পঞ্জাৱত সন্দীপ পাঠকৰ বিৰুদ্ধে জামিনহীন ধাৰাত দুখনকৈ এফআইআৰ ৰুজু কৰা হৈছে আৰু এতিয়া তেওঁৰ গ্ৰেপ্তাৰৰ ভাবুকিও আহি পৰিছে।

শেহতীয়াকৈ আম আদমী পাৰ্টি এৰি বিজেপিত যোগদান কৰা ৰাজ্যসভাৰ সাংসদ সন্দীপ পাঠকৰ বিৰুদ্ধে পঞ্জাৱত দুটা এফআইআৰ ৰুজু হৈছে।পঞ্জাৱৰ দুখন ভিন্ন জিলাত সন্দীপ পাঠকৰ বিৰুদ্ধে এফআইআৰ ৰুজু হৈছে।তেওঁৰ বিৰুদ্ধে দুয়োটা এফআইআৰ নন-বেইল ধাৰাত ৰুজু কৰা হৈছে।মন কৰিবলগীয়া যে সন্দীপ পাঠকৰ ওপৰত এতিয়া গ্ৰেপ্তাৰৰ ভাবুকিৰ সৃষ্টি হৈছে।

তাৰ মাজতে, সন্দীপ পাঠকৰ প্ৰথম প্ৰতিক্ৰিয়াও পোহৰলৈ আহিছে।সন্দীপ পাঠকে কয় যে, এনে কোনো FIRৰ বিষয়ে মই অৱগত নহয়,নতুবা কোনো আৰক্ষী বিষয়াই মোক এই বিষয়ে অৱগত কৰা নাই। মই সততা আৰু নিষ্ঠাৰে সমগ্ৰ জীৱন দেশৰ সেৱা কৰিয়েই কটালোঁ।ভাৰত যিকোনো দলতকৈ ডাঙৰ।মই কেতিয়াও মোৰ দেশক বিশ্বাসঘাতকতা নকৰো,নতুবা আন কাকো তেনে কৰিবলৈ নিদিওঁ।

তেওঁ আৰু কয় যে, মোৰ দৰে ব্যক্তিৰ বিৰুদ্ধে যদি কোনো তদন্ত আৰম্ভ কৰা হয়, তেন্তে ই কেৱল তেওঁলোকৰ আতংকক প্ৰতিফলিত কৰে।মই এই বিষয়ে আৰু একো ক’ব নিবিচাৰো।

লগতে পঢ়ক: পশ্চিম বংগৰ ১৫ টাকৈ কেন্দ্ৰত পুনৰ ভোটগ্ৰহণ; ইভিএমত খেলিমেলিৰ অভিযোগ

ৰাজ্যসভাত আম আদমী পাৰ্টীৰ ৭ গৰাকী সাংসদে বিজেপিত যোগদান কৰিছে। ৰাজ্যসভাৰ অধ্যক্ষই এই প্ৰস্তাৱত অনুমোদন জনাইছে।

আম আদমী পাৰ্টী আৰু অৰবিন্দ কেজৰিৱালে এক বৃহৎ বিপৰ্যয়ৰ সন্মুখীন হৈছে। ৰাঘৱ চাদ্দা আৰু সন্দীপ পাঠক সহ আম আদমি পাৰ্টীৰ ৭ গৰাকী সাংসদক বিজেপিত যোগদানৰ প্ৰস্তাৱত ৰাজ্যসভাৰ অধ্যক্ষই অনুমোদন জনাইছে।এই সন্দৰ্ভত আনুষ্ঠানিক অধিসূচনাও জাৰি কৰা হৈছে।য’ত বিজেপিৰ সাংসদৰ তালিকাত এই ৭ গৰাকী নেতাৰ নামো অন্তৰ্ভুক্ত।

আম আদমী পাৰ্টীৰ সাতজন সাংসদে বিজেপিত যোগদান কৰাৰ লগে লগে ৰাজ্যসভাত বিজেপিৰ মুঠ সাংসদৰ সংখ্যা ১১৩ গৰাকী হয়।ইয়াৰে পাঁচজন সদস্যক ৰাষ্ট্ৰপতিয়ে মনোনীত কৰিছে। বিজেপিত যোগদান কৰা আপৰ ৭ গৰাকী সাংসদ হৈছে ৰাঘৱ চাদ্দা, অশোক কুমাৰ মিত্তল, হৰভজন সিং, সন্দীপ কুমাৰ পাঠক, বিক্ৰমজিৎ সিং সাহনী, স্বাতী মালিৱাল, আৰু ৰাজেন্দ্ৰ গুপ্তা।

মন কৰিবলগীয়া যে শুকুৰবাৰে ৰাঘৱ চাদ্দা আৰু সন্দীপ পাঠকে বিজেপিত যোগদান কৰাৰ সিদ্ধান্ত ঘোষণা কৰিছিল। বিজেপিৰ সভাপতি নীতিন নবিনে সাংসদসকলক মিঠাই খোৱাই দললৈ আদৰণি জনায়।

আপৰ ৭ গৰাকী সাংসদ বিজেপিৰ সৈতে একত্ৰিত হোৱাৰ পিছত এতিয়া দলটোত মাত্ৰ ৩ গৰাকী সাংসদ হে বাকী আছে।তেওঁলোকৰ নাম হৈছে সঞ্জয় সিং, নাৰায়ণ দাস গুপ্ত, আৰু সন্ত বলবীৰ সিং।

লগতে পঢ়ক: “আজি শেষ প্ৰচাৰ,এতিয়া, মই শপত গ্ৰহণ অনুষ্ঠানলৈ হে আহিম”; বংগত  আত্মবিশ্বাসেৰে প্ৰধানমন্ত্ৰী মোদীৰ মন্তব্য

পঞ্জাৱৰ মুখ্যমন্ত্ৰী ভগৱন্ত মানে সাংসদ ৰাঘৱ চাড্ডাৰ ভিডিঅ’টোক লৈ তীব্ৰ সমালোচনা কৰে। মুখ্যমন্ত্ৰী গৰাকীয়ে কয় যে, ৰাঘৱ চাড্ডাই গুৰুত্বপূৰ্ণ বিষয়ৰ সলনি কেণ্টিনৰ চিংৰাৰ বিষয় হে উত্থাপন কৰে।

আম আদমী পাৰ্টি আৰু ৰাজ্যসভাৰ সাংসদ ৰাঘৱ চাড্ডাৰৰ মাজত বিদ্ৰোহ আৰম্ভ হৈছে। ৰাজ্যসভাত আম আদমি পাৰ্টিৰ উপ-নেতা পদৰ পৰা অপসাৰণ কৰাৰ পিছত ৰাঘৱ চাড্ডাই নিজৰ দলটোক লক্ষ্য কৰি এটা ভিডিঅ’ বিবৃতি প্ৰকাশ কৰে।

ইয়াৰ প্ৰতি প্ৰত্যুত্তৰ জনাই আম আদমি পাৰ্টিৰ নেতাসকলেও নিজৰ সাংসদ গৰাকীৰ বিৰুদ্ধে বিদ্ৰোহ আৰম্ভ কৰিছে।পঞ্জাৱৰ মুখ্যমন্ত্ৰী ভগৱন্ত মানে ৰাঘৱ চাড্ডাক কম্প্ৰমাইজ কৰা বুলি উল্লেখ কৰিছে।

পঞ্জাৱৰ মুখ্যমন্ত্ৰী ভগৱন্ত মানে উল্লেখ কৰে যে দলটোৰ সংসদীয় ব’ৰ্ডৰ নেতাসকল সময়ে সময়ে সলনি হয়, আৰু এইটো এটা স্বাভাৱিক প্ৰক্ৰিয়া।তেওঁৰ নিজৰ উদাহৰণ দি কয় যে, ২০১৪ চনৰ পাৰ ২০১৯ চনৰ ভিতৰত তেওঁও ড° ধৰ্মবীৰ গান্ধীৰ ঠাইত আছিল।ভাগৱত মানে উল্লেখ কৰে যে কেইবাটাও গুৰুতৰ বিষয় আছে,যিবোৰ বিষয়ত দলে আশা কৰে যে নিজৰ সাংসদসকলে ৱাকআউট কৰক বা মাত মাতিব।

মুখ্যমন্ত্ৰী গৰাকীয়ে কয় যে, যেতিয়া কোনো সংসদৰ সদস্যই তেনে কৰিব নোৱাৰে তেতিয়া ই নীতিক উলংঘা কৰা বুলি গণ্য কৰে।নীতি উলংঘা কৰাৰ বাবে পৰৱৰ্তী সময়ত ব্যৱস্থা গ্ৰহণ কৰা হয়।পশ্চিম বংগত ভোটাৰৰ নাম ভুলকৈ আঁতৰোৱাৰ ক্ষেত্ৰত হওক, বা গুজৰাটত আম আদমি পাৰ্টিৰ কৰ্মীক গ্ৰেপ্তাৰ সন্দৰ্ভত,ৰাঘৱ চাড্ডাই এইবোৰ বিষয়ক সম্বোধন কৰাৰ পৰিৱৰ্তে সংসদত কেণ্টিনত চিঙৰাৰ বৰ্ধিত মূল্য আৰু পিজ্জা ডেলিভাৰীত পলম হোৱাৰ বিষয়টো উত্থাপন কৰে। গতিকে মই ভাবো, তেওঁ হয়টো আপোচ কৰিছে।  

লগতে পঢ়ক: ‘ককায়েক-ভনীয়েকে আহি কংগ্ৰেছ পাৰ্টীটোক ডুবাই থৈ গ’ল’; ৰাহুল গান্ধীক কটাক্ষ পীয়ুষ হাজৰিকাৰ

ৰাজ্যসভাত প্ৰধানমন্ত্ৰী মোদীয়ে আম আদমি পাৰ্টিক লক্ষ্য কৰি লয়। প্ৰধানমন্ত্ৰী গৰাকীয়ে সুৰা নীতি আৰু কাঁচৰ ৰাজপ্ৰসাদক লৈ সমালোচনা কৰে।

বৃহস্পতিবাৰে (৫ ফেব্ৰুৱাৰী) প্ৰধানমন্ত্ৰী নৰেন্দ্ৰ মোদীয়ে ৰাজ্যসভাত ৰাষ্ট্ৰপতিৰ ভাষণ সন্দৰ্ভত ধন্যবাদৰ প্ৰস্তাৱৰ প্ৰতি সঁহাৰি জনায়।ইয়াৰ মাজতে প্ৰধানমন্ত্ৰী মোদীয়ে আম আদমী পাৰ্টিৰ ওপৰত তীব্ৰ আক্ৰমণ চলায়।

প্ৰধানমন্ত্ৰী মোদীয়ে কাব্যিক ৰূপত আম আদমি পাৰ্টিক লক্ষ্য কৰি দলটোৰ সুৰা নীতি আৰু আম আদমি পাৰ্টিৰ মুৰব্বী অৰবিন্দ কেজৰিৱালৰ কাঁচৰ ৰাজপ্ৰসাদক লৈ সমালোচনা কৰে।

বৃহস্পতিবাৰে প্ৰধানমন্ত্ৰী মোদীয়ে ভাষণ আৰম্ভ কৰাৰ লগে লগে বিৰোধী সাংসদসকলে জোৰেৰে শ্লোগান দিবলৈ আৰম্ভ কৰে।

প্ৰধানমন্ত্ৰী নৰেন্দ্ৰ মোদীয়ে আম আদমী পাৰ্টিক দুৰ্নীতি আৰু নৈতিক অৱনতিৰ অভিযোগ উত্থাপন কৰি তীব্ৰ আক্ৰমণ চলালে।

সংসদত ভাষণৰ সময়ত প্ৰধানমন্ত্ৰী মোদীয়ে কাৰো নাম নোলোৱাকৈয়ে কয় যে, এজন মাননীয় সদস্যই অহৰহ ভাষণ দি আছিল,কিন্তু তেওঁৰ সমগ্ৰ চৰকাৰ সুৰা নীতিৰ দৰে কেলেংকাৰীত ডুব গৈছে।

তেওঁ কয় যে তথাকথিত ‘কাঁচৰ মহল’ আজি প্ৰতিখন ঘৰতে ঘৃণাৰ কাৰণ হৈ পৰিছে আৰু ই ক্ষমতাৰ অহংকাৰ আৰু দুৰ্নীতিপৰায়ণ আচৰণৰ প্ৰতীক হৈ পৰিছে।

প্ৰধানমন্ত্ৰী নৰেন্দ্ৰ মোদীয়ে বিৰোধীয়ে জনসাধাৰণক বিপথে পৰিচালিত কৰাৰ অভিযোগ উত্থাপন কৰে।তেওঁ কয় যে একাংশ লোকে দেশ আৰু বিশ্বক বিপথে পৰিচালিত কৰিবলৈ অহৰহ চেষ্টা চলাই আছে, কিন্তু এইয়া কিমান দিনলৈ চলি থাকিব? প্ৰধানমন্ত্ৰী গৰাকীয়ে কটাক্ষ কৰি কয় যে, যি দিনাখন আইনাখন চাব, সেই দিনা সত্য লুকুৱাবলৈ ঠাই নাথাকিব।

লগতে পঢ়ক: ‘প্রধানমন্ত্রীৰ লগত যিকোনো ঘটনা হ’ল হয়’; লোকসভাৰ অধ্যক্ষ ওম বিৰলাৰ ডাঙৰ ৰহস্য ভেদ