আম আদমী পাৰ্টিয়ে পঞ্জাৱৰ ৰাজ্যসভাৰ সাংসদ ৰাঘৱ চাদ্দাক উপ-নেতা পদৰ পৰা অপসাৰণ কৰিছে। পদৰ পৰা অপসাৰণৰ পিছতেই সামাজিক মাধ্যমত ৰাঘৱ চাদ্দাই এটা বিশেষ পোষ্ট দিছে।
ৰাজ্যসভাৰ আম আদমি পাৰ্টিৰ উপ-নেতা পদৰ পৰা অপসাৰণ কৰাৰ পিছতে সাংসদ ৰাঘৱ চাদ্দাই প্ৰথমটো ছ’চিয়েল মিডিয়া পোষ্ট শ্বেয়াৰ কৰিছে।ইয়াত তেওঁ নজৰ নলগা ইমোজি ব্যৱহাৰ কৰিছে।এই ইমোজিক ‘ইভিল আই’ বুলিও কোৱা হয়।এই ইমোজিৰ লগতে তেওঁ যোৱা কিছুদিন সংসদত উত্থাপন কৰা বিষয়সমূহৰ এটা ভিডিঅ’ শ্বেয়াৰ কৰিছে।
আপৰ ৰাজ্যসভাৰ সাংসদ গৰাকীয়ে শ্বেয়াৰ কৰা ভিডিঅ’টো,সংসদত তেওঁক কেইবাটাও বিষয়ত ভাষণ দিয়া দেখা গৈছে।তেওঁ নিজৰ এক্স হেণ্ডেলত ২ মিনিট ৪৫ ছেকেণ্ডৰ এটা ভিডিঅ’ পোষ্ট কৰে।ভিডিঅ’টোৰ ভিতৰত মধ্যবিত্ত শ্ৰেণীৰ ওপৰত কৰ বোজা, তথ্যৰ ম্যাদ উকলি যোৱাৰ সমস্যা, পিতৃত্বৰ ছুটী, নূন্যতম বেলেন্সক লগোৱা জৰিমনা, খাদ্যৰ মিশ্ৰণ, ইকামিং কলৰ বাবে চাৰ্জ, ২৮ দিনীয়া ৰিচাৰ্জ ‘কেলেংকাৰী’, অতিৰিক্ত লটাৰী মাচুল, কাগজ লিক কেলেংকাৰী, বায়ু প্ৰদূষণ, স্বাস্থ্য বীমাৰ জি এছ টি, বিমানবন্দৰত দামী খাদ্য আদি অসংখ্য বিষয় আছে।
লগতে পঢ়ক: যিকোনো পৰিস্থিতিৰ সন্মুখীন হ’বলৈ সাজু ভাৰতঃ পশ্চিম এছিয়াৰ সংকটক লৈ ৰাজনাথ সিঙৰ মন্তব্য
