পুষ্পাৰ অনুৰাগীসকলে ইয়াৰ কাহিনীৰ পৰৱৰ্তী অধ্যায়ৰ বাবে আগ্ৰহেৰে অপেক্ষা কৰি আছে আৰু এতিয়া এই অপেক্ষাৰ অন্ত পৰিবলৈ ওলাইছে । ‘পুষ্পা- দ্য ৰুল’ৰ কাউন্টডাউন আনুষ্ঠানিকভাৱে আৰম্ভ হৈছে । পুষ্পা – দ্য ৰাইজৰ সফলতাৰ পিছত, ইয়াৰ চিকুৱেল আৰু অধিক বিস্ফোৰক একচন, ড্ৰামাৰ সৈতে মুক্তি পাব । শেহতীয়াকৈ মুকলি হোৱা নতুন পোষ্টাৰে ইয়াৰ এক আভাস দিছে ।
বছৰটোৰ আটাইতকৈ প্ৰতীক্ষিত চলচ্চিত্ৰসমূহৰ ভিতৰত, ‘পুষ্পা – দ্য ৰুল’ৰ মুক্তিৰ বাবে এমাহ বাকী আছে । ছবিখনৰ ট্ৰেইলাৰ অতি সোনকালেই মুক্তি পাব । ইয়াৰ পূৰ্বে, নিৰ্মাতাসকলে ‘পুষ্পা- দ্য ৰুল’ৰ এখন নতুন পোষ্টাৰ মুকলি কৰিছে । এই নতুন পোষ্টাৰে অনুৰাগীসকলৰ উত্তেজনা আৰু অধিক বৃদ্ধি কৰিছে ।
আল্লু অৰ্জুন আৰু ফাহাদ ফাচিলৰ ফেচ অফ পোষ্টাৰ মুকলি-
‘পুষ্পা- দ্য ৰুল’ৰ নতুন পোষ্টাৰত মুখামুখিকৈ দেখা গৈছে আল্লু অৰ্জুন আৰু ফাহাদ ফাচিলক । আল্লু অৰ্জুনক খঙাল দেখা যোৱাৰ বিপৰীতে ফাহাদ ফাচিলক খলনায়ক অৱতাৰত দেখা গৈছে । পোষ্টাৰখন শ্বেয়াৰ কৰাৰ সময়ত ছবিখনৰ প্ৰডাকচন হাউচে লিখিছে – #Pushpa2TheRule ৰ বাবে এমাহ বাকী । নিজকে প্ৰস্তুত কৰক । এমাহৰ ভিতৰতে ছবিগৃহত মুক্তি পাবলৈ সাজু হৈছে বছৰৰ সৰ্ববৃহৎ ভাৰতীয় ছবিখন । অতি সোনকালে ট্ৰেইলাৰ মুকলি হ’ব ।
কেতিয়া মুক্তি পাব ‘পুষ্পা- দ্য ৰুল’ ?
সুকুমাৰৰ পৰিচালিত ছবি ‘পুষ্পা – দ্য ৰুল’ এইবাৰ ছবিগৃহত মুক্তি পাবলৈ সাজু হৈছে । ৫ ডিচেম্বৰত পৰ্দাত মুক্তি পাব ছবিখন য’ত আল্লু অৰ্জুন আৰু ফাহাদ ফাচিলৰ উপৰিও ৰশ্মিকা মন্ধানাকো দেখা যাব ।
