ছত্তীশগড়ৰ চুকমা জিলাত সুৰক্ষা বাহিনীয়ে এক ডাঙৰ সফলতা অৰ্জন কৰিছে। নক্সালবাদীৰ সৈতে হোৱা এক সংঘৰ্ষত নিৰাপত্তাৰক্ষীয়ে ১০ জন নক্সালবাদীক হত্যা কৰিছে।
শুকুৰবাৰে ছত্তীশগড়ৰ চুকমা জিলাত নিৰাপত্তাৰক্ষী আৰু মাওবাদীৰ মাজত সংঘৰ্ষ সংঘটিত হয়।আৰক্ষীয়ে দিয়া তথ্য অনুসৰি ভেজ্জি আৰক্ষী থানাৰ অধিকাৰক্ষেত্ৰৰ অন্তৰ্গত এখন অৰণ্যত ৰাতিপুৱা গুলীবৰ্ষণ আৰম্ভ হয়।
নিৰাপত্তাৰক্ষীৰ এটা দলে নক্সাল বিৰোধী অভিযানত যোৱাৰ সময়তেই সংঘটিত হয় এই সংঘৰ্ষ।আৰক্ষীৰ দলটোৱে নক্সালবাদীৰ উপস্থিতিৰ বিষয়ে তথ্য পোৱাৰ পিছতেই অভিযানত গৈছিল চিআৰপিএফৰ এটা যুটীয়া দল ।
তাৰ পিছতেই নিৰাপত্তাৰক্ষী আৰু নক্সালবাদীৰ মাজত তুমুল সংঘৰ্ষ হয়। মাওবাদীৰ দলটো পৰা আৰক্ষীয়ে আইএনএছএএছ ৰাইফল, এ কে ৪৭ ৰাইফল, এছএলআৰ আৰু আন বহুতো অস্ত্ৰ উদ্ধাৰ কৰিছে।
