২০২৪ বৰ্ষটো ভাৰতীয় অৰ্থনীতিৰ বাবে এক গুৰুত্বপূৰ্ণ আৰু সফল বছৰ হিচাপে প্ৰমাণিত হৈছে । এইবাৰ ভাৰতে ৮.২% জি ডি পি (GDP) বৃদ্ধি লাভ কৰিছে, যি চৰকাৰৰ আনুমানিক ৭.৩% বৃদ্ধিৰ হাৰৰ তুলনাত অধিক । ইয়াৰ লগে লগে ভাৰতৰ জি ডি পি ৪৭.২৪ লাখ কোটি টকা হৈছেগৈ । এই প্ৰদৰ্শনে বিশ্বৰ পঞ্চম বৃহত্তম অৰ্থনীতি হিচাপে ভাৰতৰ স্থান আৰু অধিক শক্তিশালী কৰি তুলিছে ।
দেশৰ আটাইতকৈ ধনী ৰাজ্য-
২৮খন ৰাজ্য, ৮খন কেন্দ্ৰীয় শাসিত অঞ্চল আৰু এখন ৰাজধানী সামৰি লোৱা ভাৰতৰ বৈচিত্ৰ্যই ইয়াৰ অৰ্থনৈতিক শক্তিৰ সংজ্ঞা নিৰ্ধাৰণ কৰে । এই ৰাজ্যসমূহৰ কিছুমান ৰাজ্য কেৱল আঞ্চলিকভাৱে নহয়, ৰাষ্ট্ৰীয় পৰ্যায়তো অৰ্থনৈতিক উন্নয়নৰ মূল কেন্দ্ৰ হিচাপে আত্মপ্ৰকাশ কৰিছে । জি ডি পি আৰু জি এছ ডি পিৰ ভিত্তিত এইবাৰ মহাৰাষ্ট্ৰ, তামিলনাডু আৰু কৰ্ণাটক আটাইতকৈ ধনী ৰাজ্যৰ ভিতৰত আছিল ।
মহাৰাষ্ট্ৰৰ আটাইতকৈ ধনী ৰাজ্য-
দেশৰ অৰ্থনৈতিক ৰাজধানী হিচাপে গণ্য কৰা মহাৰাষ্ট্ৰ ২০২৪ চনত আটাইতকৈ ধনী ৰাজ্য । ইয়াৰ আনুমানিক মুঠ ৰাজ্যিক ঘৰুৱা উৎপাদন (GSDP) আছিল ৪২.৬৭ লাখ কোটি টকা, যি ৰাষ্ট্ৰীয় জি ডি পিৰ ১৩.৩% ।
মহাৰাষ্ট্ৰৰ অৰ্থনৈতিক শক্তিৰ এক বৃহৎ অংশ ইয়াৰ বিত্তীয় সেৱা, উদ্যোগ আৰু চলচ্চিত্ৰ উদ্যোগৰ পৰাই আহে । ৰাজ্যখনৰ ৰাজধানী মুম্বাইত ৰাষ্ট্ৰীয় ষ্টক এক্সচেঞ্জ আৰু বম্বে ষ্টক এক্সচেঞ্জৰ দৰে বিত্তীয় প্ৰতিষ্ঠান আছে । ৰিলায়েন্স আৰু টাটাৰ দৰে কোম্পানীৰ মুখ্য কাৰ্যালয়েও ইয়াক আন ৰাজ্যতকৈ পৃথক কৰি তুলিছে ।
দ্বিতীয় স্থানত তামিলনাডু-
জি এছ ডি পি ৩১.৫৫ লাখ কোটি টকাৰে দ্বিতীয় স্থানত আছে তামিলনাডু । অটোমোবাইল, বস্ত্ৰ আৰু তথ্য প্ৰযুক্তিৰ দৰে উদ্যোগৰ ইয়াৰ অৰ্থনীতিত ডাঙৰ অৱদান আছে । তামিলনাডুৰ জনমূৰি জি ডি পি ৩.৫০ লাখ টকা (২০২৩-২৪ বিত্তীয় বৰ্ষ) আছিল, যাৰ ফলত জনমূৰি আয়ৰ ক্ষেত্ৰতো তামিলনাডুৰ এখন শক্তিশালী ৰাজ্য ।
তৃতীয় স্থানত কৰ্ণাটক-
কৰ্ণাটক ২৮.০৯ লাখ কোটি টকাৰ জি এছ ডি পিৰে তৃতীয় স্থানত আছে । ৰাষ্ট্ৰীয় জি ডি পিত ইয়াৰ অৰিহণা ৮.২% । ভাৰতৰ “চিলিকন ভেলী” নামেৰে পৰিচিত বেংগালুৰু ৰাজ্যখনৰ অৰ্থনৈতিক শক্তিৰ মূল উৎস । এই ৰাজ্যখন তথ্য প্ৰযুক্তি, ষ্টাৰ্টআপ আৰু উদ্ভাৱনৰ ক্ষেত্ৰত আগৰণুৱা ।
চতুৰ্থ স্থানত গুজৰাট-
২৭.৯ লাখ কোটি টকাৰ জি এছ ডি পিৰে চতুৰ্থ স্থানত আছে গুজৰাট । ৰাষ্ট্ৰীয় জি ডি পিত ইয়াৰ অৰিহণা ৮.১% । এই ৰাজ্যখন শক্তিশালী উদ্যোগিক ভিত্তি আৰু ব্যৱসায়িক পৰিৱেশৰ বাবে বিখ্যাত । পেট্ৰ’কেমিকেল, বস্ত্ৰশিল্প, হীৰা পলিচিং আদি খণ্ডত এই ৰাজ্যখন আগশাৰীৰ ।
উত্তৰ প্ৰদেশ পঞ্চম স্থানত-
ভাৰতৰ সৰ্বাধিক জনবহুল ৰাজ্য উত্তৰ প্ৰদেশৰ জি এছ ডি পি ২৪.৯৯ লাখ কোটি টকা আৰু ৰাষ্ট্ৰীয় জি ডি পিৰ অৱদান ৮.৪%ৰে পঞ্চম স্থানত আছে । কিন্তু ৰাজ্যখনৰ জনমূৰি আয় মাত্ৰ ০.৯৬ লাখ টকা, যিটো আন শীৰ্ষ ৰাজ্যতকৈ কম ।
এই ৰাজ্যসমূহো তালিকাত আছে-
পশ্চিম বংগঃ ১৮.৮ লাখ কোটি টকা জি এছ ডি পি আৰু ৫.৬% ৰাষ্ট্ৰীয় অৱদানৰে ষষ্ঠ স্থান ।
তেলেংগানাঃ ১৬.৫ লাখ কোটি টকা জি এছ ডি পি আৰু ৪.৯% অৱদানৰে দ্ৰুতগতিত উদীয়মান ৰাজ্য, এই তালিকাত ৮ নম্বৰত আছে ।
অন্ধ্ৰ প্ৰদেশঃ ১৫.৮৯ লাখ কোটি টকা জি এছ ডি পি আৰু ৪.৭% বৰঙণিৰে অষ্টম স্থান ।
দিল্লীঃ ভাৰতৰ ৰাজধানীৰ জি এছ ডি পি ৰেকৰ্ড ১১.০৭ লাখ কোটি টকা । ই ৰাষ্ট্ৰীয় জি ডি পিত ৩.৬% অৰিহণা যোগায় ।
ভৱিষ্যতৰ সম্ভাৱনা-
এছ এণ্ড পি গ্ল’বেল মাৰ্কেট ইনটেলিজেন্সৰ তথ্য অনুসৰি ২০৩০ চনৰ ভিতৰত ভাৰতৰ অৰ্থনীতিয়ে ৭ ট্ৰিলিয়ন ডলাৰ অতিক্ৰম কৰিব পাৰে । এই বৃদ্ধিৰ কাৰণ হ’ব পাৰে প্ৰধান ৰাজ্যসমূহৰ অৰ্থনৈতিক অৱদান আৰু ইয়াৰ মৌলিক গাঁথনি ।
