোৱাটো স্বাভাৱিক, যাৰ বাবে আপুনি অন্যমনস্ক হৈ পৰিব আৰু দুৰ্ঘটনা হোৱাৰ সম্ভাৱনাও বাঢ়িব । একেদৰে যদি কোনোবাই ঘণ্টাৰ পিছত ঘণ্টা বহি অবিৰতভাৱে অধ্যয়ন কৰে, তেন্তে তেওঁৰ ক্ষেত্ৰতো একেধৰণৰ ঘটনাই ঘটিব । যাৰ বাবে অবিৰতভাৱে বহি থাকিলে বহু সমস্যা বৃদ্ধি পাব আৰু আপুনি আকাংক্ষিত ফলাফল নাপাবও পাৰে । দীঘলীয়া অধ্যয়নৰ সময়ত চুটি বিৰতি ল’ব লাগে ।
মনোযোগ আৰু একাগ্ৰতা বৃদ্ধি কৰে-
যিকোনো প্ৰতিযোগিতামূলক পৰীক্ষাৰ বাবে প্ৰস্তুতি চলোৱাৰ সময়ত বা ব’ৰ্ড পৰীক্ষাৰ বাবে অধ্যয়ন কৰাৰ সময়ত বিৰতি নোহোৱাকৈ দীঘলীয়া অধ্যয়নৰ সময়বোৰ অতি ক্লান্তিকৰ আৰু কম ফলপ্ৰসূ হৈ উঠিব পাৰে । এনে পৰিস্থিতিত সময়ে সময়ে ৰৈ জিৰণি লোৱাটোৱে যিকোনো কামত মনোনিৱেশ বৃদ্ধি কৰাত বহুত সহায় কৰে । এই চুটি বিৰতিবোৰে আপোনাক একাগ্ৰতাৰে অধ্যয়ন কৰাত বহুত সহায় কৰিব পাৰে, যাৰ ফলত সামগ্ৰিক উৎপাদনশীলতা বৃদ্ধি পায় ।
মানসিক স্বাস্থ্য-
অবিৰত পঢ়া-শুনা কৰিলে মানসিকভাৱে ভাগৰুৱা হ’ব পাৰে, অলপ বিৰতি ল’লে মগজুৱে জিৰণি লাভ কৰে, যাৰ ফলত মানসিক ক্লান্তি সহজতে কমাব পাৰি । কিছু সময়ৰ বাবে কিতাপৰ পৰা আঁতৰি থাকিলে সৃষ্টিশীলতা বৃদ্ধি পাব পাৰে, যাতে বিৰতিৰ পৰা উভতি আহিলে আপুনি সমস্যাবোৰ বেলেগ দৃষ্টিকোণৰ পৰা সমাধান কৰিব পাৰে ।
মানসিক হ্ৰাস কৰে-
বিৰতি ল’লে মগজুৱে তথ্য প্ৰক্ৰিয়াকৰণ আৰু একত্ৰিত কৰাৰ সুযোগ দিয়ে, যিয়ে স্মৃতিশক্তি ধৰি ৰখা আৰু বুজাৰ লগতে শিক্ষণ ক্ষমতাও উন্নত কৰে । ইয়াৰ উপৰিও নিয়মীয়া বিৰতিৰ সময়ত জিৰণি ল’বলৈ আৰু মানসিক চাপমুক্ত হ’বলৈ সময় পোৱা যায় । ইয়াৰ ফলত মানসিক চাপৰ মাত্ৰা হ্ৰাস কৰাত সহায়ক হয় ।
মুড উন্নত কৰা-
বিৰতি লোৱাটোৱে মেজাজ আৰু প্ৰেৰণা বৃদ্ধি কৰিব পাৰে, যাৰ ফলত অধ্যয়নৰ সময় অধিক আৰামদায়ক হয় । লগতে, সুষম অধ্যয়ন ৰুটিন সৃষ্টি কৰিলে স্বাস্থ্য উন্নত হয় আৰু অধিক ফলপ্ৰসূ অধ্যয়নৰ অভ্যাসৰ সৃষ্টি হয় ।
সমস্যা সমাধানৰ দক্ষতা-
বিৰতি লোৱাটোৱে জটিল সমস্যাসমূহৰ কাষ চাপিবলৈ প্ৰয়োজনীয় মানসিক দূৰত্ব, নতুন দৃষ্টিভংগী আৰু উন্নত সমস্যা সমাধানৰ দক্ষতা প্ৰদান কৰে । চমু বিৰতিৰ বাবে বৃহৎ পৰিমাণৰ তথ্য সংগ্ৰহ কৰাৰ প্ৰয়োজন নাই । কিন্তু যিকোনো বিষয় অধিক নিয়ন্ত্ৰণযোগ্যতাৰে সমাধান কৰিব পাৰি ।
