ম্যানমাৰৰ এটা সশস্ত্ৰ সংখ্যালঘু জাতিগোষ্ঠীৰ দ্বাৰা নিয়ন্ত্ৰিত এখন গাঁৱত সামৰিক বিমান আক্ৰমণত কমেও ৪০ জন লোক নিহত আৰু প্ৰায় ২০ জন আহত হৈছে বুলি জানিব পৰা গৈছে।
বিষয়াসকলে দাবী কৰিছিল যে বিমান আক্ৰমণৰ ফলত সংঘটিত অগ্নিকাণ্ডৰ ফলত শ শ ঘৰ ধ্বংস হৈছিল।জানিব পৰা মতে বুধবাৰে পশ্চিম ৰাখাইন ৰাজ্যৰ সংখ্যালঘু জাতিগোষ্ঠী আৰাকান আৰ্মীৰ দ্বাৰা নিয়ন্ত্ৰিত অঞ্চল ৰামৰি দ্বীপৰ কিয়াউক নি মাও গাঁৱত এই আক্ৰমণটো সংঘটিত হয়।
অৱশ্যে, সেনাই অঞ্চলটোত কোনো আক্ৰমণ নিশ্চিত কৰা নাই। গাওঁখনৰ পৰিস্থিতি স্বতন্ত্ৰভাৱে পৰীক্ষা কৰিব পৰা নগ’ল, কিয়নো অঞ্চলটোত ইণ্টাৰনেট আৰু ম’বাইল ফোন সেৱাৰ প্ৰৱেশাধিকাৰ প্ৰায় ব্যাহত হৈছে।
তাৎপৰ্যপূৰ্ণভাৱে, ২০২১ চনৰ ফেব্ৰুৱাৰীত সামৰিক বাহিনীয়ে অং চান চু কীৰ নিৰ্বাচিত চৰকাৰক উৎখাত কৰাৰ পিছত ম্যানমাৰত হিংসাৰ আৰম্ভণি হৈছিল।
সেনাই শান্তিপূৰ্ণ প্ৰদৰ্শন দমন কৰিবলৈ বল প্ৰয়োগ কৰিছে। ইফালে, সামৰিক শাসনৰ বহুবিৰোধীয়ে অস্ত্ৰ-শস্ত্ৰ গ্ৰহণ কৰিছে আৰু দেশৰ বৃহৎ অংশ এতিয়া সংঘৰ্ষত লিপ্ত হৈছে।
