ৰাজনৈতিক অস্থিৰতাৰ মাজতে বাংলাদেশত সংখ্যালঘু হিন্দু সকলে অনুষ্ঠিত কৰিছে দুৰ্গা পূজা । এই সময়ছোৱাত দেশখনৰ কেইবাঠাইতো দুৰ্গা পূজাক মণ্ডপত সংঘটিত হৈছে বিক্ষিপ্ত ঘটনা । দুৰ্গা পূজাৰ সময়ত অপ্ৰীতিকৰ ঘটনা ঘটা পৰিলক্ষিত হৈছে ।
শুকুৰবাৰে ঢাকাৰ এটা দুৰ্গা পূজাৰ মণ্ডপত পেট্ৰ’ল বোমা নিক্ষেপ কৰা হৈছিল । ঘটনাটোত এজন লোক আহত হৈছিল । চট্টগ্ৰামত, দুৰ্গা পূজাৰ পেণ্ডেলত এটা ইছলামিক গীত বজোৱা হৈছিল, যাৰ ফলত প্ৰশ্ন উত্থাপিত হৈছিল । সাতজন লোকৰ বিৰুদ্ধে ইতিমধ্যে গোচৰ ৰুজু কৰা হৈছে । দুৰ্গা পূজাৰ প্ৰায় ৩৫ টা বিক্ষিপ্ত ঘটনা ঘটাৰ পিছত ১৭ জন লোকক আটক কৰা হৈছে ।
প্ৰধানমন্ত্ৰী মোদীয়ে দান কৰা মুকুট চুৰি-
বাংলাদেশৰ জেশোৰেশ্বৰী মন্দিৰৰ পৰা মুকুট চুৰিৰ দৰে ঘটনা সংঘটিত হৈছে । ২০২১ চনত বাংলাদেশ ভ্ৰমণৰ সময়ত প্ৰধানমন্ত্ৰী নৰেন্দ্ৰ মোদীয়ে মুকুটটো উপহাৰ দিছিল । ঘটনাটোৰ চিচিটিভি ফুটেজ ভাইৰেল হৈ পৰিছে । ভাৰতে এই চুৰিৰ ঘটনাত আপত্তি জনাইছে । মন্দিৰৰ পৰা চুৰি হোৱা মুকুটটোৰ চিচিটিভি ভিডিঅ’ত, জিন্স আৰু টি-চাৰ্ট পিন্ধা এজন যুৱক মন্দিৰত প্ৰৱেশ কৰা দেখা গৈছে । মুকুটটো উঠোৱাৰ পিছত, তেওঁ ইয়াক তেওঁৰ টি-চাৰ্টৰ ভিতৰত লুকুৱাই ৰাখে আৰু তাৰ পিছত মন্দিৰ এৰি আঁতৰি যায় ।
ভাৰতে তদন্তৰ দাবী জনাইছে-
ভাৰতে বাংলাদেশক ২০২১ চনত প্ৰধানমন্ত্ৰী নৰেন্দ্ৰ মোদীয়ে তেওঁৰ ভ্ৰমণকালত জেশোৰেশ্বৰী কালী মন্দিৰত উপহাৰ দিয়া মুকুট চুৰিৰ তদন্ত কৰিবলৈ আহ্বান জনাইছে । ছ’চিয়েল মিডিয়া প্লেটফৰ্ম ‘এক্স’ত দিয়া এটা পোষ্টত ঢাকাত থকা ভাৰতীয় উচ্চায়ুক্তই ধৰ্মীয় সামগ্ৰী চুৰি হোৱাত “গভীৰ উদ্বেগ” প্ৰকাশ কৰে আৰু কৰ্তৃপক্ষক ইয়াক উদ্ধাৰ কৰি অপৰাধীৰ বিৰুদ্ধে ব্যৱস্থা গ্ৰহণৰ আহ্বান জনায় ।
ভাৰতে উদ্বেগ প্ৰকাশ কৰিছে-
পোষ্টত কোৱা হৈছে,”আমি আমাৰ গভীৰ উদ্বেগ প্ৰকাশ কৰিছো আৰু বাংলাদেশ চৰকাৰক চুৰিৰ তদন্ত কৰিবলৈ, মুকুটটো উদ্ধাৰ কৰিবলৈ আৰু অপৰাধীৰ বিৰুদ্ধে ব্যৱস্থা গ্ৰহণ কৰাৰ আহ্বান জনাইছো । ” ভাৰত চৰকাৰৰ সূত্ৰই কয় যে নতুন দিল্লী চুৰিৰ এই ঘটনাত ভাৰত গভীৰভাৱে চিন্তিত । তেওঁ কয় যে ঢাকাত ভাৰতীয় উচ্চায়ুক্তই এই বিষয়টোত বাংলাদেশ কৰ্তৃপক্ষৰ সৈতে যোগাযোগ কৰি আছে । বাংলাদেশৰ আইন প্ৰৱৰ্তনকাৰী কৰ্তৃপক্ষক ঘটনাটোৰ তদন্ত, চুৰি হোৱা সামগ্ৰী উদ্ধাৰ আৰু অপৰাধীসকলক শাস্তি দিবলৈ অনুৰোধ জনোৱা হৈছে বুলি সূত্ৰত প্ৰকাশ ।
