দিল্লীৰ পৰিবহণ মন্ত্ৰী আৰু আম আদমী পাৰ্টিৰ জ্যেষ্ঠ নেতা কৈলাশ গেহলতে আম আদমী পাৰ্টিৰ প্ৰাথমিক সদস্যপদৰ পৰা পদত্যাগ কৰিছে।তেওঁৰ এই পদত্যাগৰ কাৰণ জনসাধাৰণক দিয়া প্ৰতিশ্ৰুতি পূৰণ নকৰা বুলি উল্লেখ কৰিছে। তেওঁ এই সন্দৰ্ভত কেজৰিৱাললৈ এখন পত্ৰও লিখিছে।
তেওঁৰ পদত্যাগ পত্ৰখনত, যমুনা পৰিষ্কাৰ কৰা আৰু কেজৰিৱালৰ বাংলো নিৰ্মাণৰ বিষয়টোও উত্থাপন কৰিছে।গেহলটে কৈছিল যে “আমি যোৱা নিৰ্বাচনত যমুনা নদীক পৰিষ্কাৰ কৰাৰ প্ৰতিশ্ৰুতি দিছিলো কিন্তু আমি সেই কাম কৰিব নোৱাৰিলো”।
তেওঁ দলৰ ৰাষ্ট্ৰীয় আহ্বায়ক অৰবিন্দ কেজৰিৱাললৈ এখন পত্ৰ লিখিছে। তেওঁ পত্ৰখনত লিখিছিল, “নতুন বাংলোৰ দৰে বহুতো লজ্জাজনক আৰু অদ্ভুত বিতৰ্ক আছে, যিটোৱে এতিয়া সকলোকে সন্দেহত পেলাইছে যে এতিয়াও আম আদমিৰ মানুহ বুলি বিশ্বাস কৰোঁ নেকি… “
“এতিয়া এইটো স্পষ্ট যে যদি দিল্লী চৰকাৰে অধিকাংশ সময় কেন্দ্ৰৰ সৈতে যুঁজিবলৈ ব্যয় কৰে তেতিয়া হ’লে দিল্লীৰ বাবে প্ৰকৃত প্ৰগতি হ’ব নোৱাৰিব।মোৰ ওচৰত আপৰ সৈতে পৃথক হোৱাৰ বাহিৰে কোনো বিকল্প নাই আৰু সেয়েহে মই আম আদমী পাৰ্টিৰ প্ৰাথমিক সদস্যপদৰ পৰা পদত্যাগ কৰিছো।”
কৈলাশ গেহলটে আপৰ বিৰুদ্ধে এটা ডাঙৰ অভিযোগ উত্থাপন কৰি কৈছিল, “আন এটা বেদনাদায়ক কথা হ’ল যে জনসাধাৰণৰ অধিকাৰৰ বাবে যুঁজ দিয়াৰ পৰিৱৰ্তে আমি কেৱল আমাৰ নিজৰ ৰাজনৈতিক কাৰ্যসূচীৰ বাবে যুঁজি আছো, এইটোৱে দিল্লীৰ লোকসকলক মৌলিক সেৱা প্ৰদান কৰাটো কঠিন কৰি তুলিছে…”
“মই দিল্লীৰ জনসাধাৰণৰ সেৱা কৰাৰ প্ৰতিশ্ৰুতিৰে মোৰ ৰাজনৈতিক যাত্ৰা আৰম্ভ কৰিছিলো আৰু মই সেইটো অব্যাহত ৰাখিব বিচাৰো, মোৰ ওচৰত দলটোৰ পৰা আঁতৰি যোৱাৰ কোনো বিকল্প বাকী নাই আৰু সেয়ে মই আম আদমী পাৰ্টিৰ প্ৰাথমিক সদস্যপদৰ পৰা পদত্যাগ কৰিছো।”
